ဆဒါင် PSLF/TNLA ဖုင်တီုင်ဘြောင်ချှာင် ကာည်း တားဇံင်ဘြောင်ချှာင်ဂဲ ရေဲန်ဟာဝ်းပါင်ကတူ;ကငျား ပလှံင်အေဲမ်ခြီရ်
10 April 2024
ဆဒါင် PSLF/TNLA ဖုင်တီုင်ဘြောင်ချှာင် ကာည်း တားဇံင်ဘြောင်ချှာင်ဂဲ ရေဲန်ဟာဝ်းပါင်ကတူ;ကငျား ပလှံင်အေဲမ်ခြီရ်
ဆန်ုမ်2024 ၊ ကျံရ်ဖိုန် ဆငည်း (10)
ကုင်တအာင်း၊ အိူင်မာန်အော်မ်၊ လှံင်အေဲမ်ခြီရ်၊ ဆငည်းအဒိူဝ်းနီန် တံပ်အွံရ်ပ်ုန်လောတ်ကပီုန်တအာင်း PSLF/TNLA ဖုင်တီုင်ဘြောင်ချှာင် ကာည်း တားဇံင်ဘြောင်ချှာင်ဂဲ ရေဲန်ဟာဝ်းပါင်ကတူ;ကငျားအောႏ။
ပါင်ကတူ;ကငျားဒီန် ဂဲရေဲန်ဟာဝ်း ခေဲင်ဓှါင်းဒါင်းလှံင်အေဲမ်ခြီရ် ဂဲဇူ;အခိင် ခိညှာ (9:30)မနေဲတ် ကာည်း ရောတ် ကဒည်ဆငည်း (12)နြီ အ်ုန်အီမိုး တားဘားလှံင် ခူန်နာန်းဒါင်း တားတောင်တာန်း စီဟိုက်တံမ်းကြော;ဝိူဝ်;ဟာဝ်းပါင်ကမိုန်။ ဆဲ;ဒီန် တားချှာင်ဇီုင်းဘြောင်ချှာင် ခူန်နာန်း ဆကဲင် ကာည်း အ်ုန်အီလီပ် ဖုင်ဆပယ်တခိူည် တားလိုမ်ဆာန်းတီတ် ဂဲစီကမိုန်ဆာင်လာင်ဟာဝ်း ကနာည်နံင်ရော;အာပ် တားဇံင်ဘြောင်ချှာင်အောႏ။
ခေဲင်ကုင်တအာင်း ၊ ကနာည်နံင်ဒံန်ခြဲ ဇိုဇာတ်ကူန်ရဝ်မာဂါင်၊ လံပ်ပိင်ငျာ၊ လံပ်ခေါခါ,၊ လံပ်လာည်လာ,ကာည်း ဇီုင်းကာန်ဖီုက်လျံင် ဇိုဇာတ်ဘည်ဂေါည်တိုအီးကဲနီန် စီလိုရော; အီနံင်ရံပ်ဇီုင်းကာန်ကပ္လိုင် တားဇံင်ဘြောင်ချှာင်လှံင် ခမိုရဝ်ကဲဒီန် ခေဲင်ရော;နီန် ဒဲ;အ်ုန်မို; အီမိူဝ်;နော; ကာည်း နံင်အီးကံပ်ရံက်ရို; နံင်ရော;အာပ်ဒဲ;ဟာဝ်း တားဘြောင်ချှာင် ခေဲင်လှံင်၊ ခေဲင်ဇံင်၊ ခေဲင်ခမိုရဝ်ကဲနီန်အောႏ။
ဘံန်ဟောည်,ဒီန် တားဘားလှံင် ခူန်းနာန်းဒါင်း တားတောင်တာန်း စီကဘ္လာင်းဆာင်လာင် တတားဇံင်ဘြောင်ချှာင်ကဲနံပ် ဘည်လိူည် ခေဲင်လှံင်အေဲမ်ခြီရ် ကနာည်ယန္တယာဇံင်ဘြောင်ချှာင်၊ ကနာည်နံင်ဓီရ်ပြိူဝ်;လှံင် ကာည်း ကနာည်ကုင်လှံင်ကံပ်ဆာယာချှီ,တခိူည်ကဲနီန် စီဒါ; တတားဇံင်ဘြောင်ချှာင်ဂဲ ပယ်မိူဝ်;ဇီုင်းကာန် လိုတိူရ်;မေန် ၊ က္လာင်းဟာဝ်း လောင်ဆာင်လာင် အိုမ်ရောင်၊ လောင်တော;ဆာင်လာင်ဓီရ်ရူပ်ဘြည်၊ လောင်ဆာင်လာင်ညိူဝ်၊ လောင်ဓီရ်ဆားဘြဲဒေင် အီလူလှဲဝ်ကဲနီန်အောႏ။
ခေဲင်ပါင်ကတူ;ကငျားဒီန် တာဇံင်ဘြောင်ချှာင် ကာည်း အီရံပ်ဇီုင်းကပ္လိုင် PSLF/TNLAဂဲ ကစုကပိုမ် တိုအီး(30)အီးလေ; ဟိုက်ရောတ်ဒေဲ;အောႏ။
#PSLF/TNLA
#တီုင်ပ္လေႈလေႈဆဒါင်
#အရာပ်အရာ
Comment Lists