06 September 2024

ပလှံင်ဆဘော ဘည်အာဝ်မိူဝ်ႈကတီုက်ကပဴင်မာ် ဂေါႇပ္လေဒါင်းပဴင် ဆီုက်ဘြာန်ဂဲ လံက်ဟာဝ်း တိုအီးရဝ် ကောန်အီမာည်(1)အီးယံမ်း၊ (1)အီးကတူႈဖေးဆဝ်း

ကုင်တအာင်း၊ ကျံရ်(9) ဆငည်း (6)

ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ဂေါႇဆီုက်ဘြာန်ဂဲ လီလာပဴင်ပ္လေဒါင်း လံက်ဟာဝ်း တိုအီးရဝ် ကောန်အီမာည်(1)အီးယံမ်း ကာည်း ကောန်အီပ်ုန်(1)အီး ကတူႈဟာဝ်းဖေးဆဝ်းအောႏ။

အခိင် ရမှိူဝ် (9:30)မနဲတ်ဒိူန်း ဆီုက်ဘြာန်ဂဲ အီဂေါည်နံမ်လာန် ကယင်ပဴင်ဟာဝ်းလိူည်ပ္လေဒါင်း ဒီဂေါည်ကူန်ရဝ်မာဂါင် ပ္လေဒါင်းစီဇောႈပဒူႈ ခေဲင်ရဝ်ကျောင်ပြိန် တေဲင်ဂါင်အူဂါင် တားဂံတ်အီဂေါည် ခေဲင်ဂါင် တားလိုင်စိတ် အဆာက်(71)ဆန်ုမ်အူအီး ယံမ်းဟာဝ်းပွံတ်အ်ုန်ဒီးအောႏ။

အ်ုန်အီမိုႈ အီပ်ုန်တားဒီန် ယားနာန်ယောတ် အဆာက်(72)ဆန်ုမ်နီန် ဆိက်ပ္လေလံက်ဟာဝ်း ဇိူင်အ်ုန်ပါ့်ကဒါႇ  ကာည်း တိုပိုင်းအ်ုန် ကတူႈဟာဝ်းဖေးဆဝ်ဒါင်းအောႏ။

ဆဲႈဒီန် ကျံရ်(9) ဆငည်း(2) အခိင် ခိညှာ (9)နြီဒိူန်း ဂေါႇဆီုက်ဘြာန်ဂဲ ကယင်ပဴင်လိူည် ဒီဂေါည်ကူန်ရဝ်မာဂါင် ပ္လေဒါင်း စီဇောႈပဒူႈ ခေဲင်ရဝ်နားခေါ် လံက်ဟာဝ်း ကောန်အီမာည်း (1)အီးယံမ်း၊ (1)အီးကတူႈဖေးဆဝ် တောပ်ဘိုး  ဒီပ္လေဒါင်းဇောႈပဒူႈ ပရဝ်ကျောင်ပြိန် လံက်ဟာဝ်းဘိုး မာည်းကိုစော်မျီတ် ကတူႈဖေးဆဝ်အောႏ။

ပလှံင်ဆဘော ကျံရ်(8) ဆငည်း(1) ရောတ် ကျံရ်(9) ဆငည်း(5)နီန်  ဂေါႇဆီုက်ဘြာန်ဂဲ ကယင်ပဴင် ကူန်ရဝ်မာဂါင်ဂဲ ဒါထမီန် ကာည်း ပ္လေဒါင်း လံက်ဟာဝ်း တိုအီရဝ် (24)အီးယံမ်း ၊ (63)အီးကတူႈဖေးဆဝ်း ခေဲင်ဒီန် ကောန်ဒဲႇမာ်အ်ုန်တောပ်အူန်းအောႏ။

#PSLF/TNLA

#တီုင်ပ္လေႈလေႈဆဒါင် 

#ဆဒါင်ပ္လေဲဝ်အခွါင်းအရေး

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း