ဆဒါင် ပလှံင်အေဲမ်ကိုက် ပေန်ဟာဝ်း ကားကာည်းဆဲင်ကယ်ကဒူႈ ကညာအီကောႈဆဲင်ကယ်ယံမ်း
16 May 2024
ဆဒါင် ပလှံင်အေဲမ်ကိုက် ပေန်ဟာဝ်း ကားကာည်းဆဲင်ကယ်ကဒူႈ ကညာအီကောႈဆဲင်ကယ်ယံမ်း
ဆန်ုမ်2024၊ ကျံရ်ဖံန် ဆငည်း (15)
ကုင်တအာင်း၊ အိူင်အိုမ်ခြိုင်၊ ကျံရ်ဖံန် ဆငည်း (13)အခိင် ခိင် (930)မနေဲန်ဒိူန်း ပလှံင်အေဲမ်ကိုက်၊ တေဲင်ရဝ်နံမ်ကူတ် ပရူခင်းသာတောင် ပေန်ဟာဝ်း ကား ကာည်း ဆဲင်ကယ်ကဒူႈ အီမိုႈ ကညာအီကောႈဆဲင်ကယ်ဒီး ယံမ်းဟာဝ်းပွံတ်အောႏ။
ကညာအီကောႈဆဲင်ကယ်ဒီန် အ်ုန်ယိူဝ်ႇရဝ်နံမ်ခဲင် ဟိုက်ကဒါႇလှံင်အေဲမ်ကိုက် အခိင်အ်ုန်ရောတ်ပရူခင်းသာ အ်ုန်စီခလောႈကားအီတာင်ကူမ် အ်ုန်စီညာဒေဒူႈ ကားအီကောႈဒေဲႈနှာအာည်ႇအောႏ။
ဘံန်ဟောည်ႇဘာည်းဒီန် ကညာဆဲင်ကယ်အီကတူႈဆဝ်းဒါင်းဒီန် စီတိုန်းဟိုက်ပဂါင်ဆနံမ် ပလှံင်အေဲမ်ကိုက် အခိင်ရောတ်ပဂါင်ဆနံမ် အ်ုန်ယံမ်းဟာဝ်းပွံတ်အောႏ။
ကညာဆဲင်ကယ်အီယံမ်းဟာဝ်းဒီန် တားဆဲင်နဲ အဆာက် (39)ဆန်ုမ် အ်ုန်မိုႈ တိုအီးရဝ် ရဝ်နံမ်ခဲင်အောႏ။
ဆဲႈဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA တီုင်ဒံန်ခြဲတြားဥပဒေကဲ တိုည်းအူန်းအီမိုႈ ကညာကား နံင်စဲတ်ဆေးလာည်းဟာဝ်းအရေးတအ်ုန်အောႏ။
ကျံရ်ဖံန် ဆငည်း (10)ဒိူန်း ပေန်ဆဲင်ကယ် ကာည်း ကြာႇ ကဒူႈ တပြော(ဂေါက်ကွင်း) ရအာည်ႇဒီတီႇဆ်ုမ်လိုင်း အ်ုန်အီမိုႈ ကညာဆဲင်ကယ်ယံမ်းဟာဝ်းပွံတ် ကာည်း အာရ်အီး ကတူႈဖေဆဝ်းအောႏ။
ပ်ုန်ထုက်ပြံတ်အူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်တီုင်ဘြောင်ချှာင်ကဲ ဘည်လိူည် လောင်ခေါြပာႇဒေင်၊ခေါြပာႇကား ဆာ်ဘူမိူဝ်ႈအီတောပ်ခေါြပာႇ နံင်တိူဝ်ႈလာည်းအရေးတောပ် လိူည်ဘည်ဥပဒေ။ ကူန်ရဝ်မာဂါင်ကဲမာ် နံင်ကံပ်ဘူမိူဝ်ႈအီကတူႈဖေဆဝ်း တောန်အီးလောင်ဘဆတိကားကာည်းဆဲင်ကယ်ကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists