ဆဒါင် ဘ္လချဒဲ;တာမ်အီုင်ဂ္လံတ် တကောန်ဆီုက် အီဇိူရ်;ဒေတျံင် ဘီယာပ်ုန်ထူက်လေ;ဆီုက်ဘြာန်
03 May 2024
ဆဒါင် ဘ္လချဒဲ;တာမ်အီုင်ဂ္လံတ် တကောန်ဆီုက် အီဇိူရ်;ဒေတျံင် ဘီယာပ်ုန်ထူက်လေ;ဆီုက်ဘြာန်
ဆန်ုမ် 2024၊ ကျံရ်ဖံန် ဆငည်း (2)
ကုင်တအာင်း၊ ပ်ုန်ပ္လခါန်အူန်း တံပ်အွံရ်ပ်ုန်လောတ်ကပီုန်တအာင်း PSLF/TNLA ဂဲ ဘ္လချဒဲ;ဟာဝ်းတာမ်အီုင်ဂ္လံတ် တကောန်ဆီုက် အီဇိူရ်;တျံင် ဘီယာပ်ုန်ထူက်လေ;ဆီုက်ဘြာန် ဒီပ္လေါည်ရေဲန်ဆငည်းကိူတ်အူဒီအောႏ။
ဆန်ုမ် 2021 ဘံန်ဟောည်,ဆီမ်းဆီုက်ဘြာန်ဂဲတကုင်လှံင် ကနာည်ဆီုက်ဘြာန်ဂဲနံင်ဇော;ချှူမ်း စီဘိ လံပ်လည်လာ,အီအရေးဒါင်း ကာည်း ဒီလီပ်ရိူန်းခြီရ်ကဲနီန် PSLF/TNLA စီကယေင်ဒါ; အာဝ်ဘိူန်းဇိူရ်;ဟောမ် ဂြိုခြီုင်ပ်ုန်ထူက်လေ; ဆီုက်ဘြာန်ဂဲအောႏ။
ခည်မို; ဆန်ုမ် 2021 ကျံရ်တောရ် ဆငည်း(15)ဒိူန်း PSLF/TNLA စီထူက်ပြံတ်လေ;ပ္လါ,ဘေဲ,ဒါ; အာဝ်ဘိူန်းကဇိူရ်;ဟောမ်ဂြိုပ်ုန်ထူက်လေ;ဆီုက်ဘြာန်ဂဲ။ တောပ်လိူည်ဘည်ပ္လါ,ဘေဲ,ဒီန် ဆာ်ယိူဝ်းအီယံင်း ပ်ုန်ပ္လခါန်အူန်ဒီန် နံင်ဒဲ;ဟာဝ်းဆတိတောန်လိူဝ်; ဆာ်ယိူဝ်းပ်ုန်ထူက်လေ;ဒီန် နံင်လူလှဲဝ်ပွံတ် ရအာည်,ကညားအီယံင်းဆဲင်အောႏ။
ဆဲ;ဒီန် ဂဲအီးဒဲ;ဘ္လောမ် ရိူန်းလီပ်တဆီုက်ဘြာန် အီဇိူရ်;ဂြိုပ်ုန်ထူက်လေ;ဘြာန် တောပ်လိူည်ဘည်ထူက်ပြံတ်လေ;ပ္လါ,ဘေဲ, PSLF/TNLA နံင်တိူဝ်;လာည်းဟာဝ်းအရေးတဂဲအောႏ။
ခည်မို; ကျံရ်ဖံန် ဆငည်း (2)ဒိူန်း ကောန်ဆီုက် အီဇိူရ်;ဒေတျံင် ပ်ုန်ပ္လခါန်အူန်း ဘီယာပ်ုန်ထူက်လေ;ဘြာန် နံင်ဒဲ;ဟာဝ်း တာမ်အီုင်ဂ္လံတ် ငါ်; (10)ကဆာ,၊ ရေဲန်ဇီုင်းကျံမ်း (1)ကျံရ် ကာည်း ဒီဂီုန်းပဂါင်ဆနံမ်း၊ ဆပယ်ဆငါးပကျောင်စဝ်ကဲဒီန်အောႏ။
ဆဲ;ဒီန် ပ္လိူရ်;နှဲဆတိဒါ; ဒီဘိူန်း PSLF/TNLA တဘြောင်ချှာင်ဒီလှံင် (7)နီန် ဆာ်မိူဝ်;အီယိူဝ်း ကဲအီဇိူရ်;ကယံင်းဟောမ် ဂြိုပ်ုန်ထူက်လေ;ဂဲ တောပ်ဘည်ထူက်ပြံတ်ပ္လါ,ဘေဲ,အမိင် နံင်တိူဝ်;လာည်းဟာဝ်းအရေးဒါင်းဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists