ခေဲင်လှံင်(3)လှံင်နီန် တံပ်ဆီုက်ဘြာန်ဂဲ ဒါထမေန် ကာည်း ပ္လေဒါင်း လီလာပဴင်ဘည်ဒီန် လံက်ဟာဝ်းကူန်းရဝ်မာဂါင်(3)အီးယံမ်း (3)အီးကတူ;ဖေးဆဝ်း
29 June 2024
ခေဲင်လှံင်(3)လှံင်နီန် တံပ်ဆီုက်ဘြာန်ဂဲ ဒါထမေန် ကာည်း ပ္လေဒါင်း လီလာပဴင်ဘည်ဒီန် လံက်ဟာဝ်းကူန်းရဝ်မာဂါင်(3)အီးယံမ်း (3)အီးကတူ;ဖေးဆဝ်း
ဆန်ုမ်2024 ကျံရ်တောရ် ဆငည်း(29)
ကုင်တအာင်း ၊ အိူင်အိုမ်ယ်ုရ်၊ ပလှံင်နောင်ချေဝ်၊ ဆီုက်ဘြာန်ဂဲ ကာည်း တံပ်အွံရ်ပ်ုန်လောတ်ကပီုန်တအာင်းPSLF/TNLA ပဲန်ဟာဝ်းကတီုက်ကပဴင်ဒါင်း ပလှံင်မိူင်ကူတ် လှံင်မာဝ်းဓံင်း ဂေါ,ဆီုက်ဘြာန်ဂဲ ဒါထမေန် / ပ္လေဒါင်း လီလာပဴင်ဘည်ဒီန် လံက်ဟာဝ်းကူန်းရဝ်မာဂါင်(3)အီးယံမ်း (3)အီးကတူႈဖေးဆဝ်ဒါင်းအောႏ။
ကျံရ်တောရ် ဆငည်း(27) ပလှံင်မာဝ်းဓံင်း ၊ ဇံင်း(2) ပ္လေဒါင်းစီဇာႈပဒူႈတေဲင်ဂါင်အူဂါင်ဒီန် လံက်ဟာဝ်း တိုအီးရဝ် အဆာက်(60)ဆန်ုမ်အူအီး ကာည်း ကောန်အီးပ်ုန် အဆာက်(50)ဆန်ုမ် အူအီး ကတူ;ဖေးဆဝ်းဒါင်းအောႏ။
မိုႈဘိုး ပလှံင်နောက်ချေဝ် အခိင်စူပ်အံမ် ပ္လေဒါင်းစီဇာႈပဒူ; ဇံင်(4) လံက်ဟာဝ်း ဇိူင် အူကဒါ အ်ုန်အီးဇီုဝ်စော်နန္ဒာအူ အဆာက်(27)ဆန်ုမ်အောႈ။
ဆဲႈဒီန် ဇံင်း(4) ပလှံင်နောင်ချေဝ် ဆီုက်ဘြာန်ဂဲ ကယေင်ပဴင်ဟာဝ်း ကောန်အီးပ်ုန်အာရ်အီး အခိင်ဂါရ်မံင်ဒေဲ;ဆဲင်ကယ် လိုည်းချယ်ရီ အဆာက်(23)ဆန်ုမ် အ်ုန်အီးထေန် လိုည်းထက်ယီဝူန်း အဆာက်(16)ဆန်ုမ်ယံမ်းဟာဝ်းအောႏ။
ပလှံင်မိူင်ကူက် လ်ုပ်လီပ် ဇံင်ကသဲ အခိင်ရဆံန်(1:45)မိနေတ် ပ္လေဒါင်းစီဇာႈပဒူႈ လံက်ဟာဝ်း ကောန်အီးပ်ုန်အူအီး ယံမ်းဟာဝ်းအောႏ။
ခည်းမိုႈ ပလှံင်မိူင်းမီတ် ရဝ်ဖဒန် အခိင်ရဆံန်(2:00)နြီ ဆီုက်ဘြာန်ဂဲ ဒါဒရိုင်း(2)ပိုင် ပဴင်ဟာဝ်း ကဒါ, ဒီဂေါည်ကူန်ရဝ်မာဂါင် လံက်ဟာဝ်း ဂါင်(2)ဂါင် လူလှဲဝ်ႏဟာဝ်းအောႏ။
ကျံရ်တောရ် ဆငည်း(26) ပလှံင်မာဝ်းဓံင်း ဂေါ,ဆီုက်ဘြာန်ဂဲ ဒါထမေန် ပဴင်ဟာဝ်း စီလံက်တိုအီးရဝ်(4)အီးယံမ်း (15)အီးကတူႈဖေးဆဝ်းဒါင်း ဆာ်မိုႈ ဆငည်း(25)ဒိူန်း ဆီုက်ဘြာန်ဂဲ ဒါထမေန် လီလာပဴင်ဟာဝ်း လံက်ဘိုး တိုအီးရဝ်(2)ယံမ်း (5)အီး ကတူ;ဖေးဆဝ်းအောႏ။ ဆဲႈဒီန် ပလှံင်မာဝ်းဓံင်း ညောင်းချှာန်ရေးကိုန်၊ ကျောင်စဝ်အံင်မြေသာယာ ကာည်း ကျောင်ဓါင်ပနော လူလှဲဝ်ႏဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင် #ဆဒါင်ပ္လေဲဝ်အခွါင်းအရေး
Comment Lists