ဆဒါင် ကပုစီင်တီ အီဂေါည် ခနား မာဝ်းဓံင်း ကာည်း ဆဘော ဘံန်ဟောည်ႇဓီရ်ဘြဲဆား ဟည်ဘိူန်းဒေဟာဝ်းဝီရ် ဘည်အီပြီ
29 May 2024
ဆဒါင် ကပုစီင်တီ အီဂေါည် ခနား မာဝ်းဓံင်း ကာည်း ဆဘော ဘံန်ဟောည်ႇဓီရ်ဘြဲဆား ဟည်ဘိူန်းဒေဟာဝ်းဝီရ် ဘည်အီပြီမ်း
ဆန်ုမ်(2024)၊ ကျံရ်ဖံန် ၊ ဆငည်း (29)
ကုင်တအာင်း၊ အိူင်အိုမ်ယ်ုရ်၊ ကျံရ်ဖံန် ဆငည်း (27) အခိင်ခိညှာဒိူန်း ကပုစီင်တီ အီဂေါည် ခနား လှံင်မာဝ်းဓံင်း ကာည်း လှံင်ဆဘောဒီန် ဟောည်ႇခွါင်းဒါႈ ဟည်ဘိူန်းဒေဟာဝ်းဓီရ်ဘည်ဒီန်အောႏ။
ကနာည် ဆဲင်ကယ် ကာည်း ကားဒဲ့ နံင်ဘိူန်းဒေဟာဝ်းဝီရ် ကပုစီင်တီပ်ုန်ရေဲန်အူန်း အူဓံင်အူခါဝ်ဒီန် ယာမ်မိုႈ ကျံရ်ဖံန် ဆငည်း(26)ဒိူန်း ဂေါႇဘြည်က္လာည်းဒါင်း ပေန်အိုမ်ဒါင်း ကပုစီဓီရ်လူလှဲဝ်ဟာဝ်းအောႏ။
ဆဲႈဒီန် အီရံပ်ဇီုင်းကပ္လိုင်ကဲ ဘိအူန်း အူခါဝ်ဒါႈ ကားကာည်းဆဲင်ကယ်ကဲနီန် အာဝ်ဘိူန်းဟာဝ်းဓီရ်အောႏ။
ကပုအ်ုန်အီလုလှဲဝ်ဟာဝ်း နံင်ဆဲင်ကယ်ကာည်း ကား ဘိူန်းဒေဟာဝ်းဝီရ် ကူန်ရဝ်မာဂါင်ကဲ စီဒါပဲင်ဓီရ်ဘြဲဆားဟာဝ်း ဘည်ကဇေန်နီန် ကားကာည်းဆဲင်ကယ်မာ် ဟည်ဘိူန်းဒေဟာဝ်း ဘည်အီပြီမ်းအောႏ။
ခည်မိုႈ ကျံရ်အိုည်ဒိူန်း ဖုင်ကုမ္ပဏီကဆံရ်ႈညမာဝ်းကဲ ကနာည်း ဆဲင်ကယ် ကာည်း ကားဒဲ့ နံင်ဘိူန်းဒေဟာဝ်းဝီရ် စီရေဲန်ဒဲႈ ကပုကနာည်နံင်ဟာဝ်းဓီရ် အူဓံင်အူခါဝ်အောႏ။
#PSLF/TNLA
#တီုင်ပ္လေ;လေ;ဆဒါင်
Comment Lists