09 July 2025

နောင်ချိုမြို့နယ်ရှိ ကျေးရွာ (၇)ရွာတွင် စစ်ကောင်စီတပ်နှင့် တအာင်းတပ်မတော်-TNLAတို့ တိုက်ပွဲဆက်လက်ဖြစ်ပွား

နောင်ချို၊ ဇူလိုင်လ ၉ရက်
တအာင်းပြည်သတင်း

တအာင်းပြည်၊ တပ်မဟာ (၃)နယ်မြေ၊ နောင်ချိုမြို့နယ်ရှိ ရေမောင်းတန်း၊ နောင်လင်၊ အုမ္မခါး၊ ကျောက်ကြမ်း၊ ကျောက်တော၊ နားမုံနှင့် ကသဲမျှောင်ကျေးရွာတို့တွင် စစ်ကောင်စီတပ်နှင့် တအာင်းတပ်မတော် TNLAတို့ တိုက်ပွဲဆက်လက်ဖြစ်ပွားနေချိန်အတွင်း စစ်ကောင်စီတပ်မှ လက်နက်ကြီး (၁၈၉)လုံးနှင့် ဒရုန်းဖြင့် ဗုံး (၄၈)လုံးတို့ကို ပစ်ကူတိုက်ခိုက်ခဲ့သည်။

ဖြစ်စဥ်တွင် ဇူလိုင်လ (၈)ရက်နေ့၌ ရေမောင်းတန်းနှင့် နားမုံကျေးရွာဘက် တိုက်ပွဲဖြစ်ပွားနေချိန်အတွင်း စစ်ကောင်စီတပ်မှ လက်နက်ကြီး (၆၂)လုံးနှင့် ဒရုန်းဖြင့် ဗုံး (၁၀)လုံးတို့ကို ပစ်ကူတိုက်ခိုက်ခဲ့သည်။

အလားတူ ကျောက်ကြမ်း၊ နောင်လင်နှင့် အုမ္မခါးကျေးရွာတို့တွင် စစ်ကောင်စီတပ်နှင့် တအာင်းတပ်မတော် TNLAတို့ တိုက်ပွဲဖြစ်ပွားနေချိန် စစ်ကောင်စီတပ်မှ လက်နက်ကြီး (၉၇)လုံးနှင့် ဒရုန်းဖြင့် ဗုံး (၃၈)လုံးတို့ကို ပစ်ခတ်တိုက်ခိုက်ခဲ့ပါသည်။

ထိုအပြင် ကျောက်တောနှင့် ကသဲမျှောင်ကျေးရွာဘက်တွင်လည်း စစ်ကောင်စီတပ်နှင့် တအာင်းတပ်မတော် TNLAတို့ တိုက်ပွဲဖြစ်ပွားနေစဥ် စစ်ကောင်စီတပ်မှ  လက်နက်ကြီး (၃၀)လုံးတို့ကို ပစ်ကူတိုက်ခိုက်ခဲ့သည်။

ပြီးခဲ့သည့် ဇူလိုင်လ (၇)ရက်နေ့လည်း နောင်ချိုမြို့နယ်ရှိ  မျက်ချီးနု၊ ရေမောင်းတန်း၊ နောင်လင်၊ ကျောက်ကြမ်း၊ နန်းကျီးကုန်းနှင့် နားမုံကျေးရွာတို့တွင် စစ်ကောင်စီတပ်နှင့် တအာင်းတပ်မတော် TNLAတို့ တိုက်ပွဲဖြစ်ပွားနေချိန်အတွင်း စစ်ကောင်စီတပ်မှ လက်နက်ကြီး (၁၂၇)လုံးနှင့် ဒရုန်းဖြင့် ဗုံး (၄၂)လုံးတို့ကို ပစ်ကူတိုက်ခိုက်ခဲ့သည်

ထိုကြောင့် မိဘပြည်သူများအနေဖြင့် စစ်ကောင်စီတပ်၏တိုက်ခိုက်မှုများရှောင်ရှားနိုင်ရန် စစ်ရေးသတိအမြဲရှိရန် လိုအပ်ပြီး လေကြောင်းရန်မှကာကွယ်နိုင်ရန်လေကြောင်းရန် ကာကွယ်ရေးဆိုင်ရာနည်းလမ်းများ လိုက်နာဆောင်ရွက်ရန်လိုအပ်ပါသည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်