တံပ်အွံရ်ပ်ုန်လောတ်ကပီုန်တအာင်း PSLF/TNLA ဆောအွံရ် ရေဲန်ပ္လေါည် ဆငည်းဘေဲႇတအာင်း ကရောပ်နိုက်(52) ဆန်ုမ်
31 August 2024
တံပ်အွံရ်ပ်ုန်လောတ်ကပီုန်တအာင်း PSLF/TNLA ဆောအွံရ် ရေဲန်ပ္လေါည် ဆငည်းဘေဲႇတအာင်း ကရောပ်နိုက်(52) ဆန်ုမ်
ကျံရ်တာရ်၊ ဆငည်း 31
ဆန်ုမ်2024၊ ကျံရ်တာရ်၊ ဆငည်း(30) ကုင်တအာင်း ပလှံင်အေဲမ်ခြီရ်၊ ခေဲင်ရဝ်အူရဝ် တံပ်အွံရ်ပ်ုန်လောတ်ကပီုန်တအာင်းPSLF/TNLA ဆောအွံရ် ရေဲန်ပ္လေါည် ဆငည်းဘေဲႇတအာင်း ကရောပ်နိုက်(52)ဆန်ုမ်နီန် ခေဲင်ဒီန် ဘယ်ရေဲန်ပ္လေါည်ဝိူဝ်;ဝါင်ပနော ဆြာ/ဆြာမ အီပနောဘေဲ,လူမ်တအာင်း(TOT)လိူဝ်;(4) ကာည်း ဘယ်ရိူရ်;လည်လေ; Ta'ang Literature Association - TLAအောႏ။
ခေဲင်ဆန်ုမ်နီး ပ္လေါည်ဆငည်းဘေဲ,တအာင်း ခြိူဝ်းမျိုတအာင်းပဒို့ဒိုည်, ဒါအ်ုန်ပဲန်ဘေဲ,လူမ်/ကြောႈတအာင်း ကနာည်နံင် ဒါင်းဇာရ် ရိူရ်ႈလည်လေႈဖုင်ဘေဲ,တအာင်း(TLA)။ ဆဲႈဒီန် ဖုင်ဘေဲ,တအာင်း Ta'ang Literature Association TLAဂဲ ကာည်း ဖုင်ဘေဲ,တအာင်း၊ ဖုင်ထုင်မှိူမ်၊ ဖုင်အီပနောဘေဲ,လူမ်တအာင်း(TLTA) ကာည်း ဖုင်ဘေဲ,တအာင်း-တံပ်နာန်းဂဲ ရေဲန်ပါင်ကမိုန် ကဖြောမ်ကပိုမ် ဇံင်းပဲန်ဘေဲ,လူမ်တအာင်းအောႏ။
ခြိူဝ်းမျိုးတအာင်းဂဲ မိုႈလိုည်ခြိူဝ်းအူခြိူဝ်းမာ် ကပိုမ်ကြောႈအယ်(သရ) ကာည်း ခြိူဝ်းကပိုမ်(ဝေါဟာရ)ဂဲဒီန် စီရိူရ်ႈလေႈအ်ုန်ပဲန် ကြောႈလူမ် / ဘေဲ,လူမ် ကနာည်နံင်ဒါင်းဇာရ် ကဲအီမိုႈ ဖုင်ဘေဲ,တအာင်း Ta'ang Literature Association TLAဂဲ ကဇောည်ရိူရ်ႈလည်လေႈဘေဲ,လူမ်တအာင်းနီးအောႏ။
ခေဲင်ပ္လေါည် ဆငည်းဘေဲႇတအာင်းနီး တားဒါင်းကဲ ကဘ္လာင်းဆာင်လာင်း ဘည်မိုႈဒေဲႈ ဆငည်းဘေဲႇဘာန်း၊ ဒီရ်ႈဟာဝ်း ပ္လါႇဘေဲႇလှိုပ်ဂုင် ပ်ုန်ရိူရ်ႈလေႈ PSLF/TNLA ကာည်း ဒဲႈဟာဝ်းဆု ပ်ုန်အီလီပ်ကခေ့ကတား လှိုပ်ဂုင်ဆငည်းဘေဲႇတအာင်းဒိူန်း ကဲအီဘိူန်းဆု ဘေဲႇကပါဝ်းဒိုင်း၊ ဘေဲႇကပ္လါႇ၊ ဘေဲႇကဆာ်မ်း၊ ဘေဲႇအပူမ်ကာည်း ကာတူန်း ကဲနီန်အောႏ။ ဆဲႈဒီန် ဘယ်ရေဲန်ပ္လေါည်ဝိူဝ်;ဝါင်ပနော ကာည်း အံပ်ဒဲႈပ္လါ,ဘေဲ,လှိုပ်ဂုင် တဆြာ/ဆြာမ အီပနောဘေဲ,လူမ်တအာင်း(TOT)လိူဝ်;(4)ဂဲနီန်အောႏ။
ခေဲင်ပ္လေါည် ဆငည်းဘေဲႇတအာင်း နိုက်(52)ဆန်ုမ်နီန် PSLF/TNLA တာမ်တားတီုင်အွံရ်ဒါင်း(1) ခူန်ချုတားဇိုက်ဇာရ် ကာည်း တားချှာင်ဇီုင်းကာန်တောန်နဲ ခူန်ချု တားဘုင်ကျော် ဟိုက်ရောတ်ဒေဲႈအောႏ။
ခေဲင်ကုင်တအာင်း ရေဲန်ပ္လေါည်ဆငည်းဘေဲႇတအာင်း ကရောပ်နိုက်(52)ဆန်ုမ် လှံင်ြအေဲမ်ခြီရ်၊ လှံင်ရူကော၊ လှံင်မိုဂူႈအောႏ။ အီရောတ်ပေါဒေဲႈ ခေဲင်ပ္လေါည်နီး တိူရ်ႈ ထုင်မှိူမ်တအာင်းနီ တားဒါင်းဂဲ ခူန် / ႎါင်ခူန်၊ ဖုင်ကော်မတီထုင်မှိူမ် ကာည်း ဘေဲ,ဘာန်းတအာင်း ကောန်ဆီုက် / လိုည်းနာန်းကဲ ကောန်တဘိုက်ကဲ ကာည်း ကူန်ရဝ်မာဂါင်ကဲ ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists