ဂေါ,ဆီုက်ဘြာန်ဂဲ ဒါဒရိုင်း ကာည်း ထမေန်ဒေဲ;ပဴင် ငျားလံက်ဟာဝ်း ဆီုက်TNLA(2)အီး ကာည်း တိုအီး(3)အီး
21 June 2024
ဂေါ,ဆီုက်ဘြာန်ဂဲ ဒါဒရိုင်း ကာည်း ထမေန်ဒေဲ;ပဴင် ငျားလံက်ဟာဝ်း ဆီုက်TNLA(2)အီး ကာည်း တိုအီး(3)အီး
ဆန်ုမ်2024၊ ကျံရ်တောရ်၊ ဆငည်း21
ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ်၊ တီုင်တံပ်ဆီုက်ဘြာန်ဂဲ ဒါဒရိုင်း ကာည်း ထမေန်ဒေဲ;ပဴင် ဒီဂေါည်တံပ်ဆခန်းTNLA ငျားလံက်ဟာဝ်း ဆီုက်TNLA(2)အီး ဇော;လှူဟာဝ်း ယံင်နှာမ်အဆာက်အောႏ။
ဆဲ;ဒီန် ကျံရ်တောရ်၊ ဆငည်း(19) တီုင်တံပ်ဆီုက်ဘြာန်ဂဲ အီဂေါည်ဆျှိုည်ညာ်င်ပင် အခိင် ရဆံန်(11:25)မနေတ်အူလိူဝ်;၊ (11:33)မနေတ်အူလိူဝ်; ဒါဒရိုင်းဒေဲ;ပဴင်အောႏ။
ခည်မို; အခိင် ရဆံန်(3:30)မနေတ်ဒိူန်း ပလှံင်မိူင်းကုတ် ရဝ်တာင်နီ တီုင်တံပ်ဆီုက်ဘြာန်ဂဲ ဒါထမေန်ဒေဲ;ပဴင်ပ္လေဒါင်း ဂေါ,ဆီုက်ဘြာန်ဂဲဒေဲ;ဘည်ဒီန် လံက်ဟာဝ်းတိုအီးရဝ်(3)အီး ကတူ;ဖေးဆဝ်း အောႏ။ ခေဲင်ကဲအီကတူ;ဖေးဆဝ်းဒီန် တောပ်ဘိုးကောန်ဒဲ့ အဆာက်(10)ဆန်ုမ်အူအီး ကာည်း လံက်ဟာဝ်း ဂါင်(2)ဂါင်လူလှဲဝ်;ဟာဝ်းအောႏ။
မို;ဘိုး ကျံရ်တောရ်၊ ဆငည်း(18)ဒိူန်း တီုင်တံပ်ဆီုက်ဘြာန် အီဂေါည် ပလှံင်နောင်ချေဲဝ် ပရဝ်အုမ္မတီး ဒါပ္လေဒါင်းပဴင်ဟာဝ်း ကဒါ,ရဝ်ဆမ္ဆဆယ်(4)ပိုင်း ဇော;ပဒူ;ဟာဝ်း ပတံပ်ဆခန်း ဒီဂေါည်တံပ်နာန်းတအာင်းTNLA ငျားလံက်ဟာဝ်း ဆီုက်TNLA(1)အီး ဇော;လှူဟာဝ်း ယံင်နှာမ်အဆာက်၊ (4)အီး ကတူ;ဖေးဆဝ်းဒါင်းအောႏ။
တီုင်တံပ်ဆီုက်ဘြာန်ဂဲ ပ္လေဲဝ်လူည်,ဟာဝ်း အခွါင်းအရေး ပ်ုန်ဆဖောအူန်း ဟိုက်ဂင် ကည်လိူဝ်;ဘည်နီန်၊ ဒါပ္လေဒါင်းပဴင်ဟာဝ်းဒီဂေါည် တံပ်နာန်းတအာင်းTNLA ဘည်နီန်တောန်ဆငည်း PSLF/TNLA ပ်ုန်ဘိူန်းဆီမ်ဟာဝ်းလှံင်မာ် တီုင်တံပ်ဆီုက်ဘြာန်ဂဲ ပ်ုန်လူလှဲဝ်;ဟာဝ်းဒေင် ဟာဝ်းဟာဝ်းဝီရ်ဝီရ်ကူန်ရဝ်မာဂါင်ဂဲအောႏ။
#PSLF /TNLA
#တီုင်ပ္လေႈလေႈဆဒါင်
#တီုင်တံပ်ဆီုက်ဘြာန်ဂဲ #ပ္လေဲဝ်လူည်,ဟာဝ်းအခွါင်းအရေး #ပ်ုန်တဖောအူန်းဟိုက်ဂင်
Comment Lists