ဂေါႇဆီုက်ဘြာန်ဂဲ ပဴင်ပ္လေဒါင်း (2)အီးယံမ်း ခေဲင်ဒီန် တောပ်ကောန်ဒဲႇ(1)အီး ကာည်း (5)အီးကတူႈဖေးဆဝ်
18 July 2024
ဂေါႇဆီုက်ဘြာန်ဂဲ ပဴင်ပ္လေဒါင်း (2)အီးယံမ်း ခေဲင်ဒီန် တောပ်ကောန်ဒဲ,(1)အီး ကာည်း (5)အီး ကတူ;ဖေးဆဝ်
ဆန်ုမ်2024၊ ကျံရ်ပူရ် ဆငည်း (18)
ကုင်တအာင်း ၊ အိူင်အိုမ်ယ်ုရ်၊ ပလှံင်မိုဂူႈ ဂေါႇဆီုက်ဘြာန်ဂဲ ပဴင်ပ္လေဒါင်း စီဇောႈပဒူႈ (2)အီးယံမ်း ခေဲင်ဒီန် တောပ်ကောန်ဒဲႇ(1)အီး ကာည်း (5)အီးကတူႈဖေးဆဝ်အောႏ။
ခည်းမိုႈ ကျံရ်(7) ဆငည်း(15) အခိင် ရမှိူဝ်း(9)နြီဒိူန်း ပလှံင်မိုဂူႈ ဆိုက်ဘြာန် အီဂေါည်ဗျူဟာကိုင်း ကဒါႇမိုဂူႈလံပ်လေႈဆငည်းဂဲ ဒါပ္လေဒါင်းပဴင်ဟာဝ်း ကဒါႇလံပ်က်ုတ်ဆငည်း ခမို(စဲက်ပျင်) ဇံင်ပါန်းမချဲရီ ပ္လေဒါင်း စီဇောႈပဒူႈဟာဝ်း တေဲင်ဂါင် ကူန်ရဝ်မာဂါင်ဂဲအောႏ။
ဂေါႇပ္လေဒါင်းဇောႈပဒူႈဟာဝ်းဘည်ဒီန် ကောန်ဒဲႇ အဆာက်(7)ဆန်ုမ် (1)အီးကာည်း ယားအိမျဲတ်မူန် အဆာက်(40)ဆန်ုမ် ညားပ္လေဒါင်းလံက် ယံမ်းဟာဝ်း တောပ်ဘိုး လိုည်းတေန့်သီင်္ဂီအေး အဆာက်(18)ဆန်ုမ် ၊ လိုည်းဆုမျဲတ်ဆာန်ဒီ အဆာက်(14)ဆန်ုမ် ၊ ယာခီန်ဆေင် အဆာက် (84)ဆန်ုမ်၊ တားဝူန်းကျော်တူခဲင် အဆာက် (44)ဆန်ုမ် ကာည်း ယာဖျူဖျူမူန် အဆာက်(40) ဆန်ုမ် ကဲ(5)အီးကဲဒီန် ညားပ္လေဒါင်းလံက် ကတူႈဟာဝ်းဖေးဆဝ်ဒါင်းအောႏ။
တံပ်အွံရ်ပ်ုန်လောက်ကပီုန်တအာင်းPSLF/TNLAဂဲ ဇူႈ ကျံရ်(7) ဆငည်း(14) ရောတ် ဆငည်း(18)နီန် ခေဲင်ဘြည် (4)ဆငည်း ဘိူည်ဒါႈဇံင်းဒါ့်အူန်း ကတီုက်ကပဴင်ဘည်ဒီန်မာ် ခေဲင်(2)ဆငည်း ဂေါႇဆီုက်ဘြာန်ဂဲ ဒါပ္လေဒါင်း ပဴင် ကူန်ရဝ်မာဂါင် (3)အီးယံမ်းဟာဝ်း ကာည်း (8)အီး ကတူႈဖေးဆဝ်အောႏ။
ကတီုက်ကပဴင် ခေဲင်(22)ဆငည်းနီန် ဆီုက်ဘြာန်ဂဲ ဒါထမေန်ကယေင်ပဴင် ကာည်း ဂေါႇပ္လေဒါင်း ပဴင်ဆီုက်ဘြာန်ဂဲ ကူန်ရဝ်မာဂါင် အီယံမ်းဟာဝ်း ဟည်ဂေါည်(69)အီး ကာည်း အီကတူႈဖေးဆဝ်း ကစုကပိုမ် ဟည်ဂေါည် (111)အီးအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists