05 August 2024

ဘံန်ဟောည်ႇဆီမ်း ဘဝ်ကီုတ့်ဒါင်း(3)စူမ်း ကဘေဲမ်အီဂေါည်လာဆေဝ် ဆီုက် MNTJP/MNDAA ကဲ ဓီရ်အာပ်ခ္လါည်းဒဲႈ ခြိူဝ်းမျိုးတအာင်းအီဇောႈကဘေဲမ် (188)အီး တPSLF/TNLA  

ကုင်တအာင်း၊ ကျံရ်(8) ဆငည်း (4)

ကုင်တအာင်း ၊ အိူင်လာဆေဝ်၊ ကျံရ်(8) ဆငည်း (24)ဒိူန်း ဘံန်ဟောည်ႇဆီမ်း ဘဝ်ကီုတ့်ဒါင်း(3)စူမ်း တကဘေဲမ်အီဂေါည်လာဆေဝ် ခြိူဝ်းမျိုးတအာင်းအီဇောႈကဘေဲမ် စကစ ဂေါည် (188)အီးဒီန် ဆီုက် MNTJP/MNDAA ကဲ ဓီရ်အာပ်ခ္လါည်းဒဲႈ တPSLF/TNLA ဂဲအောႏ။

ခေဲင်ဘဝ်ကီုတ့်ဒါင်း(3)စူမ်း ဆီုက်ကိုကာန့် MNDAA ဆော်အွံရ် လံပ်တီုက်နာန်း ကပိုမ်တောပ်ဘဝ်ကီုတ့်ကဲ အခိင်လီပ်ဝိူဝ်ႈကတီုက်ကပဴင်တီုက်ယာႈ ဘြောင်ချှာင်ယန္တယာ အာဏာဆျှီန်ဆီုက်ဘြာန်ဂဲ အီဂေါည် ပလှံင်လာဆေဝ် စီဘိူန်းဒေဆီမ်းဟာဝ်း ကဘေဲမ်လာဆေဝ်ဒီန်အောႏ။ 

ပ်ုန်အာပ်ခ္လါည်း တိုအီကဘေဲမ် (118)အီးဒီန် ဖုင်အီအာဝ်တြား ကာည်း ဒီကတူည်ႇ ဆံင်ကိုပ် 17/1 တိုအီးကတူႈအီတာင်အမှု (5)အီး ၊ ပ်ုန်ကတူႈအီထာန်အမှု(မသင်္ကာမှု) (15)အီး၊ လောင်ကတော်အမှု(1)အီး၊ အမိင်ပ်ုန်ထုက်ပြံတ်လေႈဇိုခိင်ကမှည် Martial Law ဥပဒေ (3)အီး၊ ပလိက်အီဝဲႈဒဝ်းအမှု ကာည်း လဝကအမှု (4)အီး၊ အီကဖာႇကမှာတ်ဘြားအမှု (2)အီး၊ ပလိက်အမှု (1)အီး၊ ကဇိူရ်ႈကယံင်းတိုအီးအမှု (2)အီး၊ လောင်ခံင်မံဝ် အမှု(86)အီးအောႏ။

ဆာ်မိုႈ တိုအီးကဘေဲမ်ကဲဒီန် တံပ်အွံရ်ပ်ုန်လောတ်ကပီုန်တအာင်းPSLF/TNLA ဖုင်တီုင်ဘြောင်ချှာင်ကဲ ဟောည်ႇဘိူန်းဒေလခါမ် နံင်အာပ်ဟာဝ်းတီုင်ဌာနဒီအီကဆဲင်တကဲ နံင်ဝီရ်စဲတ်မေန်ကဲ စီနံင်ပ္လေႈဝီရ်၊ နံင်ရေဲန်ဟာဝ်းဇီုင်းကာန် လောင်အီုင်ဂံတ် နံင်တိူဝ်ႈလာည်းဟာဝ်းအရေးအောႏ။

ဆဲႈဒီန် ဘည်ဟောည်ႇဘိူန်းဒေလေႈ ခေဲင်ကဘေဲမ်လာဆေဝ်မာ် ညှံမ်ရောတ်စာမ်း ခေဲင်ရဟောမ်ရမာကဲ ကာည်း ခေဲင်တည်း PSLF/TNLA ဂေါႇဘည်ဒီန် အီဇောႈကဘေဲမ် လောင်အရေးတီုက်ကုင်ကဲနီန် ကနာည်နံင်ရောတ်စာမ်း တရဟောမ်ရမာကဲ စီထုက်ပြံတ်လေႈဒါႈ နံင်ကမိုန်တောပ် ဘဝ်ကီုတ့်ဒါင်း MNTJP/MNDAAဂဲဘည်ဒီန်အောႏ။

#PSLF /TNLA

#တီုင်ပ္လေႈလေႈဆဒါင် 

#ဝီရ်အာပ်ဒဲ;တိုအီးကဘေဲမ်တPSLF/TNLA

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း