ပလှံင်ဆဘော ဂေါႇပ္လေဒါင်းပဴင် ဆီုက်ဘြာန်ဂဲ လံက်ဟာဝ်း ကောန်အီးပ်ုန် (1)အီးယံမ်း၊ ကောန်အီမာည်း (1)အီး ကတူႈဖေးဆဝ်း
03 September 2024
ပလှံင်ဆဘော ဂေါႇပ္လေဒါင်းပဴင် ဆီုက်ဘြာန်ဂဲ လံက်ဟာဝ်း ကောန်အီးပ်ုန် (1)အီးယံမ်း၊ ကောန်အီမာည်း (1)အီး ကတူႈဖေးဆဝ်း
ကုင်တအာင်း၊ ကျံရ်(9) ဆငည်း (3)
ကုင်တအာင်း ၊ အိူင်အိုမ်ယ်ုရ်၊ ပလှံင်ဆဘော ဂေါႇပ္လေဒါင်း ပဴင် ဆီုက်ဘြာန်ဂဲ လံက်ဟာဝ်း ကောန်အီးပ်ုန် (1)အီးယံမ်း ကာည်း ကောန်အီမာည်း (1)အီးကတူႈဟာဝ်းဖေးဆဝ်အောႏ။
ယာမ်မိုႈ ဆငည်း (1) အခိင်စူန်အံပ်(5)နြီဒိူန်း ဂေါႇဆီုက်ဘြာန် ခလရ(23)ဂဲ ဒါပ္လေဒါင်း ကယင်ပဴင်ဟာဝ်းလိူည် ဒီဂေါည်ကူန်ရဝ်မာဂါင် ဂေါႇပ္လေဒါင်းပဴင်ဂဲ စီဇောႈပဒူႈ ကဒါႇ ရဝ်လီဆူ(ကိုင်ဆိုင်) တေဲင်ဂါင်အူဂါင် လံက်ဟာဝ်း ကောန်အီးမာည်း(1)အီး မာည်းစော်မျီတ် အဆာက်(47)ဆန်ုမ် လံက်ဟာဝ်း ကြောင်အ်ုန်၊ တေဲင်ယ ၊ တည်း ကာည်း ပ္လေငါည်အ်ုန် ကတူႈဟာဝ်းဖေးဆဝ်အောႏ။
ခည်မိုႈ ကျံရ်(8) ဆငည်း(31) အခိင် ခိညှာ (10)နြိဒိူန်း ဂေါႇဆီုက်ဘြာန်ဂဲ ကယေင်ပဴင် ဒီဂေါည်ကူန်ရဝ်မာဂါင်ဂဲ ပ္လေဒါင်း စီဇောႈပဒူႈ ဇံင်ညောင်ကိုးပင် စီလံက်ယာဝ်း ယာဆေင်ပူန်း အဆာက် (51)ဆန်ုမ် လံက်ဟာဝ်းပ္လေဖိူပ်ဖ်ုပ်အ်ုန် ယံမ်းဟာဝ်းပွံတ်အောႏ။
ပလှံင်ဆဘော ကျံရ်(8)ဆငည်း (1) ရောတ် ကျံရ်(9) ဆငည်း(2)နီန် ဂေါႇဆီုက်ဘြာန်ဂဲ ကယေင် ဒါထမီန် ကာည်း ပဲင်ပ္လေဒါင်း တေဲင်ဒီဂေါည်ကူန်ရဝ်မာဂါင်ဂဲ လံက်ဟာဝ်း တိုအီရဝ် (22)အီးယံမ်း (60)အီး ကတူႈဖေးဆဝ်း ခေဲင်ကဲဒီန် အ်ုန်တောပ်အူန်း ကောန်ဒဲႇကဲအောႏ။
Comment Lists