ဆဒါင် ပလှံင်အေဲမ်ကိုက် အီမာည်း (1)အီး ဂေါ,မို; အ်ုန်ညာဒေ ညဲ့တီ,မဲင် ပ်ုန်တီ,အူန်း ဆီုက်ဘြာန် ဇိူင်အ်ုန် ကဘူတ်ဟာဝ်းအူကဒါ,
28 March 2024
ဆဒါင် ပလှံင်အေဲမ်ကိုက် အီမာည်း (1)အီး ဂေါ,မို; အ်ုန်ညာဒေ ညဲ့တီ,မဲင် ပ်ုန်တီ,အူန်း ဆီုက်ဘြာန် ဇိူင်အ်ုန် ကဘူတ်ဟာဝ်းအူကဒါ,
ဆန်ုမ်2023၊ ကျံရ်အိုည် ဆငည်း 16
ကုင်တအာင်း၊ အိူင်အိုမ်ခြိုင်း၊ ပလှံင်အေဲမ်ကိုက် ခည်မို; ကျံရ်အိုည် ဆငည်း (11)ဒိူန်း အီမာည်း (1)အီး ဂေါ,မိုး အ်ုန်ညာဒေ ညဲ့တီ,မဲင် ပ်ုန်တီ,အူန်း ဆီုက်ဘြာန် ဇိူင်အ်ုန် ကဘူတ်ဟာဝ်းပွံတ်အူကဒါ,အောႏ။
ဘည်မို;ဘည်ငါည်းအ်ုန် စီမို; ကျံရ်အိုည် ဆငည်း (12) အခိင်စူန်အံပ်(3)နြီဒိူန်း အီမာည်းဒီန် အခိင်အ်ုန်ဒါ;ဒေဟာဝ်းဂေတ်ဟေင် ကဒါ,ဇံင်(5) တပြောကျောင်စဝ် အ်ုန်စီညာဒေ ညဲ့တီ,မဲင်ဘည်ဒီန်အောႏ။
အ်ုန်အီညာဒေညဲ့တီ,မဲင်ဒီန် အ်ုန်ဇီုဝ် တာအာည်,ညို အဆာက် (42)ဆန်ုမ် အ်ုန်ဂေါည် ပလှံင်အေဲမ်ကိုက် ရဝ်ဟိုစံင်းအောႏ။ ဂေါ,မဲင်တီ,ဆီုက်ဘြာန်ဂဲ ဇိူင်အ်ုန် ကဒါ,လဝဲ ညာကဘူတ်ဟာဝ်း ကာည်း ဇိူင်ကဒါ,လတံမ်မာ် ညာကတူ;ဟာဝ်းဖေး။ ဆာ်မို;အီမာည်းအီကတူ;ဖေးဒီန် တံပ်နာန်းတအာင်းကောန်ဆီုက် TNLA ဂဲ တိုန်းဟာဝ်းဆနံမ်း ပဂါင်ဆနံမ် လှံင်အေဲမ်ကိုက်အောႏ။
ခည်မို; ဆငည်း (12)ဒီန်မာ် အီမာည်း (1)အီး ညာဒေညဲ့ တီ,မဲင်ပ်ုန်တီ,အူန်း ဆီုက်ဘြာန် ပတံပ်ဆခါန်းတီတ်အောႏ။
ခည်မို; ကျံရ်အူဒိူန်း ကူန်ရဝ်မာဂါင် အီဂေါည် ပလှံင်ဆဘော၊ လှံင်လာဆေဝ်၊ လှံင်မူစယ်၊ လှံင်အေဲမ်ခြီရ်၊ လှံင်ရူကော၊ လှံင််အိုမ်ယ်ုရ် ကာည်း လှံင်အိုမ်ငျံရ် ကဲနီန် အီကတူ;ဒေညာညဲ့ တီ,မဲင် အီမာည်း ဂေါည်ပွံတ် (12)အီး၊ အီပ်ုန် ကပိုမ် (3)အီး ညာကတူ;ဟာဝ်းဖေးဆဝ် ကာည်း အီပ်ုန် (1)အီး ယံမ်းဟာဝ်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ပ္လေဲဝ်အခွါင်းအရေး
Comment Lists