10 April 2024

ဆဒါင် PSLF/TNLA ဖုင်တီုင်ဘြောင်ချှာင်ဂဲ ရေဲန်ဟာဝ်းပါင်ကမိုန်ကတူ;ကငျာ  တောပ် ကူန်ရဝ်မာဂါင် ပလှံင်ကုင်ငှေါ

ဆန်ုမ်2024၊ ကျံရ်ဖိုန် ဆငည်း (9)

     ကုင်တအာင်း၊ အိူင်အိုမ်ယ်ုရ်၊ ခည်မို; ကျံရ်ဖိုန် ဆငည်း (7) အခိင်ခိင်ညှာဒိူန်း PSLF/TNLA ဖုင်တီုင်ဘြောင်ချှာင်ဂဲ ​ရေဲန်ဟာဝ်းပါင်ကမိုန်ကတူ;ကငျား တောပ် ကူန်ရဝ်မာဂါင် ပလှံင်ကုင်ငှေါအောႏ။

     ပါင်ကတူ;ကငျာဒီန် တားလှံင်ပလိက် ခူန်နာန်းဒါင်း လှာညိူဝ်း စီဘ္လာင်းဟာဝ်း ဇီုင်းကာန်လံပ်ဘ္လီုက်လှုပ်တြားဥပဒေ ၊ အ်ုန်အီမို; တားဘြောင်ချှာင်လှံင် ခူန်နာန်း မာည်းဘီရ်ခြိူဝ်းမာ် က္လာင်းဆာင်လာင်ဟာဝ်း ဒီဘိူန်းတဘြောင်ချှာင်ကုင်လှံင် ဘည်လိူည် လောင် ဆီုက်ဆျှံမ် SSPPဂဲ ကဲပ်ရူရ်; တေဲင်ကူန်ရဝ်မာဂါင် ကာည်း လီလာကဲပ်ဆီုက်ကမာည်း ဆမွံတ်ဟာဝ်းဘိုး လောင်ဘည်ကူန်ရဝ်မာဂါင်ဂဲ ကတူ;ကီန်ဒည်း ကဇေန်နီး ဂဲကမိုန်က္လာင်းဟာဝ်း ကနာည်နံင်ဆာင်လာင်ကဲဒီန် ကာည်း အီရံပ်ဇီုင်းကပ္လိုင် တီုင်ဌာနတောန်ဌာနဂဲ ကမိုန်ဟာဝ်း ကနာည်ဇီုင်းကာန်ကပ္လိုင် ဘြောင်ချှာင် နံင်ကပါ်,ကပံန်ဟာဝ်းအောႏ။

     ဆဲ;ဒီန် ဆန်ုမ် 2024 ခေဲင်ကျံရ်တောရ်ဒီန် ကနာည်နံင်ဓီရ်ဝိူဝ်; ကျောင်ပနောဘေဲ, ကျောင်TLEC နီန် ကနာည်နံင်ပေန်ဝိူဝ်; စီဓီရ်ပျိူဝ်, တားဘြောင်ချှာင်ရဝ် ဂဲအီဟိုက်ဒေဲ;ကဲဒီန် ပဲန် ဖုင်ကာ်မ်မတီအောႏ။

     ပါင်ကတူ;ကငျားဒီန် PSLF/TNLA ဖုင်တီုင်ဘြောင်ချှာင် ကာည်း အီရံပ်ဇီုင်းကပ္လိုင်တီုင်ဌာန၊ ဇံင်၊ တားဘြောင်ချှာင်လှံင်၊ ကူန်ရဝ်မာဂါင်ဂဲ ကစုကပိုမ် (40)အီး ဟိုက်ရောတ်ဒေဲ;အောႏ။

PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း