ဆဒါင် ဖုင်ပနောဘေဲႇတအာင်း TLTA ကဲ ရေဲန်ဟာဝ်းပ္လေါည်ပ္လိုတ်ႎါင်ပနောဘေဲႇလူမ်တအာင်း ပရဝ်ဆဲင်ႏတာ်င်ႏ
06 May 2024
ဆဒါင် ဖုင်ပနောဘေဲႇတအာင်း TLTA ကဲ ရေဲန်ဟာဝ်းပ္လေါည်ပ္လိုတ်ႎါင်ပနောဘေဲႇလူမ်တအာင်း ပရဝ်ဆဲင်ႏတာ်င်ႏ
ဆန်ုမ်2024၊ ကျံရ်ဖံန် ဆငည်း (6)
ကုင်တအာင်း၊ လှံင်အေဲမ်ခြီရ် ၊ ကျံရ်ဖံန် ဆငည်း (3)ဒိူန်း ဖုင်ပနောဘေဲႇတအာင်း TLTA ကဲ ရေဲန်ဟာဝ်း ပ္လေါည်ပ္လိုတ်ႎါင်ပနောဘေဲႇလူမ်တအာင်း ပရဝ်ဆဲင်ႏတာ်င်ႏအောႏ။
ပ္လေါည်ပ္လိုတ်ႎါင်ပနောဒီန် ကဲဇူႈ အခိင်ခိညှာ (9)နြီ ရောတ် (12)နြီ အီဟိုက်ရောတ်မိုႈ တားဂေါင်ႎည်း၊ အီအူပ်ကျောင်အနုပိင်ငျာတအာင်း-TAA ခူန်နာန်းဒါင်း အိုမ်ဆငါး၊ အီအွံရ်ႎါင်ပနောဖုင်-TLP တားဆြာဂါင်ဒိုင်း၊ အီအွံရ်ဖုင်ပနောဘေဲႇတအာင်း-TLTA တားဆြာနောႈဇာရ်၊ ကာ်မ်မတီခမို၊ တားဘြောင်ရဝ်၊ ကူန်ရဝ်မာဂါင်၊ တားဆြာ/ယား ၊ ကောန်ႎါင်ပနော ကစုကပိုမ်ဂေါည် (120)အီးဟိုက်ရောတ်ဒေဲႈအောႏ။
က်ုန်မိုႈပ်ုန်ပနောဒဲႈ တကောန်ကျောင်ကဲ ဇိုခိင်ႎါင်ပနောအူကျံရ်လေႈနီန် ပနောဟာဝ်း မူဘ္လံက်ရဇံင်း (10)ချာက်၊ ပနောဟာဝ်းလှေင် (45)ဆငည်း။ ကဲဇူႈ ကျံရ်အိုည် ဆငည်း (21) ရောတ် ကျံရ်ဖံန် ဆငည်း (3)ဒိူန်း ဟောည်ႇဟာဝ်းႎါင်ပနောဒီန်အောႏ။
ခေဲင်ဆန်ုမ် 2024နီန် ဖုင်ပနောဘေဲႇလူမ်တအာင်း- TLTAဂဲ ဟောည်ႇဘယ်ဒေႎိူဝ်ႈဟာဝ်း ႎါင်ပနော ပလှံင်အေဲမ်ခြီရ် ခေဲင်ရဝ် (5)ရဝ်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists