ဒီဘြောင်ချှာင် PSLF/TNLA တလှံင်တောန်လှံင်ကဲနီန် တားတီုင်အွံရ်ဘ္လံက်ချှာင်တြား၊ တားအိူင်ဘ္လံက်ချှာင်တြား၊ တားလှံင်ဘ္လံက်ချှာင်တြား အီဆာင်လာင်အမှုကဲ ကဲရေဲန်ဟာဝ်း ပါင်ကမိုန် လောင်ကကာႈကဆာင်းဇီုင်းကာန်ကပ္လိုင် ကာည်း အာပ်ဒဲႈဟာဝ်းဘ္လံက်ချှံန်
12 August 2024
ဒီဘြောင်ချှာင် PSLF/TNLA တလှံင်တောန်လှံင်ကဲနီန် တားတီုင်အွံရ်ဘ္လံက်ချှာင်တြား၊ တားအိူင်ဘ္လံက်ချှာင်တြား၊ တားလှံင်ဘ္လံက်ချှာင်တြား အီဆာင်လာင်အမှုကဲ ကဲရေဲန်ဟာဝ်း ပါင်ကမိုန် လောင်ကကာႈကဆာင်းဇီုင်းကာန်ကပ္လိုင် ကာည်း အာပ်ဒဲႈဟာဝ်းဘ္လံက်ချှံန်
ကုင်တအာင်း ၊ ကျံရ်(8)ဆငည်း(11)
လံပ်တီုက်နာန်း 1027 ဒေါန်(1) ကာည်း ခေဲင်ဒေါန်(2)နီန် ဒီဘြောင်ချှာင် PSLF/TNLA တလှံင်အိုမ်ယ်ုရ် ၊ လှံင်ရူကော၊ လှံင်အေဲမ်ခြီရ်၊ လှံင်အေဲမ်ကိုက်၊ လှံင်အိုင်ငျံရ်၊ လှံင်ကုင်ငှေါ၊ လှံင်မိူင်းလိုင် ၊ လှံင်မာဝ်းဓံင်း၊ လှံင်နောင်ချေဲဝ်၊ လှံင်မိုဂူႈ ၊ လှံင်မိူင်းမီတ် ကာည်း လှံင်ဆဘော ကစုကပိုမ် လှံင်(12)ဒီနီန် PSLF/TNLA အီမိုႈ တားတီုင်အွံရ်ဘ္လံက်ချှာင်တြား၊ တားအိူင်ဘ္လံက်ချှာင်တြား၊ တားလှံင်ဘ္လံက်ချှာင်တြား အီဆာင်လာင်အမှုဂဲ ကဲရေဲန်ဟာဝ်း ပါင်ကမိုန် လောင်ကကာႈကဆာင်းဇီုင်းကာန်ကပ္လိုင် ကာည်း အာပ်ဒဲႈဟာဝ်းဘ္လံက်ချှံန် ဒီဘိူန်းဆီမ်း ခေဲင်ကုင်တအာင်းအူဒီအောႏ။
ယာမ်မိုႈ ကျံရ်(8) ဆငည်း(11)ဒိူန်း ခေဲင်ကုင်တအာင်း ကနာည်ဆနီတ်လံပ်ဘ္လံက်ချှာင်တြား နံင်ဟြေဲႈဒါင်းဇာရ်၊ ကနာည်နံင်မိူဝ်ႈလံပ်ဘ္လီုက်လှုပ်တြားဥပဒေ ကာည်း စီကယေင် ကနာည်နံင်ဘိူန်း လံပ်တြား ခေဲင်ကုင်တာအင်း တားတီုင်အွံရ်ဘ္လံက်ချှာင်တြား (3)အီး၊ တားအိူင်ဘ္လံက်ချှာင်တြား (4)အီး၊ တားလှံင်ဘ္လံက်ချှာင်တြား (8)အီး ကာည်း အီဆာင်လာင်အမှု (7)အီးကဲဒီန် PSLF/TNLA တီုင်ဒါင်းအီရေဲန်ဇီုင်းကာန်ကော်မတီကဲ ထုက်ပြံတ်လေႈ ပ္လါႇဘေဲႇအာပ်ဇီုင်း အာပ်ဒဲႈဟာဝ်းတကဲအောႏ။
ဆဲႈဒီန် အီကဆီုဝ် လူမ်တီုင်အွံရ်ဘ္လံက်ချှာင်တြား၊ လူမ်အိူင်ဘ္လံက်ချှာင်တြား၊ လူမ်လှံင်ဘ္လံက်ချှာင်တြား ကာည်း လူမ်ဥပဒေကဲနီန် စီဆဘောဟာဝ်းလောင်ဇီုင်းကာန်ကပ္လိူင် ခေဲင်ဒီန် စီအာပ်ဒဲႈဟာဝ်း ဇီုင်းကာန်ပ်ုန်လိုရေဲန် ကာည်း ဘ္လံက်ချှံန်တကဲအောႏ။
ခေဲင်ပ်ုန်ရေဲန်ဟာဝ်း ပါင်ကမိုန် ဇီုင်းကာန် ကာည်း လောင်အာပ်ဒဲႈဘ္လံက်ချှံန်ဒီန် အီဟိုက်ရောတ်မိုႈ တံပ်အွံရ်ပ်ုန်လောတ်ကပီုန်တအာင်း PSLF/TNLA တားချှာင်ဇီုင်းကာန်တောန်နဲ ခူန်ချုတားဘုင်စော်၊ တားတီုင်ဒါင်းဘြောင်ချှာင် ခူန်အွံရ်ချု တားဂူႈဂျား ၊ တာမ်တားတီုင်ဘြောင်ချှာင် တာမ်ခူန်အွံရ်ဒါင်း တားအိုက်ကျော်၊ ကုင်တအာင်း တားတီုင်အွံရ်ဘ္လံက်ချှာင်တြား၊ တားအိူင်ဘ္လံက်ချှာင်တြား၊ တားလှံင်ဘ္လံက်ချှာင်တြား ကာည်း အီဆာင်လာင်အမှု ကစုကပိုမ် (29)အီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
Comment Lists