လံပ်တီုက်နာန်း 1027 ဒေါန်(2) ခေဲင်(145)ဆငည်းနီန် ပဲန်ဟာဝ်း ကတီုက်ကပဴင် ပလှံင်နောင်ချေဲဝ် ဆီုက်ဘြာန် တားတီုင်တံပ်ဒါင်းအူအီးယံမ်း၊ ဘိူန်းဘိုးဒေဆီမ်းဟာဝ်းပ္လေလာက်နာက်
19 November 2024
လံပ်တီုက်နာန်း 1027 ဒေါန်(2) ခေဲင်(145)ဆငည်းနီန် ပဲန်ဟာဝ်း ကတီုက်ကပဴင် ပလှံင်နောင်ချေဲဝ် ဆီုက်ဘြာန် တားတီုင်တံပ်ဒါင်းအူအီးယံမ်း၊ ဘိူန်းဘိုးဒေဆီမ်းဟာဝ်းပ္လေလာက်နာက်
ကုင်တအာင်း၊ ကျံရ် (11) ဆငည်း (19)
ကုင်တအာင်း၊ အိူင်အိုမ်ယ်ုရ်၊ ကျံရ်ကိူရ်အူ ဆငည်း(16) ဒိူန်း တီုင်တံပ်ဆီုက်ဘြာန် ကာည်း တံပ်နာန်းတအာင်းTNLAဂဲ ပဲန်ဟာဝ်း ကတီုက်ကပဴင် ဒီတံပ်ဆခါန်း (354) ကာည်း တံပ်ဆခါန်း (902)အောႏ။
ခေဲင်ကတီုက်ကပဴင်ဒီန် တီုင်တံပ်ဆီုက်ဘြာန် တီုင်တံပ်(11)ခမရ (213)တားတီုင်တံပ်ဒါင်း ခူန်အွံရ်၊ အီမိူဝ်ႈ ဘ္လံက်ချှံန် ထာန်ခူန်နာန်းဒါင်း ကာည်း ကောန်နာန်းကဲ ယံမ်း ဘိူန်းပွံတ်ဒေဆီမ်းဟာဝ်း ပ္လေလာက်နာက်ကာည်း ဂြိုခြီုင်ပ်ုန်ဒါဆီုက်ဘြာန်ဂဲအောႏ။ ဆဲႈဒီန် ဘိူန်းဒေဆီမ်းဟာဝ်းပ္လေလာက်နာက် ကာည်း ဘိူန်းဒေတိုည်း တိုအီးဆီုက်ဘြာန်ဂဲ (4)အီးအောႏ။
တီုင်တံပ်ဆီုက်ဘြာန်ဂဲ အီဂေါည်ခေဲင်ကုင်ဆျှံမ်လံပ်ပိူည် လှံင်ရပ်စောက် စောက်ဂူဂဲ ဟံပ်ပဘိုးဒေဲႈဆီုက်ကဇောည် ကဒါႇလှံင်နောင်ချေဲဝ် ဂေါႇဆီုက်ဘြာန်ဂဲ ထီမ်းဟိုက်ဒီဂေါည်တံပ်နာန်းတအာင်းဘည်ဒီန် ပါ့်အာရ်ကဒါႇ စီဆီုပ်ပဲန်ဟာဝ်းကတီုက်ကပဴင်ဒါင်းရောတ်ကဇေန်နီန်အောႏ။
ဆီုက်ဘြာန်ဂဲ ကနာည်နံင်ဘိူန်းဒေဘြောင်ချှာင် တံပ်ဆခါန်းတော်င်ခံမ်း ပလှံင်နောင်ချေဲဝ်ဒီန် ဂဲယိူဝ်ႇကုင်ဆျှံမ်ကဒါႇလံပ်ပိူည် လှံပ်ရပ်စောက်-စောက်ဂူ ဒါထာမီန် ဟံမ်းပဘိုးဒေဲႈဆီုက်ကဇောည်ကာည်း ဂြိုခြီုင်လာက်နာက်အောႏ။
ဆီုက်ဘြာန်ဂဲ ပဴင်ပ္လေဒါင်း ကာည်း ဒါထာမီန်ပ္လေႈ ပ္လေဘျုင် ဒီအာဝ်းပဲန်ကတီုက်ကပဴင်ဘည်ဒီန်အောႏ။
#PSLF/TNLA
#တီုင်ပ္လေ;လေ;ဆဒါင်
Comment Lists