တံပ်နာန်းတအာင်းဂဲ လီပ်တီုက်ယာႈ တံပ်ဆီုက်ဘြာန် ဒိုင်းတရ (606)ဂဲ အီဝဲႈဒဲဝ်းဟာဝ်း ကဒါႇ တံပ်ဆခါန်းဂိုတ်ထိပ် ကာည်း ဘိူန်းဒေဆီမ်းဟာဝ်း ပေဆနာတ်တောန်မျို
17 July 2024
လံပ်တီုက်နာန်း 1027 ဒေါန်(2) ခေဲင်ဆငည်း(18)နီန် တံပ်နာန်းတအာင်းဂဲ လီပ်တီုက်ယာႈ တံပ်ဆီုက်ဘြာန် ဒိုင်းတရ (606)ဂဲ အီဝဲႈဒဲဝ်းဟာဝ်း ကဒါႇ တံပ်ဆခါန်းဂိုတ်ထိပ် ကာည်း ဘိူန်းဒေဆီမ်းဟာဝ်း ပေဆနာတ်တောန်မျို
ဆန်ုမ်2024 ကျံရ်(7)၊ ဆငည်း(17)
ဆဒါင် ခေဲင်ကုင်တအာင်း
ကုင်တအာင်း ၊ အိူင်အိုမ်ယ်ုရ်၊ ပလှံင်နောင်ချေဲဝ်၊ ဆငည်း (12) အခိင် ခိညှာ(5:30)မနေတ်ဒိူန်း တံပ်နာန်းတအာင်းTNLA+တံပ်ကပိုမ်DPLAဂဲ ဘိူန်ဒေဆီမ်းဟာဝ်း တံပ်ဆီုက်ဘြာန်(606) အီဂေါည်တံပ်ဆခါန်း ဂိုတ်ထိပ်။ ခေဲင်တံပ်ဆခါန်းဒီန် ဘိူန်းဒေဆီမ်းဟာဝ်း ဆနာတ် (15)လဝ်း၊ RPG7(2)လဝ်း ၊ ငါးစိင်မီး(1)လဝ်း ၊ 60MM(2)လဝ်း ကာည်း တိုယံမ်းဆီုက်ဘြာန်ဂဲအောႏ။
ဒီပဲန်ကတီုက်ကပဴင် ကဒါႇ တံပ်ဆခါန်းဂိုတ်ထိပ်ဒီန် ဆီုက်ဘြာန်ဂဲ ဒါ Jet Fighter ဒေဲႈပဴင် (3)လိူဝ်ႈ၊ ဒါ Mi35 ပဴင် (4)လိူဝ်ႈ၊ ဒါ Y12 ဒေကဇောည်ပဴင် ပ္လေဘောမ် (64)ပိုင်း။ ဆီုက်ဘြာန်အီဂေါည် တံပ်ဆခါန်း လှံင်မာဝ်းဝံင်း (501)ကဲမာ် ကဇောည်ပဴင်ဟာဝ်း ပ္လေဒါင်း ကဒါႇ ဂိုတ်ထိပ် (2)လိူဝ်ႈအောႏ။
ဆဲႈဒီန် ပလှံင်နောင်ချေဲဝ် တပြောရဝ်နော်င်အောဒီန် တီုင်တံပ်ဆီုက်ဘြာန် ကာည်း တံပ်နာန်းတအာင်း TNLA ပဲန်ဟာဝ်းကတီုက်ကပဴင်။ ခေဲင်လှံင်မိူင်းမီတ်ဒိူန်း ဆီုက်ဘြာန် စကခ-21 ခလရ-223 ကဲ ကာည်း တံပ်နာန်းတအာင်းTNLA+ PLA + MOD PDF တီုင်တံပ်ကပိုမ်ဂဲ ပဲန်ဟာဝ်းဘိုးကတီုက်ကပဴင်။ မိုႈဘိုး လှံင်မိူင်းကူတ် ကာည်း ပမိူင်းမီတ် တံပ်နာန်းတအာင်း ဘိူန်းဒေဆီမ်းဟာဝ်းဘိုး တံပ်ဆခါန်း ဆီုက်ဘြာန် အီဂေါည်တံပ်(5)မဲင် ကာည်း 60MM (1)လဝ်း၊ ဆနာတ် (7)လဝ်း ကာည်း RPG7 (2)လဝ် ကာည်း ပ္လေဆနာတ်တောန်မျိုးအောႏ။
ပလှံင်နောင်ချေဲဝ်မာ် ဆီုက်ဘြာန်ဂဲ ဒါ Mi 35 ဒေဲႈပဴင် ပ္လေဒါင်း ပရဝ်အိုမ်မ္မတီး ကာည်း ရဝ်သဲခေါ်အောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
#ဆဒါင်ပ်ုန်ဘိူန်းဆီမ်းဂြိုခြီုင်
Comment Lists