လံပ်တီုက်နာန်း1027 ဒေါန်(2) ခေဲင်ဆငည်း(19) နီန် ဆီုပ်ပဲန်ကတီုက်ကပဴင် လှံင်မိုဂူႈ၊ လှံင်မိူင်းမီတ် ကာည်း လှံင်ဆဘော
17 July 2024
လံပ်တီုက်နာန်း1027 ဒေါန်(2) ခေဲင်ဆငည်း(19) နီန် ဆီုပ်ပဲန်ကတီုက်ကပဴင် လှံင်မိုဂူႈ၊ လှံင်မိူင်းမီတ် ကာည်း လှံင်ဆဘော
ဆန်ုမ်2024၊ ကျံရ်ပူရ် ဆငည်း (17)
ကုင်တအာင်း၊ အိူင်အိုမ်ယ်ုရ်၊ ပလှံင်မိူင်းကူတ် တံပ်နာန်းတအာင်း TNLA လီပ်တီုက် တံပ်ဆီုက်ဘြာန် အီဂေါည် တပြောကောင်းမှူးကမ္ဘာလိုင်း။ ဆဲႈဒီန် လှံင်မိုဂူႈ ဒီဟျံင်အျံရ်လံပ်ပိူည် ကာည်း ဒီဟူရ်ႈညှိူဝ်ဒီန် တီုင်တံပ်ဆီုက်ဘြာန် လပခ၊ခလရ (71၊ 88) ကာည်း တံပ်နာန်းတအာင်းဂဲ ပဲန်ဟာဝ်း ကတီုက်ကပဴင်အောႏ။
မိုႈဘိုး အိူင်အိုမ်တမာဝ်း၊ ခေဲင်လှံင်မိူင်းမီတ် တီုင်တံပ်ဆီုက်ဘြာန် စကခ-စကခ 21၊ ခလရ-23 ကာည်း တံပ်နာန်းတအာင်း TNLA+တံပ်ကပိုမ်PLA+ MoD PDF ဂဲ ပဲန်ဟာဝ်း ကတီုက်ကပဴင်အောႏ။
အိူင်အိုမ်ယ်ုရ်၊ လှံင်ဆဘော တံပ်နာန်းတအာင်း TNLAဂဲ လီပ်တီုက် တံပ်ဆီုက်ဘြာန် တံဆခါန်း ဆာန်ဖီတ် ကာည်း တံပ်ဆခါန်း (503၊ 504) ဒီန်အောႏ။
ဆဲဒီန် ပလှံင်နောင်ချေဲဝ် အာဝ်မိူဝ်ႈမပဲန် ကတီုက်ကပဴင်ဘည်ဒီန်မာ် ဆီုက်ဘြာန်ဂဲ ဒါ Jet Fighter ပဴင်ဟာဝ်း ပရဝ်နော်င်လဲင် (6)လိူဝ်ႈ၊ ဒေဲႈပဴင်ဘိုး ကဒါႇ ရဝ်သဲခေါ် အူလိူဝ်ႈအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
Comment Lists