ဆဒါင် ပလှံင်အေဲမ်ကိုက် TLEC- ဂဲ ဆောအွံရ်ဒေဝိူဝ်;ဟာဝ်း ဓါင်ပနောဖီုက်လျှံင် တားဆြာ/ယားဆြာ လိူဝ်;(3)
25 April 2024
ဆဒါင် ပလှံင်အေဲမ်ကိုက် TLEC- ဂဲ ဆောအွံရ်ဒေဝိူဝ်;ဟာဝ်း ဓါင်ပနောဖီုက်လျှံင် တားဆြာ/ယားဆြာ လိူဝ်;(3)
ဆန်ုမ်2023၊ ကျံရ်ဖိုန် ဆငည်း(24)
ကုင်တအာင်း၊ အိူင်အိုမ်ခြိုင်း၊ ခည်မို; ကျံရ်ဖိုန် ဆငည်း (22)ဒိူန်း ကောင်ဆံရ်ဇီုင်းပိင်ငျာကုင်တအာင်း- TLEC ဂဲ ဆောအွံရ်ဒေဝိူဝ်;ဟာဝ်း ဓါင်ပနောဖီုက်လျှံင် တားဆြာ/ယားဆြာ လိူဝ်;(3) ပလှံင်အေဲမ်ကိုက်အောႏ။
ဓါင်ပနောဖီုက်လျှံင်ဒီန် PSLF/TNLA တားအိူင်အိုမ်ခြိုင်း၊ တားလှံင်၊ တားပလိက်၊ ဖုင်ဘေဲ,ဘာန်းကာည်းထုင်မှိူမ်တအာင်း၊ ဖုင်ပိင်ငျာတောန်ကဒါ, ၊ တားဆြာ/ယားဆြာ ကာည်း ကောန်ကျောင် ကပိုမ် (300)အီး ဟိုက်ရောတ်ဒေဲ;အောႏ။
ဓါင်ပနောခေဲင်ဘြည် (30) ဆငည်းနီန် နံင်ပနောဒဲ;ဒို, တောန်ကဒါ, တကောန်ကျောင်ဂဲ (200)အီး ကာည်း နံင်ပနောဒဲ;တောန်မျိုး တတားဆြာ/ယားဆြာ အီလီပ် CDMဂဲအောႏ။
အီရံပ်ဇီုင်းကပ္လိုင် TLECအူအီးစီက္လာင်းဒါ;” တားဆြာ/ယားဆြာအီဟိုက်ဓါင်ပနောကဲနီန် ဆန်ုမ်နံင်ဒေဲ; 2024-2025 နံင်ဒဲ;ဂဲထာမ်းဇီုင်း ခေဲင်ကုင်တအာင်း တောန်အရာပ်အရာကဲဒီန်အောႏ။
” ပ်ုန်အာန်းမို; ဒီပနောဘေဲ,ကဲနီန် နံင်ကံပ်ဇော;လကတီးကရီး၊ ကနာည်နံင်ဘယ်ဒေပနောကတီးကရီး ကာည်း နံင်ပနောငှိူည် စီပဲန်ဒေဝိူဝ်;ဟာဝ်း ဓါင်ပနောဖီုက်လျှံင်နီန်အောႏ။
တားဆြာ/ယားဆြာ အီဟိုက်ဓါင်ပနောကဲနီန်မို; အီပနောတာန်း ချှံန်ခါန်းဒဲ့၊ ချှံန်ခါန်းဇာရ် ဂဲဂေါည် လှံင်အေဲမ်ကိုက်၊ လှံင်နံမ်ဖဲတ်ကာ၊ လှံင်အေဲမ်ခြီရ်၊ (105)လှံက်အောႏ။
ဆာ်မို; ဓါင်ပနောဖီုက်လျှံင် တားဆြာ/ယားဆြာ TLECနီန် ဒီဘိူန်း TNLA တဘြောင်ချှာင် ဂဲဝိူဝ်;ဟာဝ်းအူန်းဓါင်ပနော ဒါ,လှံင်အေဲမ်ကိုက်၊ မို;ဘိုး ခေဲင်လှံင်အေဲမ်ခြီရ်၊ ၊ လှံင်အိုမ်ယ်ုရ်၊ လှံင်အိုမ်ငျံရ်၊ လှံင်ရူကောကာည်း လှံင်မိူင်းလိုင်ကဲနီန်အောႏ။
ခည်မို; ကျံရ်အိုည် ဆငည်း (9)ဒိူန်း ကောင်ဆံရ်ဇီုင်းပိင်ငျာကုင်တအာင်း-TLECဂဲ ထုက်ပြံတ်လေ;ဒါ; ဆန်ုမ်နံင်ဒေဲ; 2024-2025 ခေဲင်ကုင်တအာင်းအယ် နှာင်းကတာရ်;ဒေဝိူဝ်;ဟာဝ်း ကျောင်ပနောဘေဲ, (500)ကျောင်လေ;အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists