ဆဒါင် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဆီုက် ခူန်ချု တားဟိူဝ်ပ္လါင် ရေဲန်ပါင်ကမိုန် ဟာဝ်းကတူႈကငျားတောပ် ကူန်ရဝ်မာဂါင် ကနာည်နံင်နံပ် ဘည်ဘာည်း ပလှံင်အေဲမ်ကိုက်
09 May 2024
ဆဒါင် တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဆီုက် ခူန်ချု တားဟိူဝ်ပ္လါင် ရေဲန်ပါင်ကမိုန် ဟာဝ်းကတူႈကငျားတောပ် ကူန်ရဝ်မာဂါင် ကနာည်နံင်နံပ် ဘည်ဘာည်း ပလှံင်အေဲမ်ကိုက်
ဆန်ုမ်2024၊ ကျံရ်ဖံန် ဆငည်း (6)
ကုင်တအာင်း၊ အိူင်အိုမ်ခြိုင်၊ ခည်မိုႈ ကျံရ်ဖံန် ဆငည်း (4)ဒိူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA တားတီုင်အွံရ်ဆီုက် ခူန်ချုတားဟိူဝ်ပ္လါင် ရေဲန်ဟာဝ်းပါင်ကတူ;ကငျားတောပ် ကူန်ရဝ်မာဂါင် ပလှံင်အေဲမ်ကိုက်အောႏ။
ပါင်ကတူႈကငျားဒီန် ကဲဇူ;ရေဲန်ဟာဝ်း အခိင်(9)နြီ အ်ုန်အီမိုႈ တားတီုင်အွံရ်ဆီုက် ခူန်ချု တားဟိူဝ်ပ္လါင် စီက္လာင်းဟာဝ်းကြောႈတံမ်းဒါႈ” ကနာည်နံင်အယ်ဘယ်ဒေလောတ်ဒါႇ ပ်ုန်ထီပ်ပ်ုန်ညဲ့ ဆီုက်အာဏာဆျှီန်ကဲ၊ အယ်လိုတိူဝ်ႈကနှေဲႈ ကောန်ဆီုက်ဂဲအီကရော;လာည်းယံင်နှာမ်းအဆာက် တီုက် အယ်ဘယ်ဒေဆီမ်း လှံင်(7)လှံင်နီန်အောႏ။
“အယ်ဘိူန်းအယ်ဆီမ်း လှံင်အေဲမ်ကိုက်နီ ဂေါ,မိုႈ အယ်ဘိူန်းအယ်ဒါး ရဲင်ဘ္လောမ်ပ်ုန်ကဇောည် ကူန်ရဝ်မာဂါင်ကဲအ်ုန်မိူဝ်ႈ အကျိုးဒါင်းပွံတ်ခည်း။ ကနာည်ကူန်ရဝ်မာဂါင်ကဲ နံင်ဘိူန်းဒေဂေါည်ချှီႇ ယဲနံင်ရီန်းရဲတ်ဒေရေဲန်ဟာဝ်း လောင်လံပ်အရေးခံင်မဝ်း နံင်ဟြာည်ကမာ်ႈ ပလှံင်အေဲမ်ကိုက်အောႏ။
ပါင်ကတူ;ကငျားဒီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ခူန်ချု တားဟိူဝ်ပ္လါင် ကာည်း ခူန်အွံရ်ချုဂဲ၊ ခူန်/ဓါင်ခူန်၊ ထုင်မှိူမ် ကာည်းဘေဲ,ဘာန်း၊ ဖုင်တီုင်ကောန်အီပ်ုန်၊ တာဘြောင်ချှာင်ရဝ် ကာည်း ကူန်ရဝ်မာဂါင်ကဲ ကစုကပိုမ်ဂေါည်( 300)အီးလေ; ဟိုက်ရောတ်ဒေဲႈအောႏ။
ဟောည်,ဒီန် ကူန်ရဝ်မာဂါင်ကဲအီးဟိုက်ရောတ်ဒေဲ;မာ် ဆမွံတ်ဟာဝ်းပ်ုန်ဆိင်နံပ် ဘည်ဘြောင်ချှာင်ဆနီတ် ခေဲင်လှံင်အေဲမ်ကိုက်၊ ၊ ဘည်တီုင်ဒံန်ခြဲအိုမ်ဘြည်ကတာည်း၊ ခေါပြာႇဘည်ကဲပ်ဆီုက်၊ ကနာည်နံင်ဘယ် ဆာင်လာင်းဒဲႈမဴင်ကဲဒီန် ဘံန်ဒီန် တားဟိူဝ်ပ္လါင် စီဓီရ်ကဘ္လာင်းဟာဝ်း ပ်ုန်ဆမွံတ်ကူန်ရဝ်မာဂါင်ကဲ ရောတ် ကဒည်ဆငည်း (12)နြီ ဟောည်ႇဟာဝ်း ပါင်ကတူႈကငျားနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists