၁၀၂၇ စစ်ဆင်ရေး အပိုင်း(၂) တတိယရက် စစ်ကောင်စီတပ်စခန်းအချို့ထပ်မံသိမ်းပိုက်နိုင်ပြီး လက်နက်ခဲယမ်းအချို့ ထပ်မံသိမ်းဆည်းရမိ
27 June 2024
၁၀၂၇ စစ်ဆင်ရေး အပိုင်း(၂) တတိယရက် စစ်ကောင်စီတပ်စခန်းအချို့ထပ်မံသိမ်းပိုက်နိုင်ပြီး လက်နက်ခဲယမ်းအချို့ ထပ်မံသိမ်းဆည်းရမိ
ဇွန်လ (၂၇)ရက်၊ တအာင်းပြည်သတင်း
၁။ တအာင်းပြည် တပ်မဟာ (၂) စစ်ဒေသ မိုးကုတ်မြို့နယ် အေးစေတီတွင် တပ်စွဲထားသည့် စစ်ကောင်စီ ခလရ(၈၈)လက်အောက်ခံ လပခ၊ ခလရ- ၁၄၈တပ်စခန်းအား ဇွန်လ (၂၇)ရက်နေ့ နံနက် (၈း၃၀) အချိန်တွင် တအာင်းအမျိုးသားလွတ်မြောက်ရေးတပ်မတော် TNLA မှ ထိုးစစ်ဆင် တိုက်ခိုက်ခဲ့သည်။
၂။ နံနက် (၅း၄၀)နာရီအချိန်၌ ကျောက်မဲမြို့ မြို့တွင် တအာင်းတပ် TNLA နှင့် MDY-PDF ပူးပေါင်းတပ်ဖွဲ့တို့ စစ်ကောင်စီတပ် စကခ(၁)၊ ခမရ(၅၀၁)၊ (၅၀၂)တပ်အား စည်ပင် ဘုန်းတော်ကြီးကျောင်းနှင့် နောင်ပြစ်စသည့်နေရာများတွင် နှစ်ဖက်ထိတွေ့တိုက်ပွဲဖြစ်ပွားခဲ့သည်။
၃။ နောင်ချိုမြို့ရှိ စစ်ကောင်စီတပ် ခမရ - ၁၁၄ တပ်စခန်းအား တအာင်းတပ် TNLA စစ်ကြောင်းမှ နံနက် (၆း၀၆)နာရီအချိန်တွင် ဝင်ရောက်တိုက်ခိုက်ခဲ့သည်။ နံနက် (၁၀)နာရီအချိန်တွင် အုမ္မခါးရွာ၌ တပ်စွဲထားသည့် စစ်ကောင်စီတပ်စခန်းအား တအာင်းတပ် TNLA မှ တိုက်ခိုက်သိမ်းပိုက်နိုင်ခဲ့သည်။
၄။ တိုက်ပွဲဖြစ်ပွားနေသည့် နောင်ချိုမြို့ ၌ နံနက် (၁၁း၁၄)နာရီအချိန်တွင် တအာင်းတပ်မတော်မှ ထိုးစစ်ဆင်တိုက်ခိုက်နေသည့် စစ်ကောင်စီတပ်ရင်း (၁၁၄)တပ်စခန်းအား စစ်ကောင်စီမှ Y-12 လေယာဉ်ဖြင့်သော်လည်းကောင်း (၁၁း၃၀)အချိန်တွင် ဂျတ်ဖိုက်တာဖြင့်သော်လည်းကောင်း လာရောက်ဗုံးကြဲခဲ့သည်။ တစ်ဆက်တည်းမှာပင် တအာင်းတပ်မတော် TNLA နှင့် MDY-PDF ပူးပေါင်းတပ်ဖွဲ့တို့မှ စစ်ကောင်စီတပ်ရင်း (၆၀၆)တပ်စခန်းအား နံနက် (၁၁) နာရီအချိန်တွင် တိုက်ခိုက်ခဲ့သည်။ ထို့နောက် နံနက် (၁၁း၅၀)နာရီအချိန်တွင် စစ်ကောင်စီမှ Y-12 လေယာဉ်ဖြင့် လာရောက်ဗုံးကြဲခဲ့သည်။
ကျောက်မဲမြိုနယ်တွင် တအာင်းတပ်ထံ လက်နက်ချအလင်းဝင်လာသည့် စစ်ကောင်စီ တပ်ဖွဲဝင် (၁၇)နှင့်အတူ ၆၀မမ ( ၂) လက်၊ စလတ် (၆)လက်၊ RPG-7 (၂)လက်၊ စနိုက်ဘာ (၁) လက်၊ ပစ္စတို(၅)လက်၊ မိုင်း(၅)လုံး၊ ၆၀မမ ဗုံးသီးနှင့် RPG ဗုံးသီးများအပြင် စစ်အသုံးအဆောင်ပစ္စည်းများ၊ လက်နက်မျိုးစုံ (၅၉)မျိုးနှင့် ခဲယမ်းများစွာ သိမ်းဆည်းရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ