လံပ်တီုက်နာန်း 1027 ဒေါန်(2) ခေဲင်(84)ဆငည်းနီန် ပလှံင်နောင်ချေဲဝ် ဆီုပ်ပဲန်ကတီုက်ကပဴင်ဒါင်း
18 September 2024
လံပ်တီုက်နာန်း 1027 ဒေါန်(2) ခေဲင်(84)ဆငည်းနီန် ပလှံင်နောင်ချေဲဝ် ဆီုပ်ပဲန်ကတီုက်ကပဴင်ဒါင်း
ကုင်တအာင်း၊ ကျံရ်တီမ် ဆငည်း(18)
ကုင်တအာင်း၊ အိူင်အိုမ်ယ်ုရ်၊ လှံင်နောင်ချေဲဝ် တီုင်တံပ်ဆီုက်ဘြာန်ဂဲ ကာည်း တံပ်နာန်းတအာင်း TNLA ပဲန်ဟာဝ်းကတီုက်ပဴင် ဆီုက်ဘြာန် အမတ ဒီတံပ်ဆခါန်(354)၊ တပြောရဝ်တော်င်ခံမ်း၊ ဒီတံပ်ဆခါန်ဆီုက်ဘြာန် (902) ကာည်း တပြောရဝ်မကျီးယေဒီန်အောႏ။
ယာမ်မိုႈ ဆငည်းအမှိုဝ်း အခိင် ခိညှာဇေဝ်း (230)မနေဲတ်ဒိူန်း ပဲန်ဟာဝ်းကတီုက်ကပဴင်မိုႈ ဒီတံပ်ဆခါန် (354)၊ ဒီတပြောရဝ်တော်င်ခံမ်းဒီန် အခိင်ကဒည်ဆငည်း (11)နြီ၊ အခိင်စူန်အံပ် ပရဝ်မကျီးယေ၊ အခိင်စူန်အံပ် (345)မနေဲတ် ဒီတံပ်ဆခါန်(902)ကဲဒီန်အောႏ။
ပလှံင်ဆဘော ဆီုက်ဘြာန် ခလရ တံပ်ဆခါန်(23)ဂဲ ဒါ Y-12 ရောတ်ဒေဲႈပဴင်ပ္လေဘျုင် (80)ပိုင်း (13)လိူဝ်ႈအောႏ။
ဆဲႈဒါႇဒီန် ဆီုက်ဘြာန် ခမရ တံပ်ဆခါန်(23)ဂဲ ဒါထမီန် Y-12 ဒေဲႈတိုန်း ဂြိုခြီုပ္လေလာက်နာက် (1)လိူဝ်ႈအောႏ။
တီုင်တံပ်ဆီုက်ဘြာန်ဂဲ အီဂေါည်ခေဲင်ကုင်ဆျှံမ်လံပ်ပိူည် လှံင်ရပ်စောက် စောက်ဂူဂဲ အီဟံပ်ပဘိုးဒေဲႈဆီုက်ကဇောည် ကဒါႇလှံင်နောင်ချေဲဝ် ဂေါႇဆီုက်ဘြာန်ဂဲထီမ်းဟိုက်ဘည်ဒီန် ပါ့်အာရ်ကဒါႇ ဆီုပ်ပဲန်ဟာဝ်း ကတီုက်ကပဴင်ဒါင်းအောႏ။
#PSLF/TNLA
#တီုင်ပ္လေႈလေႈဆဒါင်
#ဆဒါင်ကတီုက်ကပဴင်
Comment Lists