လှံင်ဆဘော ဂေါႇဆီုက်ဘြာန်ဂဲ ဒါထမီန်ပဴင် ပ္လေဘျုင် လံက်ဟာဝ်း ကောန်အီပ်ုန်(2)အီး ကတူႈဖေးဆဝ်း
19 September 2024
ပလှံင်ဆဘော ဂေါႇဆီုက်ဘြာန်ဂဲ ဒါထမီန်ပဴင် ပ္လေဘျုင် လံက်ဟာဝ်း ကောန်အီပ်ုန်(2)အီး ကတူႈဖေးဆဝ်း
ကုင်တအာင်း၊ ကျံရ်(9) ဆငည်း (19)
ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ၊ ဂေါႇဆီုက်ဘြာန်ဂဲ ဒါထမီန် ပဴင် ပ္လေဘျုင် လံက်ဟာဝ်း ကောန်အီပ်ုန်(2)အီး ကတူႈဖေးဆဝ် ကာည်း ကား(1)ကြောင် ညားငံရ်ကဆူမ်းဟာဝ်းအောႏ။
ကျံရ် (9) ဆငည်(17) အခိင်စူန်အံပ် (5:30)မနေဲတ်ဒိူန်း ဆီုက်ဘြာန်ဂဲ ဂေါည်ဂေါည်ဒေကယေင်ပဴင်ဟာဝ်း ဒီဂေါည်ကူန်ရဝ်မာဂါင် ခေဲင်လှံင်ဆဘော ဂေါႇပ္လေဒါင်းဂဲ စီဇောႈပဒူႈ ခေဲင်ဇံင်အူတ်စိင်း၊ ပဒူႈခေဲင်ကျောင်စဝ်၊ ယာငယ် အဆာက်(60)ဆန်ုမ် လံက်ဟာဝ်း တည်းကဒါႇလဝဲအ်ုန် ကတူႈဖေးဆဝ်း မိုႈဘိုး ကား(1)ကြောင် ကာည်း ဂြိုခြီုင်အီဂေါည်ခေဲင်ကားကဲဒီန် ညားငံရ်ကဆူမ်းဟာဝ်းဒိုႇအောႏ။
ဂေါႇဆီုက်ဘြာန်ဂဲ ဒါထမီန် Y-12 ရောတ်ဒေဲႈပဴင် ပ္လေဘျုင်ဘည်ဒီန် စီဇောႈပဒူႈ ခေဲင်ဇံင်ပါင်တေင် ကောန်အီပ်ုန် အဆာက်(14)ဆန်ုမ် အီယံင်ဆဲင် ခေဲင်က္လာႈဝဲက်ဝံ (1)အီး ညားဆိက်ပ္လေဘျုင်လံက် ကတူႈဟာဝ်းဖေးဆဝ်အောႏ။
ဆဲႈဒီန် အခိင်ရမှိူဝ်(7)နြီဒိူန်း ဆီုက်ဘြာန်ဂဲ ဒါJet Fighter ပဴင်ပ္လေဘျုင် (2)ပိုင်း ကာည်း အခိင်(7:30)မနေဲတ် ဒီန် ဒါဘိုး ထမီန် Y-12ကာည်း ရောက်ဒေဲႈပဴင်ပ္လေဘျုင် (60)ပိုင်း ပ္လေဘျုင်ပဴင်ကဲဒီန် ဒီဂီုန်းအ်ုန် ဇောႈပဒူႈလိူည် ခေဲင်လှံင် ကာည်း ဇံင်ဒီဂေါည်တိုအီးအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists