ဆဒါင် ပလှံင်ကုင်ငှေါ ဝိူဝ်;ဟာဝ်း ဓါင်ပနော ဖီုက်လျှံင် တားဆြာ/ယားဆြာ လိူဝ်;(3)
23 April 2024
ဆဒါင် ပလှံင်ကုင်ငှေါ ဝိူဝ်;ဟာဝ်း ဓါင်ပနော ဖီုက်လျှံင် တားဆြာ/ယားဆြာ လိူဝ်;(3)
ဆန်ုမ်2024၊ ကျံရ်ဖိုန် ဆငည်း (23)
ကုင်တအာင်း၊ အိူင်အိုမ်ယ်ုရ်၊ ကျံရ်ဖိုန် ဆငည်း (22) အခိင်ခိညှာ (9)နြီဒိူန်း ပလှံင်ကုင်ငှေါ ဂဲဝိူဝ်;ဟာဝ်း ဓါင်ပနောဖီုက်လျှံင် တားဆြာ/ယားဆြာ TLEC လိူဝ်; (3)အောႏ။
ပ္လေါည်ဝိူဝ်;ဓါင်ပနောဒီန် တားဇံင်ဘြောင်ချှာင်ဇီုင်းကာန်ရဝ်တာလိုင် တားဆာည်းစော်ဝူန်း စီဟိုက်ဝိူဝ်; က္လာင်းဟာဝ်းကြော;တံမ်း ဘံန်ဟောည်,ဒီန် တီုင်ဒံန်ခြဲတြားဥပဒေ မာည်းလှာညိူဝ်း ကာည်း အီရံပ်ဇီုင်းကပ္လိုင် တားဘြောင်ချှာင် လှံင်မိူင်းငှေါ မာည်းဘီရ်ခြိူဝ်းဂဲ ဟိုက်က္လာင်းကြော; ဒဲ;ဘ္လောမ် တတားဆြာ/ယားဆြာဂဲအောႏ။
ဆဲ;ဒီန် အီအွံရ် ကောင်ဆံရ်ဇီုင်းပိင်ငျာကုင်တအာင်း-TLEC ယာသီတာအေး စီက္လာင်းဒါ; လောင်ကယေင် ဝိူဝ်;ဟာဝ်း ဝါင်ပနောဖီုက်လျှံင်နီန်မို; အခိင် တားဆြာ/ယားဆြာဂဲ ပနောဒဲ;ဘေဲ, တကောန်ဒဲ့ နံင်ဂဲကံပ်ဘူမိူဝ်;ကကာ;၊ ပနောဒဲ;စံမ်ဘေဲ, တကောန်ဒဲ့ဂဲ ကာည်း ဘြဲဆားဟာဝ်းစံမ်တိုးဂဲအောႏ။
ပ်ုန်ဝိူဝ်; ဓါင်ပနောဖီုက်လျှံင် တားဆြာ/ယားဆြာ TLECနီန် ဂဲဇူ;ကျံရ်ဖိုန် ဆငည်း (22) ရောတ် ကျံရ်(5) ဆငည်း (22) နံင်ဝိူဝ်;လှေင်ဟာဝ်း (1)ကျံရ် တားဆြာ/ယား အီဟိုက်ဓါင်ပနောဂေါည် (150)အီးအောႏ။
အီဟိုက်ရောတ်ခေဲင်ဓါင်ပနောဒီန် မို; အီရံပ်ဇီုင်းခေဲင်တီုင်ဌာန ပလှံင်ကုင်ငှေါ၊ တားဇံင်ဘြောင်ချှာင်ဇီုင်းကာန်ရဝ် ၊ တားဆြာ/ယား အီပနောဒဲ; ကာည်း တားဆြာ/ယားဆြာ အီနံင်ဟိုက် ကစုကပိုမ်ပ်ုန်ဒို,ဒိုည်, ဂေါည် (200)အီး ဟိုက်ရောတ်ဒေဲ;အောႏ။
ဆာ်မို; ဓါင်ပနောဖီုက်လျှံင် တားဆြာ/ယားဆြာ TLECနီန် ဒီဘိူန်း TNLA တဘြောင်ချှာင် ဂဲဝိူဝ်;ဟာဝ်းအူန်းဓါင်ပနော ခေဲင်လှံင်အေဲမ်ခြီရ်၊ လှံင်အေဲမ်ကိုက်၊ လှံင်အိုမ်ယ်ုရ်၊ လှံင်အိုမ်ငျံရ်၊ လှံင်ရူကောကာည်း လှံင်မိူင်းလိုင်ကဲနီန်အောႏ။
ကုင်တအာင်း၊ ကျံရ်အိုည် ဆငည်း (9)ဒိူန်း ကာ်မ်မတီဇီုင်းပိင်ငျာခြိူဝ်းတအာင်း-TLECဂဲ ထုက်ပြံတ်လေ;ဒါ; ဆန်ုမ်နံင်ဒေဲ; 2024-2025 ခေဲင်ကုင်တအာင်းအယ် နှာင်းကတာရ်;ဒေဝိူဝ်;ဟာဝ်း ကျောင်ပနောဘေဲ, (500)ကျောင်လေ;အောႏ။
#PSLF/TNLA
#တီုင်ပ္လေႈလေႈဆဒါင်
Comment Lists