ဆီုက်ဘြာန်ဂဲ ဒါထမီန် ကာည်း ထာန်ဇံန်(500)ပိုင် ရောတ်ဒေဲႈပဴင်ဟာဝ်း ခေဲင်လှံင်နောင်ချေဲဝ်
17 September 2024
ဆီုက်ဘြာန်ဂဲ ဒါထမီန် ကာည်း ထာန်ဇံန်(500)ပိုင် ရောတ်ဒေဲႈပဴင်ဟာဝ်း ခေဲင်လှံင်နောင်ချေဲဝ်
ကုင်တအာင်း ၊ ကျံရ်(9)ဆငည်း(15)
ကုင်တအာင်း ၊ အိူင်အိုမ်ယ်ုရ်၊ ဒီဘြောင်ချှာင်PSLF/TNLAဂဲ ပလှံင်နောက်ချေဲဝ် ဆီုက်ဘြာန်ဂဲ ဒါထမီန် ကာည်း ထာဇံန်(500)ပိုင် ရောတ်ဒေဲႈပဴင်ဟာဝ်းဘို ကဒါ, ဇံင်တ်ုန် ကာည်း ဖြာဆျိုည်မုဋောအောႏ။
ကျံရ်(9)၊ ဆငည်း(14) အခိင်ရမှိူဝ် (12)နြီဒိူန် ဆီုက်ဘြာန်ဂဲ ဒါပ္လေဒါင်းထာန်ဇံန်(500)ပိုင် ကာည်း ပ္လေဘျုင်(3)ပိုင် ရောတ်ဒေဲ;ပဲင် အခိင်အီတ် ကူန်ရဝ်မာဂါင်ဂဲအောႏ။ ဂေါ,ဆီုက်ဘြာန်ဂဲ လီလာပဴင်ပ္လေဘျုင်ဘည်ဒီန် လံက်ဟာဝ်း ဂါင်(5)ဂါင် လူလှဲဝ်ႈဟာဝ်းအောႏ။
ဆဲႈဒီန် ဆငည်းအမှိူဝ်ဒိူန် ဂေါ,ပ္လေဘျုင်ပဴင်ဆီုက်ဘြာန်ဂဲ စီဇော;ပဒူ;လံက်ဟာဝ်း ကောန်အီပ်ုန်(1)အီးကတူႈဖေးဆဝ်း ကာည်း ဂါင်ကူန်ရဝ်မာဂါင် လူလှဲဝ်ႏဟာဝ်းအောႏ။
ဒီဘြောင်ချှာင်PSLF/TNLAဂဲ လှံင်အေဲမ်ကိုက်၊ လှံင်အိုမ်ယ်ုရ်၊ လှံင်ရူကော၊ လှံင်ဆဘော၊ လှံင်မာဝ်းဓံင်း၊ လှံင်နောင်ချေဲဝ် ကာည်း ပလှံင်အေဲမ်ခြီရ်ကဲနီန် ဆီုက်ဘြာန်ဂဲ ဒါပ္လေဘျုင် ထာန်ဇံန်(500)ပိုင် ကယေင်ပဴင်လိူည် ဒီဂေါည်ကူန်ရဝ်မာဂါင်ဂဲ တောန်ဆငည်း လူည်ႇဟာဝ်းခေါပ်ပြာႇ ဥပဒေဆီုက်ဒါင်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists