14 August 2024

ပလှံင်အိုမ်ယ်ုရ် ဆီုက်ဘြာန်ဂဲ ကယေင် ပဴင်လိူည် ပ္လေဘျုင် ဒီဂေါည်ကူန်ရဝ်မာဂါင် ဂေါႇပ္လေဘျုင်ပဴင်ကဲ တိုအီးရဝ် (1)အီးယံမ်း (1)အီး ကတူႈဖေးဆဝ်း

ကုင်တအာင်း၊ ကျံရ်တာရ် ဆငည်း (13)

ကုင်တအာင်း၊ အိူင်အိုမ်ယ်ုရ်၊ ခေဲင်လှံင်အိုမ်ယ်ုရ် ခည်မိုႈ ကျံရ်တာရ် ဆငည်း (12) အခိင်ရမှိူဝ်းဒိူန်း ဆီုက်ဘြာန်ဂဲ ကယေင် ပဴင်လိူည် ပ္လေဘျုင် ဒီဂေါည်ကူန်ရဝ်မာဂါင် ဂေါႇပ္လေဘျုင်ပဴင်ကဲ တိုအီးရဝ် (1)အီးယံမ်း ကာည်း (1)အီး ကတူႈဟာဝ်းဖေးဆဝ်းအောႏ။

အခိင်ရမှိူဝ်း (11:41)မနေဲတ် အူလိူဝ်ႈ၊  အခိင် (11:45)မနေဲတ်ဒိူန်း အူလိူဝ်ႈ၊ အခိင် (11:51)မနေဲတ် အူလိူဝ်ႈ ကစုကပိုမ် (3)လိူဝ်ႈ ကဲဒါဂျဲက်ထမေန်ဒေဲႈပဴင် ပ္လေဘျုင် (6)ပိုင်းထာန်ဒီန်အောႏ။

ဂေါႇပ္လေဘျုင် ပဴင်ဆီုက်ဘြာန်ဂဲ ခေဲင်လှံင်အိုမ်ယ်ုရ်၊ စီဇောႈပဒူႈ ခေဲင်ဇံင်လှံင် လူမ် (EPC) အီဂေါည်တပြောလူမ်ဒီန် အီမာည်း အဆာက် (30) ယံမ်း ကာည်း (1)အီး ကတူႈဟာဝ်းဖေးဆဝ်အောႏ။

ဆဲႈဒီန် ခေဲင်လူမ် (EPC)ဒီန် ဂြိုခြီုင်းစာက်ကဲ လူလှဲဝ်ဟာဝ်း တပြောလူမ်ကဲဒီန် ကျောင်စဝ်အီဂေါည်မျိုမ ကာည်း ဂါင်ကူန်ရဝ်မာဂါင် (5)ဂါင် လူလှဲဝ်ဟာဝ်းဒိုႇအောႏ။

ယာမ်မိုႈ ကျံရ်တာရ် ဆငည်း (6)ဒိူန်း ဒီဘြောင်ချှာင် PSLF/TNLA တလှံင်အေဲမ်ကိုက်ဒီန် ဆီုက်ဘြာန်ဂဲ ဒါထမေန် ဒေဲႈပဴင်ခေဲင်က္လာႈ ဂေါႇဘည်ဒီန် တိုအီးရဝ် (6)အီး ယံမ်း၊ (10)အီး ကတူႈဟာဝ်းဖေးဆဝ်။ ဂါင်ကူန်ရဝ်မာဂါင် ကာည်း ဂါင်ဆဲင် (400)လေႈထာန်ဒီန် ညားငံရ်ကဆူမ်းလူလှဲဝ်ဟာဝ်းအောႏ။

#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း