ဂေါ,ဆီုက်ဘြာန်ဂဲ ဒါထမေန် ကာည်း ပ္လေဒါင်း လီလာပဴင် လံက်ဟာဝ်း ကူန်ရဝ်မာဂါင်(11)အီးယံမ်း (4)အီးကတူႈဖေးဆဝ်း
29 June 2024
ဂေါ,ဆီုက်ဘြာန်ဂဲ ဒါထမေန် ကာည်း ပ္လေဒါင်း လီလာပဴင် လံက်ဟာဝ်း ကူန်ရဝ်မာဂါင်(11)အီးယံမ်း (4)အီးကတူႈဖေးဆဝ်း
ဆန်ုမ်2024၊ ကျံရ်တောရ်၊ ဆငည်း29 “ဆဒါင်ကုင်တအာင်း”
ကုင်တအာင်း၊ အိူင်အိုမ်ယ်ုရ်၊ လှံင်မာဝ်းႎံင်း၊ လှံင်နောင်ချေဲဝ်၊ လှံင်မိူင်းမီတ် ခေဲင်လှံင်(3)လှံင်ဒီန် ဂေါ,ဆီုက်ဘြာန်ဂဲ ဒါထမေန် ကာည်း ပ္လေဒါင်း လီလာပဴင် လံက်ဟာဝ်း ကူန်ရဝ်မာဂါင်(11)အီးယံမ်း (4)အီးကတူႈဖေးဆဝ်းအောႏ။
ကျံရ်တောရ်၊ ဆငည်း(28)ဒိူန်း ခေဲင်လှံင်မာဝ်းႎံင်း ဇံင်(8) ပ္လေဒါင်းစီဇာႈပဒူႈ လံက်ဟာဝ်း ယာခါဝ်အူပါ ကာည်း ကောန်အီပ်ုန်(4)အီး၊ ကောန်အီမာည်း(2)အီးယံမ်း ကောန်အီးမာည်း(1)အီး ကာည်း ကောန်အီပ်ုန်(1)အီး ကတူႈဖေးဆဝ်းဒါင်း ဆဲႈဒီန် လံက်ဟာဝ်းဘိုး ဇံင်(2) ဂါင်(4)ဂါင် လူလှဲဝ်ႏအောႏ။
မိုႈဘိုး လှံင်မိူင်းကူတ်လ်ပ်လေႈဆငည်း ဆီုက်ဘြာန်းဂဲ ဂျက်ဖိုက်တာ ဒေဲ;ရောတ်ပဴင်ပ္လေဒါင်း လံက်ဟာဝ်း စဝ်ဆာင်(4)ပါ ဂေါည်ခေဲင်ကျောင်ကဘူမ်ပိုႈ စဝ်ဆာင်(1)ပါလောန် (4)ပါကတူႈဖေးဆဝ်းဒါင်းအောႏ။
ဇံင်လူ့ထ ယာခတ်(1)အီး ကာည်း ကောန်ဒဲ့(1)အီးယံမ်းဟာဝ်း ဆဲႈဒီန် ပလှံင်မိူင်းကူတ် လံပ်လီပ်ဆငည်း ဇံင်အံင်သုခ ပ္လေဒါင်းစီဇာႈပတူႈတေဲင်ဂါင်ဒီန် လံက်ဟာဝ်းဘိုး ကောန်အီးပ်ုန်(1)အီးယံမ်းဟာဝ်းအောႏ။
ဆဲႈဒီန် တီုင်တံပ်ဆီုက်ဘြာန်ဂဲ ဒါထမေန် ကာည်း ပ္လေဒါင်း လီလာပဴင်ဘည်ဒီန် လံက်ဟာဝ်း ကျောင်းစဝ် ၊ ဂါင်(13)ဂါင်လူလှဲဝ်ႏ။ ဂေါ, ကတီုက်ကပဴင်ဘ္လာမ်ဒါင်း ကူန်ရဝ်မာဂါင်ဂဲ အီဂေါည် လှံင်မာဝ်းႎံင်း ကာည်း လှံင်မိူင်းကူတ် ကတူႈဒဲဝ်ဖေးနာန်းအောႏ။
ခေဲင်လှံင်မာဝ်းႎံင်း တီုက်တံပ်ဆီုက်ဘြာန်ဂဲ ဒါထမေန် ဒါပ္လေဒါင်း လီလာပဴင်ဘည်ဒီန် ပ္လေဒါင်းပဴင်ကဲ စီဇာႈပဒူႈလံက်ဟာဝ်း ကောန်အီမာည်း(1)အီး ကာည်း ကောန်အီပ်ုန်(1)အီး ကတူႈဖေးဆဝ်း ခေဲင်လှံင်နောင်ချေဲဝ် ကောန်အီမာည်း(1)အီး ကာည်း ကောန်အီပ်ုန်(2)အီး ညာပ္လေဆာနာတ်လံက်ယံမ်းဟာဝ်းအောႏ။ ဆဲႈဒီန် ကျံရ်တောရ် ဆငည်း(26) ပလှံင်မာဝ်းႎံင်း ဆီုက်ဘြာန်းဂဲ ဂျက်ဖိုက်တာ ဒေဲ;ရောတ်ပဴင်ပ္လေဒါင်း လံက်ဟာဝ်း တိုအီးရဝ်(4)အီးယံမ်း (15)အီးကတူႈဖေးဆဝ်း ဆငည်း(25)ဒိူန်းမာ် လံက်ဟာဝ်း (2)အီးယံမ်း (5)အီးကတူႈဖေးဆဝ်းဒါင်းအောႏ။
#PSLF /TNLA
#တီုင်ပ္လေႈလေႈဆဒါင် #ဆဒါင်ပ္လေဲဝ်အခွါင်းအရေး
Comment Lists