ဂေါႇပ္လေဒါင်း ဇောႈပဒူႈ လံက်ဟာဝ်း တိုအီးရဝ် (4)အီးယံမ်း၊ တောပ်ဘိုး ကျောင်ပနောဘေဲႇကာည်း ဂါင် (10)ဂါင် လူလှဲဝ်ႏ
17 July 2024
ဂေါႇပ္လေဒါင်း ဇောႈပဒူႈ လံက်ဟာဝ်း တိုအီးရဝ် (4)အီးယံမ်း၊ တောပ်ဘိုး ကျောင်ပနောဘေဲႇကာည်း ဂါင် (10)ဂါင် လူလှဲဝ်ႏ
ဆန်ုမ်2024၊ ကျံရ်(7)၊ ဆငည်း (17)
ကုင်တအာင်း၊ ခေဲင်တီုင်တံပ်ဒါင်း (2) (5) (6)၊ ဂေါႇပ္လေဒါင်း ပဴင်ဆီုက်ဘြာန်ဂဲ ဇောႈပဒူႈ လံက်ဟာဝ်း တိုအီးရဝ် (4)အီးယံမ်း တောပ်ဘိုး ကျောင်ပနောဘေဲႇ ကာည်း ဂါင် (10)ဂါင် လူလှဲဝ်ႏဟာဝ်းအောႏ။
ခည်မိုႈ ကျံရ်ပူရ် ဆငည်း (12) အခိင် ခိညှာဒိူန်း ပလှံင်လာဆေဝ် ဇံင် (8) ပ္လေဒါင်းစီဇောႈပဒူႈ တေဲင်ဂါင် (1)ဂါင် ညားငံရ်ကဆူမ်းဟာဝ်း ဂါင်အူဂါင် ဆာ်မိုႈ ကဒါႇ ဇံင် (10) တပြောထင်းရှုးမြိုင်အိမ်ယာဒီန် ပ္လေဒါင်း ဇောႈပဒူႈ ဟာဝ်း(5)ပိုင်းအောႏ။
ဆငည်းဒိူန်းမာ် ပလှံင်လာဆေဝ် ဇံင် (1) ၊ ဇံင် (10) ၊ ဇံင် (8)ဒီန် ဂေါႇပ္လေဒါင်းဇောႈပဒူႈ လံက်ဟာဝ်း တိုအီးရဝ် (4)အီး ညားပ္လေဒါင်းလံက် ယံမ်း ကာည်း ဂါင်အူဂါင် ညားငံရ်ကဆူမ်းဟာဝ်းအောႏ။
ဆဲႈဒီန် ဆငည်း (12) အခိင် ခိညှာဇေဝ်း (1)နြီဒိူန်း ဆီုက်ဘြာန်ဂဲ ဒါထမေဲန် ကာည်း ပ္လေဘောမ် (3)ပိုင်း ဒေဲႈပဴင် ဒီဘြောင်ချှာင် ဆီုက်ကိုးကာန့်(MNDAA)ကဲ လှံင်ဆဲင်ဝီဒီန် လံက်ဟာဝ်း ချှံန်(1)ကျောင်ပနောဘေဲႇ ကာည်း လူမ်တီုင်ပိင်ငျာ၊ မူလတာန်းကျောင်အူကျောင် လူလှဲဝ်ႏဟာဝ်းအောႏ။
မိုႈဘိုး ကဒါႇ မိုဂူႈလံပ်ပိူည် ကပုမီင်း ဇံင် (10)ဒိူန်း ပ္လေဒါင်းဇောႈပဒူႈ အာဝ်မိူဝ်ႈအီကတူႈဖေးဆဝ်းမာ် ဇံင်မျိုမ ဂါင် (5)ဂါင် လူလှဲဝ်ႏအောႏ။
ခေဲင်ပဲန်ကတီုက်ကပဴင် ရောတ်ဆငည်း(18)နီန် ဆီုက်ဘြာန်ဂဲ ကယေင်ဒါထမေန်ပဴင် ကူန်ရဝ်မာဂါင် ကာည်း ဂေါႇပ္လေဒါင်း ပဴင်ဂဲ တိုအီးရဝ် (58)အီးယံမ်း ၊ (82)အီး ကတူႈဟာဝ်းဖေးဆဝ် ကာည်း ဂါင်ဂေါည်ကူန်ရဝ်မာဂါင် (100)ဂါင်ထာန်နီး လူလှဲဝ်ႏဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists