29 March 2024

ဆဒါင် ခေဲင်လှံင်အိုမ်ယ်ုရ် ကူန်ရဝ်မာဂါင်ဂဲ ကပိုမ်ဒေတာ,ပ္လါရ်;ဟာဝ်း ဒေင်ကူန်ကြီတ်

ဆန်ုမ်2024၊ ကျံရ်အိုည် ဆငည်း (29)

     ကုင်တအာင်း၊ အိူင်အိုမ်ယ်ုရ်၊ လှံင်အေဲမ်ယ်ုရ် ကျံရ်အိုည် ဆငည်း(12)ဒိူန်း ကူန်ရဝ်မာဂါင်ဂဲ ​ကပိုမ်ဒေ ဘြဲဆားဟာဝ်း ဒေင်ကတူည်, ဟာဝ်းအူရဝ်တောအူရဝ် စီဓီရ်ပျိူဝ်, တာ,ပ္လါရ်; ဟာဝ်းပဲန် ဒေင်ကူန်ကြီတ်အောႏ။

     ဆာ်မို;ဒေင်ကတူ;ရဝ်ကဲဒီန် မို;ဒေင်ဒါင်းဟာဝ်း ရဝ်မာန်လောည်ဂိုး၊ ရဝ်မာန်လောည်ဒိူဝ်,၊ ရဝ်ပို;ဂိုး၊ ရဝ်ပို;ဒိူဝ်,၊  ရဝ်ငွံန်ဆာည်း ကာည်း ရဝ်လောည်ခံမ်း ဟိုက်ဟာဝ်းဒေင် ကဒါ,ရဝ်မာန်စာမ် လှံင်လာဆေဝ်အောႏ။

     ဒေင်ဟာဝ်းဒီန် ကနာည်ကူန်ရဝ်မာဂါင်တိုအီးရဝ်ဂဲ ဘိူန်းဒေဟာဝ်းချှီ,ဓီရ်ချှီ, စီပဲန်ကူန်ရဝ်မာဂါင်ဂဲ ကဖြောမ်ကရောမ်ဒေဓီရ်ဘြဲဆားတာ,ပ္လါရ်;ဟာဝ်း ဒေင်ကူန်ကြီတ် ကဇေန်နီး အူရဝ်တောအူရဝ်မာ် ဟောည်,ဘိူန်းဒေဟာဝ်းချှီ, အောႏ။

    ဆာ်မို;ဒေင်ကူန်ကြီတ်ဒီန် ကညာအီမိူဝ်;စေတနာဂဲ ကဇောည်လှူရိူန်း (600)ဆဲန်လေ;၊ ​ကူန်ရဝ်မာ်ဂါင်ဂဲ စီကပိုမ်ဒေတာ,ပ္လါရ်;ဟာဝ်းဒေင်ကူကြီတ် ထာန်ကဝါ;အ်ုန်ဂေါည် (10)ပေ ကာည်း ထာန်ဒိုင်းဂေါည် (2000)ပေလေ;အောႏ။

PSLF/TNLA

#တီုင်ပ္လေႈလေႈဆဒါင် 

#အရာပ်အရာ

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း