28 March 2024

ဆဒါင် ရေဲန်ဟာဝ်းပ္လေါည်ဓိူဝ်;ဓါင်းပနော ကျောင်တအာင်းဥပဒေအကယ်ဒမီ လိူဝ်;(2) ခေဲင်ဒီန် ကောန်ယာင်ရေင် အီဟိုက်ဂေါည်(4)အီး

ဆန်ုမ်2024၊ ကျံရ်အိုည် ဆငည်း (18)

     ကုင်တအာင်း၊ အိူင်အိုမ်ငျံရ်၊ ကျံရ်အိုည် ဆငည်း (17) အခိင်ခညှာဒိူန်း ရေဲန်ဟာဝ်းပ္လေါည်ဓိူဝ်; ဓါင်းပနော ကျောင်တအာင်းဥပဒေအကယ်ဒမီ လိူဝ်;(2) ပလှံင်အိုမ်ငျံရ်အောႏ။

     ခေဲင်အီဟိုက်ကျောင်ဥပဒေနီး အာဝ်ဝါည်းလိူည် ကောန်အယ်တအာင်း အီဂေါည်ခေဲင်ကုင်တအာင်း အ်ုန်တောပ်ဘိုး ကောန်ယာင်ရေင် (4)အီး ကစုကပိုမ် ဂေါည်(50)အီးအောႏ။

     ခေဲင်ပ္လေါည်ဓိူဝ်;ဓါင်ပနောကျောင်နီး တံပ်အွံရ်ပ်ုန်လောတ်ကပီုန်းတအာင်း PSLF/TNLA တားချှာင်ဇီုင်းကာန်တောန်နဲ ခူန်ချု တားဘုင်ကျော် စီက္လာင်းဟာဝ်းကြော;တံမ်းဒါ;" ကောန်ကျောင်ဂဲပါ့်ဒို,ဒိုည်, အခိင်ပနောကျောင်ဥပဒေ ခေဲင်ဘြည်(2)ဆန်ုမ်နီန် တောန်အီး တောန်ကဝ် လိုဟံပ်နော;ဟံပ်ဖိူမ်ပနောဟာဝ်း ကာည်း ဘံန်လိူဝ်;ဘံန်းနီန်မာ် နံင်ရီန်းရဲတ်ဒေဝိူဝ်;ဟာဝ်း ဘွောည်,ဥပဒေဒီပလိုမာ ခါန်ဇာရ်မှယ်အာည်,နီးအောႏ။

      အီရံပ်ဇီုင်းကပ္လိူင် ကျောင်တအာင်းဥပဒေအကယ်ဒမီ ဒါရိုက်တာမာည်းမျိုးအံင် စီက္လာင်းဒါ;" ပ်ုန်ကယေင်ဓိူဝ်;ဟာဝ်းကျောင်နီးမို; ခေဲင်ကုင်အယ်တအာင်း နံင်မိူဝ်;ဟာဝ်း ကညာပိင်ငျာ၊ လံပ်ဘ္လီုက်လှူပ်တြားဥပဒေ၊ အီဆာင်လာင်းအမှုကာည်း ပဘိုးဟာဝ်းတားဘ္လံက်ချှာင်တြား ဘည်ကဲနီးအောႏ။

     ဘံန်နံင်ဝိူဝ်;ဟာဝ်း ကျောင်တအာင်းဥပဒေလိူဝ်;ဘံန်းနီန် လိုမို;ခြိူဝ်းမျိုးဆေမှောမာ် ယဲရံပ်ရို;ခိုည်းအူန်း ကာည်း ဂဲအီနံင်ဟိုက် ဒဲ;အ်ုန်မို; ကဲအီဟောည်,အံင်ဘေဲ,တက္ကသိုလ်အောႏ။

ကျောင်တအာင်းဥပဒေအကယ်ဒမီနီန် (Ta'ang Law Academy) ဇူ;ဓိူဝ်;ဟာဝ်း ဆန်ုမ်2022 ကျံရ်အူ ကောန်ကျောင်အီဟိုက်ဓါင်းပနောလိူဝ်;အူ ကပိုမ်ဂေါည် (30)အီးအောႏ။

     ဆာ်မို;ကောန်ကျောင်ကဲအီဟောည်,ဟာဝ်းကဲနီန် ဒဲ;ဂဲရေဲန်ဟာဝ်းဇီုင်းကာန် အီဆာင်လာင်းအမှု ဘည်လိူည်လံပ်ဘ္လီုက်လှူပ်တြားဥပဒေခေဲင်ကုင်တအာင်း၊ ကဒါ,ငိူပ်မေန်း လံပ်အရေးကူန်ရဝ်မာဂါင် ကဒါ, လူမ်ဘ္လံက်ချှာင်တြားဥပဒေ  PSLF/TNLA ဂဲအောႏ။

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း