ပလှံင်မာဝ်းဝံင်း ဘိူန်းဒေတိုည်း တိုအီးဒဲႈဆဒါင် တဆီုက်ဘြာန် တောပ်ဘိုးအီကဇိူရ်ႈကယံင်းဒါ ခံင်မဝ် ကာည်း အီလီပ်ဆောႇဂါင် (180)အီး
12 July 2024
ပလှံင်မာဝ်းဝံင်း ဘိူန်းဒေတိုည်း တိုအီးဒဲႈဆဒါင် တဆီုက်ဘြာန် တောပ်ဘိုးအီကဇိူရ်ႈကယံင်းဒါ ခံင်မဝ် ကာည်း အီလီပ်ဆောႇဂါင် (180)အီး
ဆန်ုမ်2024၊ ကျံရ်ပူရ် ဆငည်း (12)
ဆဒါင်ကုင်တအာင်း
လံပ်တီုက်နာန်း (1027) ဒေါန်အာရ်နီန် ခေဲင်လှံင်မာဝ်းဝံင်း PSLF/TNLA တီုင်ဒံန်ခြဲတြားဥပဒေကဲ ဘိူန်းဒေတိုည်း တိုအီဒဲႈဆဒါင် တဆီုက်ဘြာန် တောပ်ဘိုးအီကဇိူရ်ႈကယံင်းဒါ ခံင်မဝ်၊ အီဘာဆနာတ်အီဘူလီပ်တြား ကာည်း အီလီပ်ဆောႇဂါင် (180)အီးအောႏ။
ခေဲင်ကုင်တအာင်း၊ အိူင်အိုမ်ယ်ုရ်၊ ခေဲင်လှံင်မာဝ်းဝံင်း၊ အီဒါခံင်မဝ် အီမာည်းဂေါည် (146)အီး၊ အီပ်ုန် (11)အီး ကာည်း အီကဇိူရ်ႈကယံင်ခံင်မဝ် အီမာည်း (2)အီး ကာည်း အီပ်ုန် (1)အီး ကစုကပိုမ် အီကဇိူရ်ႈကယံင်းဒါခံင်မဝ် ဂေါည် (159)အီးအောႏ။
ဆဲႈဒီန် ဘံန်ဟောည်ႇဆီမ်းအာဏာဒိူန်း အာည်ႇနီန် ခေဲင်ကုင် အီဒဲႈဆဒါင် တဆီုက်ဘြာန် ကဲမိုႈ အီလူည်ႇလံပ်ဘ္လီုက်လှူပ်တြားဥပဒေ ကဲမိုႈ အီဒါခံင်မဝ် အီတာင်ဇောႈကဘေဲမ်အောႏ။
PSLF/TNLA ကဲ ရေဲန်ဟာဝ်းဇီုင်းတီုက်ယာႈအရေးခံင်မဝ် ရောတ်ပေါ တပြောလှံင်မာဝ်းဝံင်း ရီမ်းအရာပ်အရာ ကဲအီဒါခံင်မဝ်ဒီန် ကဲဝဲႈဒဝ်းဟာဝ်း ဒီဘြောင်ချှာင် ဆီုက်ဘြာန်ဂဲ ခေဲင်လှံင်မာဝ်းဝံင်းအောႏ။
မိုႈဘိုး ခေဲင်ကတီုက်ကပင် ဘိူန်းဘိုဒေတိုည်း အီဒဲႈဆဒါင် ဘည်ရည်းဟာဝ်းဝီရ် PSLF/TNLA ကာည်း ဘဝ်ကီုတ်တီုင်တံပ်ကပိုမ်ကဲ (16)အီးအောႏ။
ပ်ုန်ဘိူန်းဒေတိုည်းကဲဒီန် PSLF/TNLA ဖုင်ဒံန်ခြဲတြားဥပဒေကဲ နံင်စေတ်ဆေးဟာဝ်း ကာည်း နံင်တိူဝ်ႈလာည်းဟာဝ်းအရေး တောပ်လိူည်ဘည်ဥပဒေအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ဘိူန်းတိုည်းတိုအီးကဇိူရ်ႈကယံင်းဒါခံင်မဝ်
Comment Lists