လံပ်တီုက်နာန်း 1027 ဒေါန်(2) ခေဲင်(108)ဆငည်းနီန် ပလှံင်ဆဘော ကာည်း လှံင်နောင်ချေဲဝ် ဆီုပ်ပဲန်ဟာဝ်းကတီုက်ကပဴင်ဒါင်း
11 October 2024
လံပ်တီုက်နာန်း 1027 ဒေါန်(2) ခေဲင်(108)ဆငည်းနီန် ပလှံင်ဆဘော ကာည်း လှံင်နောင်ချေဲဝ် ဆီုပ်ပဲန်ဟာဝ်းကတီုက်ကပဴင်ဒါင်း
ဆန်ုမ်2024၊ ကျံရ်(10)၊ ဆငည်း(11)
ကုင်တအာင်း၊ အိူင်အိုမ်ယ်ုရ်၊ ပလှံင်ဆဘော၊ ဒီတံပ်ဆခါန် ခလရ(23) အူဒီ ၊ ကဒါႇလံပ်ပိူည် တံပ်ဆခါန်း(354)ကဲဒီန် ဆီုက်ဘြာန် ကာည်း တံပ်နာန်းတအာင်းTNLA ဂဲ ပဲန်ဟာဝ်းကတီုက်ကပဴင်ဒါင်းအောႏ။
ကျံရ်(10)၊ ဆငည်း(10) အခိင် ခိညှာ(9:30)မနေဲတ်ဒိူန်း ပဲန်ကတီုက်ကပဴင် ပလှံင်ဆဘော ဆီုက်ဘြာန် ခလရ(23)တံပ်ဆခါန်း အူဒီ ကာည်း အခိင် စူန်အံပ်(5:08)ပနေဲတ်ဒီန် ပဲန်ဟာဝ်းကတီုက်ကပဴင် ဒီတံပ်ဆခါန် အမက(354)အီဂေါည် ပလှံင်နောင်ချေဲဝ် အောႏ။
ဒီပဲန်ကတီုက်ကပဴင် ပလှံင်ဆဘောဒီန်မာ် ဆိုက်ဘြာန်ဂဲ ဒါJet Fighter (4)လိူဝ်ႈ ကာည်း ဒါထမီန် Y12(1)လိူဝ်ႈ ရောတ်ဒေဲႈပဴင် ပ္လေဘျုင်(6)ပိုင်း ပလှံင်နောင်ချေဲဝ် ရဝ်ဘာန်ဘွေး ရဝ်ယေမံင်တာန်း ကာည်း ရဝ်ဂါန့်ကော် ဆီုက်ဘြာန်ဂဲ ပ္လေဒါင်းဟောင်ဝေဆာ ဒေဲႈရောတ်ဒေပဴင်(1)လိူဝ်ႈ ကာည်း ပ္လေဘျုင်(3)ပိုင်းအောႏ။
ဆဲႈဒီန် ပလှံင်ဆဘော ဆီုက်ဘြာန်ဂဲ ဒါY12 ဒေဲႈတိုန်းဂြိုခြီုင်တောန်မျို (11)လိူဝ်ႈ ဒီတံပ်ဆခါန်း ခလရ(23)ဒီန်အောႏ။
တီုင်တံပ်ဆီုက်ဘြာန်ဂဲ အီဂေါည်ခေဲင်ကုင်ဆျှံမ်လံပ်ပိူည် လှံင်ရပ်စောက် စောက်ဂူဂဲ ဟံပ်ပဘိုးဒေဲႈဆီုက်ကဇောည် ကဒါႇလှံင်နောင်ချေဲဝ် ဂေါႇဆီုက်ဘြာန်ဂဲအီထီမ်းဟိုက်ဘည်ဒီန် ပါ့်အာရ်ကဒါႇ ဆီုပ်ပဲန်ဟာဝ်းကတီုက်ကပဴင်ဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
Comment Lists