ပလှံင်မိုဂူႈ ခေဲင်လံပ်တီုက်နာန်းနီန် PSLF/TNLA ဂဲ ဘိူန်းဒေတိုည်း တိုအီးကဇိူရ်ႈကယံင်းဒါခံင်မံဝ် ကာည်း အီလူည်ႇတာမ်အီုင်ဂ္လံတ် (129)အီး
13 August 2024
ပလှံင်မိုဂူႈ ခေဲင်လံပ်တီုက်နာန်းနီန် PSLF/TNLA ဂဲ ဘိူန်းဒေတိုည်း တိုအီးကဇိူရ်ႈကယံင်းဒါခံင်မံဝ် ကာည်း အီလူည်ႇတာမ်အီုင်ဂ္လံတ် (129)အီး
ကုင်တအာင်း၊ ကျံရ်တာရ် ဆငည်း (13)
ပလှံင်မိုဂူႈ လံပ်တီုက်နာန်း 1027 ဒေါန်(2) တံပ်အွံရ်ပ်ုန်လောတ်ကပီုန်တအာင်း PSLF/TNLA ကာည်း ဖုင်လံပ်တီုက်ဓှီုန်း ရေဲန်လံပ်တီုက်နာန်း ခေဲင်လှံင် PSLF/TNLA ဖုင်ဒံန်ခြဲတြားဥပဒေ စီဘိူန်းဒေတိုည်း တိုအီးကဇိူရ်ႈကယံင်းဒါခံင်မံဝ် (71)အီး ကာည်း အီလူည်ႇတာမ်အီုင်ဂ္လံတ် (129)အီးထာန်ဒီန်အောႏ။
ခေဲင်ဒီန် အီလူည်ႇတာမ်အီုင်ဂ္လံတ် ဂေါည် (129)အီး ၊ အီကဇိူရ်ႈကယံင်းဒါခံင်မံဝ် ဂေါည် (71)အီး ၊ ကဲအီကေဲႈမာဝ်းအာဝ်လီပ်တြား၊ အခိင်ရေဲန်လံပ်တီုက်နာန်း ဘည်ဟာဝ်းဝီရ်ခူရ်က္လာည်း ဘဝ်ကီုတ်ဒါင်းကဲ အီဒဲႈဆဒါင် တဆီုက်ဘြာန်၊ ခေဲင်လံပ်တီုက်နာန်း တိုအီးအီလီပ်ဆောႇဂါင်ဘြားတိူဝ်ႈဟာဝ်းဂြို ဂါင်တိုအီးအီဝဲႈဒဝ်းဖေးနာန်း၊ အီလူည်ႇမျံမ်းတိုအီး၊ အီယံင်းချဲယ်အီဘူလီပ်တြား ကာည်း ခေဲင်ရဝ် အီဒါခံင်မံဝ်ဘားဟိုက်ဘားလေႈမာ် တောပ်အူန်းအောႏ။
တံပ်အွံရ်ပ်ုန်လောတ်ကပီုန်တအာင်း PSLF/TNLAဂဲ ကနာည်လံပ်အရေးခံင်မံဝ် နံင်ဟြာည်ကမာ်ႈ ခေဲင်ကတာည်းကုင်တအာင်း ကာည်း နံင်ကူန်ရဝ်မာဂါင်ကဲ ဘိူန်းဒေဂေါည်ယေန်ချှီႇတခိူည်း ကနာည်ကုင်လှံင်နံင်ဘိူန်းဒေဂေါည်ဆာယာချှီႇတခိူည်း ၊ ကနာည်နံင်ဘူမိူဝ်ႈတိုအီးဘြား ကာည်း နံင်ဂျိုးကျားရေဲန်ဟာဝ်း အီမိုႈ ဇီုင်းကာန်ဒံန်ခြဲတြားဥပဒေဒါင်းဒါင်းအောႏ။
လံပ်တီုက်နာန်း 1027 ဒေါန်(2)နီန် တံပ်ဆခါန်ဆီုက်ဘြာန် အီဂေါည် ပလှံင်မိုဂူႈဒီန် PSLF/TNLA ကာည်း ဖုင်လံပ်တီုက်ဓှီုန်း ယာမ်မိုႈ ကျံရ်တောရ် ဆငည်း(25)ဒိူန်း ကဲဇူႈဒေဝိူဝ်ႈဟာဝ်း ကတီုက်ကပဴင် ရောတ် ကျံရ် (7) ဆငည်း (24)ဒိူန်း ဂဲ ဘယ်ပွံတ်ဒေဆာင်လာင်းဆီမ်းဟာဝ်းဒိုႇ တံပ်ဆခါန်ဆီုက်ဘြာန်ဂဲ ကတီးကရီးအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
Comment Lists