ဆဒါင် ပလှံင်အေဲမ်ခြီရ် ကနာည်နံင်ဂေါည်ယေန်ချှီႇတခိူည် PSLF/TNLA ဖုင်တီုင်ဘြောင်ကဲ ရေဲန်ပါင်ကမိုန်ကတူႈကငျားတောပ် တားဇံင်ဘြောင်ချှာင်
16 May 2024
ဆဒါင် ပလှံင်အေဲမ်ခြီရ် ကနာည်နံင်ဂေါည်ယေန်ချှီႇတခိူည် PSLF/TNLA ဖုင်တီုင်ဘြောင်ချှာင်အီရံပ်ဇီုင်းကပ္လိုင်ကဲ ရေဲန်ပါင်ကမိုန်ကတူႈကငျားတောပ် တားဇံင်ဘြောင်ချှာင်
ဆန်ုမ်2024၊ ကျံရ်ဖံန် ဆငည်း (16)
ကုင်တအာင်း၊ အိူင်အေဲမ်ခြီရ်၊ ပလှံင်အေဲမ်ခြီရ် ကနာည်နံင်ဂေါည်ယေန်တခိူည် PSLF/TNLA ဖုင်တီုင်ဘြောင်ချှာင်အီရံပ်ဇီုင်းကပ္လိုင်ကဲ ဟာဝ်းရေဲန်ပါင်ကမိုန်ကတူႈကငျားတောပ် တားဇံင်ဘြောင်ချှာင်ကဲအောႏ။
ပါင်ကတူႈကငျားဒီန် ကဲရေဲန်ဟာဝ်း မဓှါင်းဒါင်းလှံင်အေဲမ်ခြီရ် အ်ုန်အီမိုႈ PSLF/TNLA တားလှံင် ခူန်နာန်းဒါင်း တားတော်င်တာန်း ဟိုက်က္လာင်းဟာဝ်းကြောႈတံမ်းအောႏ။
ဘံန်ဟောည်ႇဒီန် တီုင်အိုမ်ဘြည်ကတာည်း တားတီုင်အွံရ် ခူန်နာန်းဒါင်း အေဲမ့်ချိုက် ကဘ္လာင်းဆာင်လာင် ဒါႈ ကနာည်နံင်ဒံန်ခြဲဟာဝ်း တိုဆံက်ဘူဟြာည်ကမာ်ႈ၊ ဆာ်မိူဝ်ႈဒေဲႈပျဆနာလောင်ကတာည်းကဲနီန် ဘိူန်းအူန်းဟြာင်တဖုင်ယဲ ကာည်း ဆာင်လာင်ဟာဝ်းနံင်ကူန်ရဝ်မာဂါင်ကဲနံပ် လောင်ဥပဒေ တီုင်အိုမ်ဘြည်ကတာည်းအောႏ။
ဆဲႈဒီန် ပလှံင်အေဲမ်ခြီရ် ဖုင်ဆာယာတခိူည် ခူန်နာန်းဒါင်း ခြိူဝ်းဆငါးမာ် ကနာည် လှံင်၊ ဇံင် နံင်ကံပ်ဂေါည်ယေန်ချှီႇတခိူည် စီဆာင်လာင်းဟာဝ်း ဘည်လိုတောပ်ရေဲန်ဇီုင်းကာန်ဘည်ဒီန်အောႏ။
ဟောည်ႇဒီန် တားလှံင်၊ တားဇံင်ဘြောင်ချှာင်အီဟိုက်ရောတ်ဒေဲႈမာ် ဆမွံတ်ဟာဝ်းပ်ုန်ဆိင်နံပ် စီကမိုန်က္လာင်းဒဲႈဟာဝ်း ခံင်ကျခံင်လ ဘည်နံင်လိုရေဲန် ကနာည်ကုင်လှံင်နံင်ဂေါည်ယေန်ချှီႇတခိူည် ကာည်း ကနာည်နံင်ဟိုက်ဇိုက်ဇာရ်အောႏ။
ပလှံင်အေဲမ်ခြီရ် နံင်ကံပ်ဂေါည်ယေန်ချှီႇတခိူည်ဒါႇအာည်ႇနီန် ကာည်း ကနာည်လှံင်နံင်ဓီရ်ကပါ်ႇကပံန် တားလှံင် ကာည်း တားဇံင်ဘြောင်ချှာင်ကဲ စီဘ္လံက်ဒါႈ နံင်ရေဲန်ဟာဝ်း ပါင်ကမိုန်ကတူႈကငျား (15)ဆငည်း အူလိူဝ်ႈအောႏ။
ပါင်ကတူႈကငျာဒီန် တားဇံင်ဘြောင်ချှာင်လှံင်အေဲမ်ခြီရ် ကာည်း PSLF/TNLA အီးရံပ်ဇီုင်းကပ္လိုင် ကစုကပိုမ် (27)အီး ဟိုက်ရောတ်ဒေဲႈအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists