27 July 2024

ကတီုက်ကပဴင် ခေဲင်(1)ကျံရ်နီန် ဂေါႇပ္လေဒါင်း ပဴင် ဆီုက်ဘြာန်ဂဲ ကူန်ရဝ်မာဂါင် (125) ယံမ်း၊ (167)ကတူႈဖေးဆဝ်၊ ဂါင်(93)ဂါင်၊ ကျောင်စဝ် (8)ကျောင် ကာည်း ကျောင်ပနောဘေဲႇ (7)ကျောင်လူလှဲဝ်ႏ

ကုင်တအာင်း၊ ကျံရ်(7) ဆငည်း (27)

ကျံရ်တောရ် ဇူႈဆငည်း (25) ရောတ် ကျံရ်ပူရ် ဆငည်း (25) ကတီုက်ကပဴင် ခေဲင်(1)ကျံရ်နီန် ဂေါႇဆီုက်ဘြာန်ဂဲ ဒါထမေန် ကာည်း ပဴင်ပ္လေဒါင်း လံက်ဟာဝ်းကူန်ရဝ်မာဂါင် (125)အီးယံမ်း၊ (167)အီးကတူႈဟာဝ်းဖေးဆဝ်း တောပ်ဘိုး ဂါင်(93)ဂါင်၊ ကျောင်စဝ်(8)ကျောင် ကာည်း ကျောင်ပနောဘေဲႇ (7)ကျောင် လူလှဲဝ်ႏဟာဝ်းအောႏ။

ပလှံင်မာဝ်းဝံင်း၊ ကတီုက်ကပဴင် ခေဲင်(1)ကျံရ်နီန် ဆီုက်ဘြာန်ဂဲ ဒါဘိုးထမေန် ကာည်း ဂေါႇပ္လေဒါင်း ပဴင်ဆီုက်ဘြာန်ဂဲ ဇောႈပဒူႈလံက်ဟာဝ်း ကောန်အီပ်ုန် (14)အီး၊ ကောန်အီမည်း (24)အီး ယံမ်း၊ ကောန်အီမာည်း (15)အီး ကောန်အီပ်ုန် (21) ကာည်းကောန်ဒဲႇ(4)အီးကတူႈဖေးဆဝ်း မိုႈဘိုး ဂါင်(37)ဂါင်၊ ကျောင်စဝ်(2)ကျောင် ကာည်း ကျောင်ပနောဘေဲႇ(2)ကျောင် လူလှဲဝ်ႏဟာဝ်းအောႏ။

ခည်းမိုႈ ပလှံင်နောင်ချေဲဝ် ဂေါႇပ္လေဒါင်း လံက်ဟာဝ်း ကောန်အီမည်း (10)အီး၊ ကောန်အီပ်ုန်(8)အီး ယံမ်းဟာဝ်း၊ ကောန်အီမာည်း (3)အီး၊ ကောန်အီပ်ုန် (1)အီကတူႈဖေးဆဝ်း တောပ်ဘိုး ဂါင် ဒီဂေါည်ကူန်ရဝ်မာဂါင် (13)ဂါင် ၊ ကျောင်စဝ် (1)ကျောင် ကာည်း ကျောင်ပနောဘေဲႇ(1)ကျောင် လူလှဲဝ်ႏဟာဝ်းအောႏ။

ဆဲႈဒီန် ပလှံင်မိုဂူႈ ဂေါႇဆီုက်ဘြာန်ဂဲ ဒါထမေန် ပဴင်ပ္လေဒါင်း လံက်ဟာဝ်းတိုအီးရဝ် ကောန်အီပ်ုန် (8)အီး ၊ ကောန်ဒဲႇ (9)အီး၊ ကောန်အီမာည်း (11)အီးကဲဒီန် ညားပ္လေဒါင်းလံက်ယံမ်းဟာဝ်း၊ ကောန်အီမာည်း (26)အီး ၊ ကောန်အီပ်ုန် (22)အီး ကာည်း ကောန်ဒဲႇ (10)အီး ကတူႈဖေးဆဝ် ဂါင်(29)ဂါင် ၊ ကျောင်စဝ် (2)ကျောင်မာ် လူလှဲဝ်ႏဟာဝ်းအောႏ။

မိုႈဘိုး ပလှံင်မိူင်မီတ် ဆီုက်ဘြာန်ဂဲ ဒါထမေန် ကာည်း ပဴင်ပ္လေဒါင်း လံက်ဟာဝ်း ကောန်အီမာည်း (1)အီး ကာည်း ကောန်အီပ်ုန် (2)အီးယံမ်း၊ ကောန်အီမာည်း (8)အီး၊ ကောန်အီပ်ုန် (4)အီး ကတူႈဖေးဆဝ် ၊ တောပ်ဘိုး ဂါင်(5)ဂါင် ကာည်း ကျောင်ပနောဘေဲႇ (2)ဂါင်ကဲဒီန် လူလှဲဝ်ႏဟာဝ်းအောႏ။

ပလှံင်လာဆေဝ် ဂေါႇပ္လေဒါင်း ပဴင်ဆီုက်ဘြာန်ဂဲ ဇောႈပဒူႈ လံက်ဟာဝ်း ကောန်အီမာည်း(21)အီး ကောန်အီပ်ုန်(12)အီး၊ ကောန်ဒဲႇ(5)အီး ညားပ္လေဒါင်းလံက်ယံမ်းဟာဝ်း မိုႈဘိုး ကောန်အီမာည်း (27)အီး ကောန်အီပ်ုန်(21)အီးကတူႈဖေးဆဝ် လံက်ဟာဝ်းဘိုး ရဝ်ဂါင်ဂေါည်ကူန်ရဝ်မာဂါင်ဂဲ (9)ဂါင် ကျောင်စဝ်(3)ကျောင် ကာည်း ကျောင်ပနောဘေဲႇ(2)ကျောင် လူလှဲဝ်ႏဟာဝ်းအောႏ။

ပလှံင်ဆဘောမာ် ဂေါႇပ္လေဒါင်း ပဴင် ဆီုက်ဘြာန်ဂဲ ဇောႈပဒူႈ ကူန်ရဝ်မာဂါင်ဂဲ (5)အီး ညားဆိက်ပ္လေဒါင်းလံက် ကတူႈဟာဝ်း ဖေးဆဝ်အောႏ။

ကတီုက်ကပဴင် ခေဲင်(1)ကျံရ်ဒိူန်း ဆီုက်ဘြာန်ဂဲ ဒါထမေန် ကယေင်ပဴင်ဟာဝ်းလိူည် ဒီဂေါည်ကူန်ရဝ်မာဂါင်ဂဲ ဂေါႇပ္လေဒါင်း ပဴင် ဆီုက်ဘြာန်ဂဲ ကူန်ရဝ်မာဂါင် အီယံမ်းဟာဝ်း ဟည်ဂေါည် (125)အီး၊ အီကတူႈဖေးဆဝ်းဒါင်း ကစုကပိုမ် ဟည်ဂေါည်(167)အီး ကူန်ရဝ်မာဂါင် အီဝဲႈဒဝ်းဖေးနာန်း ဂေါည်(2)မှီုန်အီးလေ;အောႏ။

#PSLF/TNLA

#တီုင်ပ္လေႈလေႈဆဒါင် 

#ဆဒါင်ပ္လေဲဝ်အခွါင်းအရေး 

#ဆဒါင်ကုင်တအာင်း

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း