ဆဒါင် ဂေါႇတီႇမဴင် ကာည်း ဂြူခ္လိူဝ်းဆီုက်ကဲ ခေဲင်အာရ်နှား ကူန်ရဝ်မာဂါင် အီယံမ်းဂေါည် (5)အီး၊ (7)အီး ကတူႈဖေဆဝ်း
16 May 2024
ဆဒါင် ဂေါႇတီႇမဴင် ကာည်း ဂြူခ္လိူဝ်းဆီုက်ကဲ ခေဲင်အာရ်နှား ကူန်ရဝ်မာဂါင် အီယံမ်းဂေါည် (5)အီး၊ (7)အီး ကတူႈဖေဆဝ်း
ဆန်ုမ်2024၊ ကျံရ်ဖံန် ဆငည်း (15)
ကုင်တအာင်း၊ ကျံရ်ဖံန် ပလှံင်ရူကော၊ လှံင်အေဲမ်ကိုက် ကာည်း လှံင်လာဆေဝ်း ဂေါႇတီႇမဴင် ကာည်း ဂြူခ္လိူဝ်းဆီုက်ကဲ ခေဲင်အာရ်နှား ကူန်ရဝ်မာဂါင် အီယံမ်း (5)အီး၊ (7)အီး ကတူႈဟာဝ်းဖေဆဝ်းအောႏ။
ဘည်မိုႈဘည်ဘာည်းမိုႈ ကျံရ်ဖံန် ဆငည်း (12)ဒိူန်း ပလှံင်အေဲမ်ကိုက် ပနံမ်ဖဲတ်ကာ ကောန်ဒဲ့ (5)အီး ကဲစီတိူဝ်ႈဒေကနိုက် မဴင်အီညှံမ်ပဒူႈအူပိုင်း မဴင်စီပဒူႈလံက် (1)အီးယံမ်း၊ (4)အီး ကတူႈဟာဝ်းဖေဆဝ်း ခေဲင်ဒီန် (2)အီး ကတူႈဆဝ်းဒါင်းအောႏ။
ဆဲႈဒီန် လှံင်လာဆေဝ် ရဝ်မိူင်းစဲတ် ခည်မိုႈ ကျံရ် (2)ဒိူန်း စဝ်ဆာင်အူပါး ကာည်း ကောန်အီမာည်းအူအီး အခိင်ဂါရ်ဇိုက်အူတ်ခေဲင်ရဝ် စီညာဒေညဲ့မဴင် ဂါရ်(2)အီး ယံမ်းဟာဝ်းပွံတ်အောႏ။
မိုႈဘိုး ပရဝ်မယ်ဟာန် ကောန်အီမာည်းအူအီး အခိင်အ်ုန်ဟာဝ်းတိုက်ကဆာႈ ဟြာည်ကမာ်ႈဘိုန်းအူကျံရ် ရောတ် ကျံရ်ဖံန် ဆငည်း (9) စီဟာဝ်းတီပ်ဟြီုက် စီယိူဝ်းတိုပိုင်းညဲ့မဴင် ယံမ်းအူန်းဘည်ဒီန်အောႏ။
ကျံရ်ဖံန် ဆငည်း (6)ဒိူန်း ပလှံင်ဆဲင်ဝီ ရဝ်ကော်င်းဟော် အီမာည်း (2)အီး အခိင်ဂါရ်ရေဲန်ဆပယ်ဆငါး ပကျောင်စဝ်ကက်သလီတ် စီညာဒေညဲ့မဴင် အူအီးယံမ်းဟာဝ်းပွံတ်ကာည်း အူအီးကတူႈဟာဝ်း ဖေဆဝ်းအောႏ။
ခည်မိုႈ ကျံရ်ဖံန် ဆငည်း (1)ဒိူန်း ပလှံင်ရူကော ရဝ်ဇုင်ဇဒီန် အီမာည်း (2)အီး အီဟာဝ်းပဒူ;မဴင်ကား ဂေါႇမိုႈ မဴင်ပ်ုန်ဒိူည်းဒေဲႈကာည်းပဒူႈ ဂါရ်ကတူႈဟာဝ်းဖေဆဝ်းဒါင်းအောႏ။
ဆာမိူဝ်ႈအီယိူဝ်း မဴင်ကာည်း ကတီုက်ကပဲင်ဂြိုခ္လိူဝ်းဆီုက် ကနာည်နံင်ဆာင်လာင်း လိုဒဲႈဆဒါင် တတံပ်အွံရ်ပ်ုန်လောတ်ကပီုန်တအာင်း PSLF/TNLAကဲအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists