တီုင်တံပ်ဆီုက်ဘြာန်ဂဲ ဒါထမေန် ဒေဲ;ပဴင်ပ္လေဲဒါင်း(2)လိူဝ်; ခေဲင်လှံင်မိူင်းမီတ်
21 June 2024
တီုင်တံပ်ဆီုက်ဘြာန်ဂဲ ဒါထမေန် ဒေဲ;ပဴင်ပ္လေဲဒါင်း(2)လိူဝ်; ခေဲင်လှံင်မိူင်းမီတ်
ဆန်ုမ်2024၊ ကျံရ်တောရ်၊ ဆငည်း21
ကုင်တအာင်း၊ အိူင်အိုမ်ယ်ုရ်၊ လှံင်မိူင်းမီတ်၊ ရဝ်ဟိုဝိင် အခိင် စူမ်အံပ်(4:55)မနေတ် အာဝ်မိူဝ်;ကတီုက်ကပဴင်မာ် တီုင်တံပ်ဆီုက်ဘြာန်ဂဲ ဒါထမေန် ဒေဲ;ပဴင်ပ္လေဲဒါင်း(2)လိူဝ်; ခေဲင်လှံင်မိူင်းကူတ်အောႏ။
ဂေါ,ဆီုက်ဘြာန်ဂဲ လီလာပဴင်ဘည်ဒီန် ပ္လေဒါင်းစီပတူ;လံက်ဟာဝ်း ကျောင်စဝ် ရဝ်ဟိုဝိင် ကာည်း ဂါင်(1)ဂါင် လူလှဲဝ်;ဟာဝ်း တိုအီရဝ်အူအီး ကတူ;ဖေးဆဝ်းအောႏ။
မို;ဘိုး အခိင် ခီညာ(8:00)နြီ တီုင်တံပ်ဆီုက်ဘြာန်ဂဲ အီဂေါည် ပလှံင်နောင်ချေဲဝ် ပရဝ်အုမ္မတီး ဒါပ္လေဒါင်းပဴင်ဟာဝ်း ကဒါ,ရဝ်ဆမ္မဆယ်(4)ပိုင်းအောႏ။
ကျံရ်တောရ်၊ ဆငည်း(19) အခိင် စူမ်အံပ်(5:30)မနေတ်ဒိူန်း တီုင်တံပ်ဆီုက်ဘြာန်ဂဲ အီဂေါည် ပလှံင်မိူင်းမီတ် ရဝ်ဖျူယာင် ဒါပ္လေဒါင်းထာန်ဇံန်(45)ပဴင်ဟာဝ်း ကဒါ,ရဝ် ဆိုရ်ဆလာင်(4)ပိုင် ဆဲ;ဒီန် အခိင်(5:08)မနေတ် ပဴင်ဟာဝ်းဘိုး ကဒါ,ရဝ်ညာင်ကုင် (2)ပိုင်အောႏ။
ဆဲ;ဒီန် ကျံရ်တောရ်၊ ဆငည်း(18) ရောတ် ဆငည်း(20) ခေဲင်(3)ဆငည်းဒီန် တီုင်တံပ်ဆီုက်ဘြာန်ဂဲ ဒါဒရိုင်း / ထမေန် ကာည်း ပ္လေဒါင်းဒေဲ;ပဴင် ဒီဂေါည်တံပ်ဆခန်းTNLA ငျားလံက်ဟာဝ်း ဆီုက်TNLA(3)အီး ဇော;လှူဟာဝ်း ယံင်နှာမ်အဆာက် (4)အီးကတူ;ဖေးဆဝ်းအောႏ။
တီုင်တံပ်ဆီုက်ဘြာန်ဂဲ ပ္လေဲဝ်လူည်,ဟာဝ်း အခွါင်းအရေး ဒါပ္လေဒါင်းပဴင်ဟာဝ်းဒီဂေါည် ကူန်ရဝ်မာဂါင်ဂဲတောန်ဆငည်း ဂေါ, ဆီုက်ဘြာန်ဂဲ လီလာပဴင်ဘည်ဒီန် ကူန်ရဝ်မာဂါင်ဂဲ ကတူ;ဖေးဆဝ်းဒါင်း ခေဲင်ကဲကတူ;ဖေးဆဝ်းဒီန် တောပ်ဘိုးကောန်ဒဲ့ အဆာက်(10)ဆန်ုမ်အူအီး ကျောင်စဝ်အူကျောင် ကာည်း ဂါင်(3)ဂါင် လူလှဲဝ်;ဟာဝ်းအောႏ။
#PSLF /TNLA
#တီုင်ပ္လေႈလေႈဆဒါင်
#ဆဒါင်ဆိုက်ဘြာန်ဒါထမေန်
#ဒေဲ;ပဴင်ပ္လေဲဒါင်း(2)လိူဝ်; ခေဲင်လှံင်မိူင်းမီတ်
Comment Lists