လံပ်တီုက်နာန်း 1027 ဒေါန်(2) ခေဲင်(28)ဆငည်းနီန် ပလှံင်နောင်ချေဲဝ်၊ မိုဂူႈ ဆီုပ်ပဲန်ကတီုက်ကပဴင် ဘိူန်းဒေဆီမ်းဂြိုခြီုင်လာက်နာက် ကာည်း တိုးယံမ်းဆီုက်ဘြာန်ဂဲ
24 July 2024
လံပ်တီုက်နာန်း 1027 ဒေါန်(2) ခေဲင်(28)ဆငည်းနီန် ပလှံင်နောင်ချေဲဝ်၊ မိုဂူႈ ဆီုပ်ပဲန်ကတီုက်ကပဴင် ဘိူန်းဒေဆီမ်းဂြိုခြီုင်လာက်နာက် ကာည်း တိုးယံမ်းဆီုက်ဘြာန်ဂဲ
ကုင်တအာင်း၊ ကျံရ်ပူရ် ဆငည်း (24l)
ကုင်တအာင်း၊ အိူင်အိုမ်ယ်ုရ်၊ လှံင်မိုဂူႈ (လံပ်လေႈဆငည်း) တပြောရဝ်ပါင်မထေက် ကာည်း တံပ်ဆခါန်းဆီုက်ဘြာန် တာမ်ကဘေဲမ်ဒီန် တံပ်နာန်းတအာင်း TNLA + တံပ်ကပိုမ် PDF မိုဂူႈဗျူဟာဲ လီပ်တီုက်ဘိူန်းဒေဆီမ်းဟာဝ်းတံပ်ဆီုက်ဘြာန်။ ခေဲင်ဒီန် ဘိူန်းဒေဆီမ်းဟာဝ်း ဂြိုခြီုင်လာက်နာက် ကာည်း တိုးယံမ်းဘြာန်ဂဲ (20)အီးအောႏ။
ဂြိုခြီုင်ပ်ုန်ဘိူန်းဒေဆီမ်း အ်ုန်တောပ် ဆနာတ်ဒဲႇ (5)လံဝ်း၊ ဒရိုင်း (1)ကြောင် ကာည်း ဂြိုခြီုင်ပ်ုန်ဒါဆီုက်ကဲတောန်မျိုးအောႏ။
ဆဲႈဒီန် အိူင်အိုမ်ယ်ုရ်၊ ပလှံင်နောင်ချေဲဝ် တံပ်နာန်းတအာင်း TNLA + တံပ်ကပိုမ် MDY PDF ဂဲ ဆီုပ်ပဲန်ဟာဝ်း ကတီုက်ကပဴင် တောပ်ဆီုက်ဘြာန်ဂဲအောႏ။
ကျံရ်ပူရ် ဆငည်း (22) အခိင် ရဆံန် (1:11)နြီဒိူန်း တံပ်နာန်းတအာင်းဂဲ လီပ်တီုက်တံပ်ဆီုက်ဘြာန်အီဂေါည် ပလှံင်နောင်ချေဲဝ် ရဝ်သဲခေါ်အောႏ။
မိုႈဘိုး ပလှံင်မာဝ်းဝံင်း တံပ်နာန်းတအာင်း TNLA လီပ်တီုက် တံပ်ဆီုက်ဘြာန်အီဂေါည် ဂီတ်အေဆျှာဝေါ ကာည်း ပကျောင်စဝ်နံမ်ဆီလင်းဒီန် ပဲန်ဟာဝ်းကတီုက်ကပဴင်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
#ဆဒါင်ပ်ုန်ဘိူန်းဆီမ်းဂြိုခြီုင်
Comment Lists