ဆဒါင် PSLF/TNLA တီုင်ဒံန်ခြဲတြားဥပဒေကဲ အခိင်စဲတ်ဆေးကဒည်ဒေင် ဘိူန်းတိုည်း မာဝ်းဆဲင်ဂီုန်း အီအာဝ်လီပ်ခေဲင်ဥပဒေ
30 May 2024
ဆဒါင် PSLF/TNLA တီုင်ဒံန်ခြဲတြားဥပဒေကဲ အခိင်စဲတ်ဆေးကဒည်ဒေင် ဘိူန်းတိုည်း မာဝ်းဆဲင်ဂီုန်း အီအာဝ်လီပ်ခေဲင်ဥပဒေ
ဆန်ုမ်2024၊ ကျံရ်ဖံန် ဆငည်း (30)
ကုင်တအာင်း၊ အိူင်အိုမ်တမာဝ်း၊ ပလှံင်အိုမ်ငျံရ် ဆဒါင် PSLF/TNLA တီုင်ဒံန်ခြဲတြားဥပဒေကဲ အခိင်စဲတ်ဆေးကဒည်ဒေင် ဘိူန်းတိုည်း မာဝ်းဆဲင်ဂီုန်း အီအာဝ်လီပ်ခေဲင်ဥပဒေအောႏ။
ယာမ်မိုႈ ကျံရ်ဖံန် ဆငည်း (26)ဒိူန်း PSLF/TNLA တီုင်ဒံန်ခြဲတြားဥပဒ အခိင်ကဲစဲတ်ဆေး ကားကာည်းဆဲင်ကယ် ကကာႈဒေင်မိူင်းရေင် ကာည်း လာဆေဝ် အခိင်စူန်အံပ် (3:30)မနေဲတ်ဒိူန်း အခိင်စဲတ်ဆေး ခေဲင်ကား ပါစဲရို ကာည်း ကား Crownဒီန် စီယိူဝ်းကဲတာင်ဒေဲႈ မာဝ်းဂူႈငျံရ်ဂီုန်းအောႏ။
တားပလိက်အိုမ်ငျံရ် စီဒါႈ” ဆာ်မိုႈ ပ်ုန်ဘိူန်းဒေတိုည်း ငေါႈမာဝ်းကဲဒီန် ညှံမ်နံပ်မကတီးကရီး။ ပ်ုန်ဘိူန်းဒေတိုည်းမာဝ်းကဲဒီန် အ်ုန်တောႇ မာဝ်းကျံမ်း (475)ထုက်၊ မာဝ်းချှီဝ်ႇ (78)ပိုင်းအောႏ။
အီတာင်ဒေဲႈမာဝ်းကဲဒီန်မိုႈ မီင်းဆဲက်ပဲင် အဆာက် (35)ဆန်ုမ်၊ ချှာန်းမျေ့ကိုကို အဆာက် (35) ဆန်ုမ် ကာည်း သီဟတီန်ဆိုး အဆာက် (35)ဆန်ုမ်ကဲဒီန် PSLF/TNLA ဖုင်ဒံန်ခြဲတြားဥပဒေ တိုည်းဟာဝ်းအူန်း ကဲ(3)အီး နံင်တိူဝ်ႈလာည်းဟာဝ်းအရေးတောပ်လိူည်ဘည်ဥပဒေတြားအောႏ။
Comment Lists