လံပ်တီုက်နာန်း 1027 ဒေါန်(2) ခေဲင်(24)ဆငည်းနီန် ဂေါႇဆီုက်ဘြာန်ဂဲ ပဘိုးဆီုက်ကဇောည် ဆီုပ်ပဲန်ကတီုက်ကပဴင် ပလှံင်မာဝ်းဝံင်း ကာည်း မိုဂူႈလံပ်လေႈဆငည်း
19 July 2024
လံပ်တီုက်နာန်း 1027 ဒေါန်(2) ခေဲင်(24)ဆငည်းနီန် ဂေါႇဆီုက်ဘြာန်ဂဲ ပဘိုးဆီုက်ကဇောည် ဆီုပ်ပဲန်ကတီုက်ကပဴင် ပလှံင်မာဝ်းဝံင်း ကာည်း မိုဂူႈလံပ်လေႈဆငည်း
ကုင်တအာင်း၊ ကျံရ်ပူရ် ဆငည်း (19)
ကုင်တအာင်း၊ အိူင်အိုမ်ယ်ုရ်၊ ပလှံင်မိုဂူႈ(လံပ်လေႈဆငည်း) တပြောယေကာင်တော်င် ကာည်း ပါန်းမထေက် ဂေါႇဆီုက်ဘြာန် လပခ/ခလရ (71၊ 88)ဂဲ ထီမ်းဟာဝ်းဒီဂေါည် တံပ်နာန်းတအာင်း TNLA + မိုဂူႈဗျူဟာ PDF ပဲန်ဟာဝ်းကတီုက်ကပဴင်အောႏ။
မိုႈဘိုး ဆငည်း (18)အခိင် ခိညှာ (10:05)မနေဲတ်ဒိူန်း ပဖြားလေးမျဲတ်နာ၊ ကျောင်မောနိရ၊ ညော်င်သိုပင်၊ တပြောပတ္တများဒီန် တီုင်တံပ်ဆီုက်ဘြာန် ကာည်း တံပ်နာန်းတအာင်း TNLA + တံပ်ကပိုမ် မိုဂူႈဗျူဟာ PDFဂဲ ပဲန်ဟာဝ်း ကတီုက်ကပဴင်။ မိုဂူႈ (လံပ်လေႈဆငည်း) တံပ်ဆခါန်းရေကာင်၊ တံပ်ဆခါန်းတာဝါတဲင်၊ တံပ်ဆခါန်းပတ္တများစေတီ၊ တံပ်ဆခါန်းညော်င်သိုပင်၊ တံပ်ဆခါန်းဖော်င်တော်အူး ကာည်း ဘိူန်းဒေဆီမ်းဟာဝ်း ဂြိုခြီုင်လာက်နာက်ဂဲအောႏ။
အိူင်အိုမ်ယ်ုရ်၊ ပလှံင်မာဝ်းဝံင်း ဆီုက်ဘြာန် ခမရ (501၊ 502)ဂဲ ထီမ်းဟာဝ်းတံပ်ဆခါန်းဒီဂေါည် တံပ်နာန်းတအာင်း ဆီုပ်ပဲန်ကတီုက်ကပဴင်။ အခိင် စူန်အံပ် (6:02)မနေဲတ်ဒိူန်း တိုဂီတ်ပလှံင်မာဝ်းဝံင်း၊ တပြောအေဆျှာဝေါဒီန် ဆီုက်ဘြာန်အီထီမ်းဟာဝ်း ကာည်း တံပ်နာန်းတအာင်း TNLA ပဲန်ဟာဝ်းဘိုး ကတီုက်ကပဴင်အောႏ။
အိူင်အိုမ်ယ်ုရ်၊ ဆီုက်ဘြာန်အီဂေါည် ဘာန်းဘွေးဂဲ ဒါဒရိုင်း ပဴင်ဟာဝ်း ပ္လေဘျုင် ကဒါႇရဝ်သဲခေါ် (18)ပိုင်း၊ ဒါ Jet Fighter ပဴင် (6)လိူဝ်ႈ ဆီုက်ဘြာန်ဂဲ ကယေင်ပဴင် ကူန်ရဝ်မာဂါင်ဂဲဒါင်းဒါင်း။ ပလှံင်မာဝ်းဝံင်း ဆီုက်ဘြာန်ဂဲ ဒါထမေန် Y 12 ဒေဲႈပဴင် ပ္လေဘျုင် တပြောရဝ်ကျွဲကိုင်းဒီန် (48)ပိုင်း။ ဆီုက်ဘြာန်အီဂေါည် မိုဂူႈဗျူဟာကိုင်ဂဲ ဒါဒရိုင်း ပဴင်ဟာဝ်းပ္လေဘျုင် ကဒါႇရဝ်တော်င်ကိုင် (2)လိူဝ်ႈအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
Comment Lists