PSLF/TNLA ဖုင်တီုင်ဘြောင်ချှာင်အီရံပ်ဇီုင်းကပ္လိုင်ကဲ ကနာည်အရာပ်အရာဟိုက်ဇာရ် ရေဲန်ဟာဝ်းပါင်ကမိုန် ကတူႈကငျားတောပ် ကူန်ရဝ်မာဂါင်မိူင်းလိုင်
22 May 2024
ဆဒါင် PSLF/TNLA ဖုင်တီုင်ဘြောင်ချှာင်အီရံပ်ဇီုင်းကပ္လိုင်ကဲ ကနာည်အရာပ်အရာဟိုက်ဇာရ် ရေဲန်ဟာဝ်းပါင်ကမိုန် ကတူႈကငျားတောပ် ကူန်ရဝ်မာဂါင်မိူင်းလိုင်
ဆန်ုမ်2024၊ ကျံရ်ဖံန် ဆငည်း (21)
ကုင်တအာင်း၊ အိူင်အိုမ်ယ်ုရ်၊ လှံင်မိူင်းလိုင်၊ ပရဝ်မီင်ကိုင်း PSLF/TNLA ဖုင်တီုင်ဘြောင်ချှာင်အီရံပ်ဇီုင်းကပ္လိုင်ကဲ ကနာည်အရာပ်အရာဟိုက်ဇာရ် ရေဲန်ဟာဝ်းပါင်ကမိုန် ကတူႈကငျားတောပ် ကူန်ရဝ်မာဂါင်မိူင်းလိုင်ကဲအောႏ။
ခေဲင်ပါင်ကမိုန်ဒီန် PSLF/TNLA ဖုင်ဒံန်ခြဲတြားဥပဒေ ခူန်နာန်းက္လာင်ခူန် စီက္လာင်းဆာင်လာင်း ခေဲင်ကုင်တအာင်း အာဝ်ဘိူန်းကဇိူရ်ႈကယံင်ဂြိုခြီုင်ပ်ုန်ထုက်လေႈ ဆီုက်ဘြာန်၊ ခေဲင်လှံင် ပ်ုန်လိုတောပ် ပ်ုန်လိုဓဲႈ လံပ်ဘ္လီုက်လှူပ်တြားဥပဒေကာည်း ဆာင်လာင်းလောင်အီုင်ဂ္လံတ်၊ ဆာင်လာင်းဒါႈ ခေဲင်အရာပ်အရာ လိုကဖြောမ်ကရောမ်ဒေ ရေဲန်ဇီုင်းကာန်ကနာည်အရေးခံင်ခဝ်းနံင်ဟြာည်ကမာ်ႈ ၊ နံင်ဖီုက်လျှံင်ဟာဝ်း ဇီုင်းကာန်လောင်မျံမ် ကာည်းဇီုင်းကာန်ပ်ုန်ဟံရ်ကဲနီန်အောႏ။
ဟောည်ႇဒီန် စီက္လာင်းဒါႈ ဆာ်ကူန်ရဝ်မာဂါင်ကဲမိူဝ်ႈ ပ်ုန်ဆိင်ဆမွံတ် ပ်ုန်လိုနံပ် ဇီုင်းကာန်ပ်ုန်ရေဲန်ယဲ ဘိူန်းအူန်း ဆမွံတ်က္လာင်းဟာဝ်းအောႏ။
ပါင်ကတူႈကငျားဒီန် တားဘြောင်ချှာင်ရဝ်၊ ကူန်ရဝ်မာဂါင် အီဂေါည် ခေဲင်ခမိုရဝ် (4)ခမို ၊ အီရံပ်ဇီုင်းကပ္လိုင်ဖုင်ကာန်မျံမ် ကာည်း ဖုင်တာင်တိုးမျံမ်ကဲ ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists