03 August 2024

ဆဒါင်ရေဲန်ပ္လေါည်ဝိူဝ်ႈထီ ကဇောည်ပိင်ငျာကုင်တအာင်း TLEC လိူဝ်ႈ(14)နီန် ကညားအီပ်ုတ်ဟာဝ်း ဆုဒါင်းမိုႈ လှံင်အိုမ်ယ်ုရ်

ဆန်ုမ် 2024 ၊ကျံရ်ပူရ် ဆငည်း (3)

ကုင်တအာင်း၊ ဆဒါင်ရေဲန်ပ္လေါည်ဝိူဝ်ႈထီ ကဇောည်ပိင်ငျာကုင်တအာင်း-TLEC လိူဝ်ႈ(14)နီန် ကညားအီပ်ုတ်ဟာဝ်း ဆုဒါင်းမိုႈ အ်ုန်အီဂေါည် ပလှံင်အိုမ်ယ်ုရ် ဇံင် (11) ယာဒါင်းအူးအောႏ။

ကျံရ်တာရ် ဆငည်း (1)  အခိင်ခိညှာဒိူန်း ကဲရေဲန်ဟာဝ်း ပ္လေါည်ဝိူဝ်ႈထီ ကဇောည်ပိင်ငျာကုင်တအာင်း TLEC ဟည်မိုႈ လိူဝ်ႈ(14)နီန်အောႏ။

လိူဝ်ႈ(14)အက္ခရာ ဆု(500) မိုႈ A-62627၊ အ်ုန်တောပ် ဆု(100)ပယာႈ (1)ဆု၊ ဆု(50)ကိူဝ်း (3)ဆု၊ ဆု(30)ကိူဝ်း ဆု(5)ဆု၊ ဆု(10)ကိူဝ်း (10)ဆု၊ ဆု(5)ဆဲန် (10)ဆု ကာည်း ဆု(2)ဆဲန် (30)ဆု ကစုကပိုမ်ပါဒိုႇဒိုည်ႇ ချဟာဝ်းဆု(55)ဆုအောႏ။
ခည်မိုႈ ကျံရ်တောရ် လိူဝ်ႈ(13)နီန် အီပ်ုန်ဟာဝ်းဆု (500)မိုႈ ကူန်ရဝ်မာဂါင်အီဂေါည် လှံင်အေဲမ်ကိုက် ရဝ်ဟိုမော အက္ခရာအ်ုန် C-76643အောႏ။

ပ်ုန်ဘိူန်းဒေယံင်းထီ ခေဲင်ကျံရ်ပူရ်နီန် ဘယ်ဒေကဇောည် ရိူန်း(700)ပယာႈဘျာ  တဖုင်ပိင်ငျာကုင်တအာင်း-TLECအောႏ။

ခေဲင်ကျံရ်(7)ဒိူန်း ဘယ်ဒေအာပ်ဒဲႈ ရိူန်း(700)ပယာႈဘျာ တဖုင်ပိင်ငျာကုင်တအာင်း ယံင်းထီ ဆိင်ခည်ကျံရ်အာည်ႇ အ်ုန်ဇောႈဟာဝ်းပွံတ်အခည်းအောႏ။

ထီအီုဝ့် ခေဲင်ကုင်တအာင်း ကနာည်ကျောင်ပနောဘေဲႇ  နံင်ဘိူန်းကဇောည်လံပ်ပိင်ငျာ စီရေဲန်ပေန်ရိူန်းဒူး ဆိင်ခည်မိုႈ ဆန်ုမ် -2023 ကျံရ်တောရ် စီဇူႈဒေဝိူဝ်ႈဟာဝ်း ထီနီန်အောႏ။

ဘံန်ဟောည်ႇဆီမ်းဟာဝ်း ဆီုက်ဘြာန်ဂဲတအာဏာ ခေဲင်ကုင်တအာင်း လှံင်အီညှံမ်ဘယ်ဒေဝိူဝ်ႈ ကျောင်ပနောဘေဲႇ  အ်ုန်ဂေါည် လှံင်(10)လှံင်၊ ကျောင်ပနောဘေဲႇ  ခေဲင်ဆန်ုမ် 2024-2025ဒီန် ဘယ်ဒေဝိူဝ်ႈဟာဝ်း ကောင်ဆံရ်ဇီုင်းပိင်ငျာကုင်တအာင်း ကပိုမ်ကျောင်(500)ကျောင်ထာန်ဒီန်အောႏ။

ကနာည်ကျောင်ပနောဘေဲႇ  ပ်ုန်လို ရိူန်းဒူး ကာည်း ကနာည်ရာဆျှီန် ဆြာ/ဆြာမ (2500)အီးလေႈကဲဒီန် ပ်ုန်ဘိူန်းဒေယံင်းထီ စီကဇောည်ဒဲႈတားဆြာ/ဆြာမ ဂေါႇဘည်ဒီန် ကူန်ရဝ်မာဂါင်ဂဲအီဂေါည် ခေဲင်အရာပ်အရာတောန်လှံင် ကနာည်လံပ်ပိင်ငျာကောန်ဒဲႇ အီဂေါည်ခေဲင်ကုင်တအာင်း မှာန်းအယ်တောန်အီး ကဇောည်အယ် ထိုထီအယ်တအာင်းအောႏ။

#PSLF /TNLA
#တီုင်ပ္လေႈလေႈဆဒါင်
#ဆဒါင်ကညာပ်ုတ်ဟာဝ်းဆုဒါင်းခြိူဝ်းမျိုးတအာင်း

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း