28 August 2024

ပလှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ဒါထာမေန် ဒေဲႈရောတ်ဒေပဴင်ပ္လေဘျုင်(50)ပိုင် ဂေါ,ပ္လေဘျုင်ပဴင် ဆီုက်ဘြာန်ဂဲ ဇာႈပဒူႈလံက်ဟာဝ်းတိုအီးရဝ်(2)အီးယံမ်း၊ (2)အီးကတူႈဖေးဆဝ်း

ကုင်တအာင်း၊ ကျံရ်(8) ဆငည်း (28)

              ကုင်တအာင်း၊ အိူင်အိုမ်ယ်ုရ်၊ ခေဲင်လှံင်ဆဘော အာဝ်မိူဝ်ႈကတီုက်ကပဴင်မာ် ဆီုက်ဘြာန်ဂဲ ဒါထာမေန် ဒေဲႈရောတ်ဒေပဴင်ပ္လေဘျုင်(50)ပိုင် ဂေါ,ပ္လေဘျုင်ပဴင် ဆီုက်ဘြာန်ဂဲ ဇာႈပဒူႈလံက်ဟာဝ်းတိုအီးရဝ်(2)အီးယံမ်း၊ (2)အီးကတူႈဖေးဆဝ်းအောႏ။

           ကျံရ်(8)၊ ဆငည်း(27) အခိင် ခီညှာ(1:20) ရောတ် အခိင်စူန်အံပ်(2:00)ဒိူန် ဆီုက်ဘြာန်ဂဲ ဒါY-12 ဒေဲႈရောတ်ဒေပဴင်ပ္လေဘျုင်(50)ပိုင် ကယေင်ပဴင်လိုဒီဂေါည် ကူန်ရဝ်မာဂါင်ဂဲ တောန်ဆငည်းအောႏ။

            ဆဲႈဒီန် ဆီုက်ဘြာန်ဂဲ ဒါဘိုဂျက်ဖိုက်တာ(2)လိူဝ်ႏ ဒေဲႈရောတ်ဒေပဴင်ပ္လေဘျုင်(4)ပိုင် ဂေါ,ပ္လေဘျုင်ပဴင်ဆီုက်ဘြာန်ဂဲ စီဇာႈ ခေဲင်လှံင်ဆဘော ဇံင်အုတ်ကျင်း တားဖိုးလူ အဆာက်(60)ဆန်ုမ် ကာည်း တားအံင်နာည် အဆာက်(50) အာရ်အီးဒီန် ပ္လေဘျုင်လံက်ယံမ်းဟာဝ်း (2)အီးကတူႈဖေးဆဝ်းအောႏ။

        မိုႈဘို ဂေါ,ဆီုက်ဘြာန်ဂဲ လီလာပဴင်ပ္လေဘျုင် စီဇာႈပဒူႈလံက်ဟာဝ်း ကျောင်ပနောဘေဲ, ပဇံင်အုတ်ကျင်း အ.မ.က(3)‌အူကြာင် ကာည်း အ.ထ.က(3) ပါင်တိမ်းတာင်(လံပ်ပိူည်) ဂေါည်ခေဲင်ဇံင် လူလှဲဝ်ႏဟာဝ်းအောႏ။

            ကျံရ်(8) ဇူႈဆငည်း(1) ရောတ် ဆငည်း(27)ဒီန် ခေဲင်လှံင်ဆဘော ဆီုက်ဘြာန်းဂဲ ဂေါည်ဂေါည် ဒါထာမေန် ကာည်း ပ္လေဒါင်း ကယေင်ပဴင် ဒီဂေါည်ကူန်ရဝ်မာဂါင်ကဲ ဂေါ,ဆီုက်ဘြာန်ဂဲ ကယေင်ပဴင်ဘည်ဒီန် လံက်ဟာဝ်းတိုအီးရဝ်(21)အီးယံမ်း ကာည်း ကောန်ဒဲ့(10)အီး ကစုကပိုမ်(59)အီးကတူႈဖေးဆဝ်းအောႏ။

#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း