ပလှံင်ရူကော ဆီုက်ဘြာန်ဂဲ ဒါထမီန် ရောတ်ဒေဲႈပဴင် ပ္လေဒါင်းထာန်ဇံန်(500) (2)ပိုင်း လက်ဟာဝ်းတိုအီရဝ်(1)အီးကတူႈဖေးဆဝ်
05 September 2024
ပလှံင်ရူကော ဆီုက်ဘြာန်ဂဲ ဒါထမီန် ရောတ်ဒေဲႈပဴင် ပ္လေဒါင်းထာန်ဇံန်(500) (2)ပိုင်း လက်ဟာဝ်းတိုအီရဝ်(1)အီးကတူႈဖေးဆဝ်း
ကုင်တအာင်း၊ ကျံရ်(9) ဆငည်း (5)
ကုင်တအာင်း ၊ အိူင်အိုမ်ယ်ုရ်၊ ဆီုက်ဘြာန်ဂဲ ဒါထမီန် ရောတ်ဒေဲႈပဴင် လာက်နာက်အီရဲင်ဘ္လောမ် ပ္လေဒါင်း ထာန်ဇံန်(500) (2)ပိုင်း ခေဲင်လှံင်ရူကောအောႏ။
ယာမ်မိုႈ ကျံရ်(9) ဆငည်း(3) အခိင်ရမှိူဝ် (10:45)မနေဲတ်ဒိူန်း ဆီုက်ဘြာန်ဂဲ ဒါဂျဲက်ဖ်ုက်တာ ရောတ်ဒေဲႈပဴင် ပ္လေဒါင်း ထာန်ဇံန်(500) (2)ပိုင်း စီဇောႈပဒူႈလံက်ဟာဝ်း တေဲင်ယုင်စာတ်မျံမ် တားအာည်းအေး။ ဂေါႇမိုႈပ္လေဒါင်းဇောႈပဒူႈဘည်ဒီန် လံက်ဟာဝ်း မာည်းတဲက်နာည်လီန် အဆာက် (21)ဆန်ုမ် တည်းကဒါႇလံက်တာမ် ကာည်း ကြောင်ကတူႈဖေးဆဝ်းအောႏ။
ဆဲႈဒီန် ခည်အာည်ႇနီန်ဒိူန်းမာ် ပ္လေဇောႈပဒူႈ တံပ်ဆခါန်း ဆီုက်ဘြာန် (130)ဂဲ ဂါင်ကူန်ရဝ်မာဂါင် အီဂေါည်တပြောဒီန် (6)ဂါင် လူလှဲဝ်ဟာဝ်း။ ဂေါႇဂဲဒါပ္လေဒါင်း ထာန်ဇံန်(500) တီုက်ဘည်ဒီန် ဂါင်အ်ုန်အီလူလှဲဝ်ဟာဝ်းကဲနီး တံပ်အွံရ်ပ်ုန်လောက်ကပီုန်တအာင်းPSLF/TNLA ကဲအီရံပ်ဇီုင်းကပ္လိုင် ဟာဝ်းဆာင်လာင်းဒဲႈအောႏ။
ဒီဘိူန်း PSLF/TNLAတဘြောင်ချှာင် လှံင်အိုမ်ယ်ုရ်၊ လှံင်အေဲမ်ကိုက်၊ လှံင်မာဝ်းဝံင်၊ လှံင်ဆဘော၊ လှံင်ရူကောကဲနီန် ဆီုက်ဘြာန်ကဲ ကယေင်နံင်ကူန်ရဝ်မာဂါင်ကဲ ကတူႈဖေးဆဝ် ဂေါည်ဂေါည်ဒေ ရောတ်ဒေဲႈပဴင်ပ္လေဒါင်းကာည်း ပ္လေဘျူင်အရာပ်ကုင်တအာင်းအောႏ။
#PSLF/TNLA
#တီုင်ပ္လေႈလေႈဆဒါင်
Comment Lists