ဘိူည်ဒါႈဇံင်းဒါ့်အူန်း ကတီုက်ကပဴင်ဘည်ဒီန်မာ် ဂေါႇပ္လေဒါင်း ပဲင်ဆိုက်ဘြာန်ဂဲ လံက်ဟာဝ်း တိုအီးရဝ် (6)အီး ယံမ်း၊ (1)အီး ကတူႈဖေးဆဝ် ကာည်း ဂါင်(4)ဂါင် ညားငံရ်ကဆူမ်းလူလှဲဝ်
19 July 2024
ဘိူည်ဒါႈဇံင်းဒါ့်အူန်း ကတီုက်ကပဴင်ဘည်ဒီန်မာ် ဂေါႇပ္လေဒါင်း ပဲင်ဆိုက်ဘြာန်ဂဲ လံက်ဟာဝ်း တိုအီးရဝ် (6)အီး ယံမ်း၊ (1)အီး ကတူႈဖေးဆဝ် ကာည်း ဂါင်(4)ဂါင် ညားငံရ်ကဆူမ်းလူလှဲဝ်
ကုင်တအာင်း၊ ကျံရ်(7) ဆငည်း (19)
ကုင်တအာင်း၊ ခေဲင်အိူင်အိုမ်ယ်ုရ် ကာည်း အိူင်လာဆေဝ် ဂေါႇပ္လေဒါင်း ပဲင်ဆိုက်ဘြာန်ဂဲ လံက်ဟာဝ်း တိုအီးရဝ် (6)အီးယံမ်း၊ (1)အီး ကတူႈဖေးဆဝ် ကာည်း ဂါင်(4)ဂါင် ညားငံရ်ကဆူမ်းလူလှဲဝ်ဟာဝ်းအောႏ။
ပလှံင်မာဝ်းဝံင်း၊ ခေဲင်ခိုမိုင်းတီတ်ဆဲတ်ဝူန်းဒီန် ဂေါႇပ္လေဒါင်းပဲင် ဆီုက်ဘြာန်ဂဲ ဇောႈပဒူႈ ဂေါပ်ဘည်ဒီန် ကောန်အီပ်ုန် အဆာက်(40)ဆန်ုမ် (1)အီးကာည်း ကောန်အီမာည်း(2)အီး ညားပ္လေဒါင်းလံက် ယံမ်းဟာဝ်းပွံတ် မိုႈဘိုး ခေဲင်ဇံင်(8) တပြောဒီဘြဲဆားကားမာ် ပ္လေဒါင်းစီဇောႈပဒူႈ လံက်ဟာဝ်း ကား(3)ကြောင် ညားငံရ်ကဆူမ်း လူလှဲဝ်ဟာဝ်းအောႏ။
မိုးဘိုး ပလှံင်လာဆေဝ် ဇံင်(1) ဂေါႇပ္လေဒါင်း ပဴင်ဆီုက်ဘြာန်ဂဲ ဇောႈပဒူႈ အီမိုႈရဟောမ်ရမားဂဲ (3)အီး ညားဆိက်ပ္လေဒါင်းလံက် ယံမ်းဟာဝ်းပွံတ်အောႏ။
ဆဲႈဒီန် မိုဂူႈ (လံပ်လေႈဆငည်း)ဂဲ ဒီတီုင်ဟျံင်ဒီန် ပ္လေဒါင်းစီဇောႈပဒူႈ တေဲင်ဂါင် ကောန်အီမာည်း(1)အီး ကတူႈဟာဝ်းဖေးဆဝ် ၊ မိုႈဘိုး ပဇံင်(ချမ်းမျေ့သာယာ) ကာည်း ခေဲင်အိုမ်တာတ်ဒီန် ပ္လေဒါင်းစီဇောႈပဒူႈ လံက်ဟာဝ်း ဂါင်(3)ဂါင် ညားငံရ်ကဆူမ်းဟာဝ်းအောႏ။
PSLF/TNLAဂဲ ခေဲင်ဘြည်(4)ဆငည်း ဘိူည်ဒါႈဇံင်းဒါ့်အူန်း ကတီုက်ကပဴင်ဘည်ဒီန်မာ် ဂေါႇဆီုက်ဘြာန်ဂဲ ဒါထမေန် ပဴင်ပ္လေဒါင်း ခေဲင်(3)ဆငည်းနီန် တိုအီးရဝ် (9)အီး ယံမ်းဟာဝ်း ကာည်း (9)အီး ကတူႈဖေးဆဝ်အောႏ။
ကတီုက်ကပဴင် ခေဲင်(23)ဆငည်းနီန် ဆီုက်ဘြာန်ဂဲ ဒါထမေန်ကယေင်ပဴင် ကူန်ရဝ်မာဂါင် ကာည်း ဂေါႇပ္လေဒါင်း ပဴင်ဆီုက်ဘြာန်ဂဲ ကူန်ရဝ်မာဂါင် အီယံမ်းဟာဝ်း ဟည်ဂေါည်(76)အီး ကာည်း အီကတူႈဖေးဆဝ်း ကစုကပိုမ် ဟည်မိုႈ (112)အီးအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists