ဆီုက်ဘြာန်ဂဲ ဒါပ္လေဘျုင် ထာန်ဇံန် (500) ဒေဲႈပဴင် (2)ပိုင် ခေဲင်လှံင်အေဲမ်ခြီရ် လံက်ဟာဝ်းကူန်ရဝ်မာဂါင် (11)အီးယံမ်း ၊ (11)အီး ကတူႈဖေးဆဝ် ခေဲင်ဒီန်အ်ုန်တောပ်ဘိုး ကောန်အီပ်ုန်တိုဇံန် ကာည်း ကောန်ဒဲ
06 September 2024
ဆီုက်ဘြာန်ဂဲ ဒါပ္လေဘျုင် ထာန်ဇံန် (500) ဒေဲႈပဴင် (2)ပိုင် ခေဲင်လှံင်အေဲမ်ခြီရ် လံက်ဟာဝ်းကူန်ရဝ်မာဂါင် (11)အီးယံမ်း ၊ (11)အီး ကတူႈဖေးဆဝ် ခေဲင်ဒီန်အ်ုန်တောပ်ဘိုး ကောန်အီပ်ုန်တိုဇံန် ကာည်း ကောန်ဒဲႇ
ကုင်တအာင်း၊ ကျံရ်(9) ဆငည်း (6)
ကုင်တအာင်း ၊ အိူင်မာန်အော်မ်၊ ပလှံင်အေဲမ်ခြီရ်၊ ဆီုက်ဘြာန်ဂဲ ကယေင်ပဴင် ကူန်ရဝ်မာဂါင်ဂဲ ဒါပ္လေလာက်နာက်အီရဲင်ဘ္လောမ် ပ္လေထာန်ဇံန်(500) ဒေဲႈပဴင် (2)ပိုင် ခေဲင်လှံင်အေဲမ်ခြီရ်အောႏ။
ဆငည်းအဒိူဝ်း ကျံရ်(9) ဆငည်း (6) အခိင် ခိညှာဇေဝ်း (1:35)မနဲတ်ဒိူန်း ဆီုက်ဘြာန်ဂဲ ဒါ ဂျဲတ်ဖ်ုက်တာ ဒေဲႈပဴင် ပ္လေဘျုင် စီဇောႈပဒူႈ လံက်ဟာဝ်း တပြောက္လာႈရမှိူဝ် ၊ တေဲင်ဂါင်ကူန်ရဝ်မာဂါင် ကာည်း တပြောဓှါင်းဒါင်းကျာဖျုအောႏ။
ဂေါႇမိုႈ ပ္လေဘျုင်ဇောႈပဒူႈဘည်ဒီန် ကောန်ဒဲႇ(2)အီး တောပ်ဘိုး ကောန်အီမာည်း (5)အီး ကာည်း ကောန်အီးပ်ုန် (4)အီး ကစုကပိုမ် (11)အီးယံမ်း တောပ်ဘိုး ကောန်ဒဲႇ(2)အီး၊ ကောန်အီမာည်း (4)အီး ကာည်း ကောန်အီပ်ုန်(5)အီး ကစုကပိုမ် (11)အီးကတူႈဟာဝ်းဖေးဆဝ်။ ဂါင်(6)ဂါင် လူလှဲဝ်ဟာဝ်း။ ခေဲင်အီယံမ်းဟာဝ်းဒီန် အ်ုန်တောပ် ကောန်အီပ်ုန် အီတိုဇံန်အူအီးအောႏ။
ယာမ်မိုႈ ကျံရ်(9) ဆငည်း(3)ဒိူန်း ဒေဲႈပဴင် ခေဲင်လှံင်ရူကော ၊ ကျံရ်(9) ရောတ်ဆငည်း(4) ဆီုက်ဘြာန်ဂဲ ရောတ်ဒေဲႈပဴင် ပ္လေဘျုင် တိုအီရဝ် (1)အီးယံမ်း ကာည်း (3)အီး ကတူႈဟာဝ်းဖေးဆဝ်အောႏ။
ပလှံင်အေဲမ်ခြီရ်နီန် အ်ုန်မိုႈ လှံင်အူလှံင် အီကဒံတ်ဂေါည် တပြောကုင်ခယ် ဘည်ပဴင်ပ္လေဘျုင်နီန် မိုႈ ဒီဘြောင်ချှာင် PSLF /TNLAဂဲ လိူဝ်ႈ(1)အောႏ။
တီုင်တံပ်ဆီုက်ဘြာန်ဂဲ ဒီဘြောင်ချှာင် တံပ်နာန်းတအာင်း PSLF/TNLAဂဲ လှံင်အေဲမ်ကိုက်၊ လှံင်အိုမ်ယ်ုရ်၊ လှံင်ရူကော၊ လှံင်ဆဘော၊ လှံင်မာဝ်းဓံင်း၊ လှံင်နောင်ချေဲဝ် ကာည်း ပလှံင်အေဲမ်ခြီရ်ကဲနီန် ဆီုက်ဘြာန်ဂဲ ဒါပ္လေဘျုင် ထာန်ဇံန်(500) တောန်ဆငည်း ကဲကယေင်ပဴင်လိူည် ကူန်ရဝ်မာဂါင်ဂဲ ကဲဟည်လူည်ႇခေါပ်ပြာႇ ဥပဒေဆီုက်ဒါင်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists