ဆီုက်ဘြာန်ဂဲ ဒါဂျဲက်ဖ်ုက်တာ (2)ကြောင် ရောတ်ဒေဲႈပဴင်ဘိုး ပ္လေဘျုင် ခေဲင်လှံင်အေဲမ်ကိုက်
08 August 2024
ဆီုက်ဘြာန်ဂဲ ဒါဂျဲက်ဖ်ုက်တာ (2)ကြောင် ရောတ်ဒေဲႈပဴင်ဘိုး ပ္လေဘျုင် ခေဲင်လှံင်အေဲမ်ကိုက်
ကုင်တအာင်း၊ ကျံရ်(8) ဆဆည်း(8)
ဆဒါင်ကုင်တအာင်း
ဆီုက်ဘြာန်ဂဲ ဒါဂျဲက်ဖ်ုက်တာ (2)ကြောင် ရောတ်ဒေဲႈပဴင်ဘိုး ပ္လေဘျုင် ဒီဘြောင်ချှာင် တံပ်အွံရ်ပ်ုန်လောတ်ကပီုန်တအာင်း PSLF/TNLAဂဲ ခေဲင်လှံင်အေဲမ်ကိုက်ဒီန်အောႏ။
ကျံရ်(8) ဆငည်း(7)ဒိူန်း ဆီုက်ဘြာန်ဂဲ ဒါဂျဲက်ဖ်ုက်တာ (2)ကြောင် ကာည်း ဒါပ္လေဘျုင် ထာန်ဇံန်(500) ရောတ်ဒေဲႈပဴင်ဘိုး ခေဲင်လှံင်အေဲမ်ကိုက် အခိင် စူန်အံပ်(1:50)မနေဲတ် (1)လိူဝ်ႈ ကာည်း (1:55)မနေဲတ် (1)လိူဝ်ႈအောႏ။
ဂေါႇဆီုက်ဘြာန်ဂဲ ဒါထမေန်လီလာပဴင်ဘည်ဒီန် ဘည်အာဝ်မိူဝ်ႈလံက်တိုအီးယံမ်း ကာည်း ကတူႈဖေးဆဝ်မာ် လံက်ဟာဝ်းရဝ်ဂါင်မံင်ဒီလူလှဲဝ်ႏအောႏ။
ယာမ်မိုႈ ကျံရ်(8) ဆငည်း(6) အခိင် စူန်အံပ်(4)နြီဒိူန်း ပလှံင်ဆဘော ဆီုက်ဘြာန်ဂဲ ဒါထမေန် လီလာပဴင် ပ္လေဘျုင် စီဇောႈပဒူႈ ခေဲင်ကျောင်စဝ်ရေလယ် စီလံက်ဟာဝ်း စဝ်ဒါင်းအူပါး ကာည်း ကောန်အီးပ်ုန်အူအီး ညားဆိက်ပ္လေဘျုင်လံက် ယံမ်း ကာည်း စဝ်အူပါး ကတူႈဟာဝ်းဖေးဆဝ်ဒါင်းအောႏ။
ခည်မိုႈ ကျံရ်(8) ဆငည်း(5)ဒိူန်း ခေဲင်ဘြည်အူဆငည်း ဆီုက်ဘြာန်ဂဲ လီလာပဴင်ပ္လေဘျုင် ပလှံင်အေဲမ်ကိုက် (4)လိူဝ်ႈ ဂေါႇပ္လေဘျုင်ပဴင် ဆီုက်ဘြာန်ဂဲ လံက်ဟာဝ်းတိုအီးရဝ် (6)အီးယံမ်း ၊ (10)အီး ကတူႈဟာဝ်းဖေးဆဝ်ဒါင်း။ ခေဲင်က္လာႈလှံင်အေဲမ်ကိုက်ဒီန်မာ် ညားငံရ်ကဆူမ်းဟာဝ်း ဂါင်ဆဲင် (401)ဆဲင် လူလှဲဝ်ႏဟာဝ်းအောႏ။
#PSLF/TNLA
#တီုင်ပ္လေ;လေ;ဆဒါင်
#ဆဒါင်ပ္လေဲဝ်အခွါင်းအရေး
Comment Lists