ဆဒါင် ဘည်ဟောည်,ဘြောင်ချှာင် တံပ်နာန်းတအာင်း TNLA တလှံင်ကုင်ငေါဒီန် အီကဇိူရ်;ကယံင်းဒါခံင်မဝ်း ကာယိူဝ်ယာ့် (90) ခေဲင်ပယာ;
25 April 2024
ဆဒါင် ဘည်ဟောည်,ဘြောင်ချှာင် တံပ်နာန်းတအာင်း TNLA တလှံင်ကုင်ငေါဒီန် အီကဇိူရ်;ကယံင်းဒါခံင်မဝ်း ကာယိူဝ်ယာ့် (90) ခေဲင်ပယာ;
ဆန်ုမ်2024၊ ကျံရ်ဖိုန် ဆငည်း
ကုင်တအာင်း၊ အိူင်အိုမ်ယ်ုရ်၊ ဘည်ဟောည်,ဘြောင်ချှာင် တံပ်နာန်းတအာင်း TNLA တလှံင်ကုင်ငေါဒီန် အီကဇိူရ်;ကယံင်းဒါခံင်မဝ်း ကာယိူဝ်ယာ့် (90) ခေဲင်ပယာ; အောႏ။
တားဇံင်ဘြောင်ချှာင် အူအီး စီက္လာင်းဒါ;” ဘံန်ဟောည်,ဘိူန်း တံပ်နာန်းတအာင်း TNLA တဘြောင်ချှာင် ခေဲင်(2)ကျံရ်နီန် အီကဇိူရ်;ကယံင်းခံင်မဝ်း ကာည်း အီဒါခံင်မဝ်းကဲနီး ကာယိူဝ်ယာ့် ထာန် 90 ခေဲင်ပယာ;အောႏ။
" ဆာ်မို; ကဇေန်နီန် ခေဲင်လှံင်ကုင်ငေါ ဘူယိူဝ်ယာ့်တငါဝ်း လောင်ဆဒါင်ခံင်မဝ်း၊ ဆာ်ယိူဝ်တငါဝ်း ဆဒါင်ခေဲင်ကုင်မာ် တံပ်နာန်းတအာင်း TNLAဂဲ ဟာဝ်းစေတ်မေန်း၊ တိုည်းကံမ်ဟာဝ်းပွံတ် ဘူကံပ်ယိူဝ်းယာ့် ဘည်ခည်အာည်,နီန်အောႏ။
လှံင်ကုင်ငေါနီန် ခည်အာည်,နီး ဆာ်ရေဲန် ပ္လေါည်ဖြား ကာည်း ပ္လေါည်ထုင်မှိူမ်တအာင်း မို;ဒို, ဂဲအီဝိူဝ်;ဆဲင် အရေးခံင်မဝ်း ဒါ,ဒီန် ဝိူဝ်;ဘိုး ဆဲင်လောင်ကတော်ကဲနီန်အောႏ။
"ခည်အာည်,နီန် ဆာ်မိူဝ်;ပ္လေါည်ကဲနီန်မာ် တိုအီးဒါခံင်မဝ်း ကာည်း လောင်ကတော် ဘူတော,အူဘိူန်း အာဝ်မိူဝ်;မ အီတိူဝ်;လာည်းအရေးတေဲင်ကဲဒီန်"အောႏ။
ခည်မို; ကျံရ်အိုည်ဒိူန်း တိုအီးဒံန်ခြဲလှံင်ကုင်ငေါ ကာည်း ဖုင်ဒံန်ခြဲတြားဥပဒဂဲ ဘိူန်းဒေတိုည်း တိုအီးကဇိူရ်;ကယံင်းခံင်မဝ်း ခေဲင်လှံင်မိူင်းငေါ (5)အီး နံင်တိူဝ်;လာည်းဟာဝ်းအရေးတဂဲ တောပ်လိူည်ဘည်ဥပဒေတီုက်ယာ;အရေးခံင်မံဝ်းအောႏ။
တားပလိက်လှံင်ကုင်ငေါ အူအီး စီဒါ;” ပ်ုန်ဘိူန်းဒေတိုည်း တိုအီးဒါခံင်မဝ်း ဂဲ(5)အီးကဲဒီန် ဆာ်ဟောည်,ဘြဲဆားဒဲ;အကျံင် ခေဲင် (3)ကျံရ်နီန် ဓါည်နီး နံင်ဂဲဘူဒါခံင်မဝ်း စီဒဲ;ဂဲဂြီရ်;ရောတ်တည်း ဘံန်ဟောည်,ဒီန် စီနံင်ပ္လေ;ဓီရ်ဂဲအောႏ။
ပ်ုန်ဘြောင်ချှာင် တံပ်နာန်းတအာင်း TNLA ဒါ,လှံင်ကုင်ငေါ၊ လှံင်အေဲမ်ခြီရ်၊ လှံင်အေဲမ်ကိုက်၊ လှံင်အိုမ်ငျံရ်၊ လှံင်အိုမ်ယ်ုရ်၊ လှံင်ရူကောကဲဒီန် အီရံပ်ဇီုင်းကပ္လိုင် TNLAဂဲ နံင်ရီန်းရဲတ်ဒေတိူဝ်;လာည်းဟာဝ်းအရေး လောင်တီ,တံင်ဖိင်၊ လောင်ကဇိူရ်;ကယံင်းခံင်မဝ်း၊ လောင်ကတော်ကဲနီန်အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists