ပလှံင်လာဆေဝ် ဂေါႇဆီုက်ဘြာန်ဂဲ ဒါထမေန် လီလာပဴင်ပ္လေဒါင်း တိုအီးရဝ်(3)အီးယံမ်း၊ (3)အီး ကတူႈဖေးဆဝ်း
27 July 2024
ပလှံင်လာဆေဝ် ဂေါႇဆီုက်ဘြာန်ဂဲ ဒါထမေန် လီလာပဴင်ပ္လေဒါင်း တိုအီးရဝ်(3)အီးယံမ်း၊ (3)အီး ကတူႈဖေးဆဝ်း
ကုင်တအာင်း၊ ကျံရ်(7)၊ ဆငည်း(27)
ကုင်တအာင်း၊ အိူင်လာဆေဝ်၊ လှံင်လာဆေဝ် တံပ်ဆီုက်ဘြာန် ဆီုက်ဌာနချူက် အီဂေါည်လံပ်လေႈဆငည်း(ရမခ)ဒီန် ဆီုက် MNDAAဂဲ ထုက်ပြံတ်လေႈဒါ ဟောည်ႇဘိူန်းဒေဆီမ်းဟာဝ်း။ ခည်မိုႈ ကျံရ်(7) ဇူႈဆငည်း(25) ကဒါႇ ဆီုက်ဘြာန်ဂဲ ဒါထမေန်လီလာပဴင် လံက်ဟာဝ်း တိုအီးရဝ်(3)ယံမ်း၊ (3)အီး ကတူႈဖေးဆဝ်အောႏ။
ယာမ်မိုႈ ကျံရ်(7) ဆငည်း(25)ဒိူန်း ဆီုက်ဘြာန်ဂဲ ဒါထမေန်ဒေဲႈရောတ်ပဴင် ပ္လေဒါင်း ခေဲင်လှံင်လာဆေဝ် စီလံက်ဟာဝ်း တိုအီးရဝ်(3)အီးယံမ်း။ ဆဲႈဒီန် ကဒါႇ ဇံင်(7)၊ ဇံင်(1) ကာည်း ဇံင်(12)မာ် ပ္လေဒါင်းစီဇောႈပဒူႈ လံက်ဟာဝ်း တိုအီးရဝ်(3)အီးကတူႈဖေးဆဝ် တောပ်ဘိုး ကျောင်စဝ် ကာည်း ဂါင် လူလှဲဝ်ႏဟာဝ်းအောႏ။
ပ္လေါည်ကတီုက်ကပဴင် ခေဲင်အူပကျံရ်နီန် ပလှံင်လာဆေဝ် ဆီုက်ဘြာန်ဂဲ ဒါထမေန် ကာည်း ပ္လေဒါင်း ကယေင်ပဴင်လိူည် ဒီဂေါည်ကူန်ရဝ်မာဂါင်ဂဲ ဂေါႇပ္လေဒါင်းပဴင်ဂဲ ကူန်ရဝ်မာဂါင် ကစုကပိုမ် ဂေါည်(38)ယံမ်း၊ (48)အီးကတူႈဖေးဆဝ် ကာည်း လံက်ဘိုးဂါင်(9)ဂါင်လေႈလူလှဲဝ်ႏဟာဝ်း ဆဲႈဒီန် ကျောင်စဝ် ကာည်း ကျောင်ပနောဘေဲႇ (5)ကျောင်လူလှဲဝ်ႏဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists